JICA Myanmar ရုံးမှ Chief Representative ဖြစ်သူ Mr. Masayuki Karasawa နှင့်တွေ့ဆုံ

နေပြည်တော် ၂၀၂၀ မတ် ၁၉

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် JICA Myanmar ရုံးမှ Chief Representative ဖြစ်သူ Mr.Masayuki Karasawa နှင့်အဖွဲ့အား ၂၀၂၀ ခုနှစ် မတ်လ ၁၉ ရက်နေ့ နံနက် ၁၁ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

ပြည်ထောင်စု၀န်ကြီး ၂၀၂၀ ပြည့်နှစ်၊ တက္ကသိုလ်၀င်စာမေးပွဲ မြန်မာစာဘာသာရပ် ဖြေဆိုနေမှုလှည့်လည်ကြည့်ရှု

နေပြည်တော် ၂၀၂၀ မတ် ၁၁

ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီး၊ ဒုတိယဝန်ကြီး ဦးဝင်းမော်ထွန်း၊ နေပြည်တော်ကောင်စီဝင် ဦးတင်ထွန်း၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များနှင့် သက်ဆိုင်ရာတာ၀န်ရှိသူများ လိုက်ပါလျက် မတ်လ(၁၁)ရက် နံနက်ပိုင်းတွင် နေပြည်တော် ဇမ္ဗူသီရိမြို့နယ် အမှတ်(၆)အခြေခံပညာအထက်တန်းကျောင်းရှိ ၂၀၂၀ ပြည့်နှစ်၊ တက္ကသိုလ်၀င်စာမေးပွဲစာစစ်ဌာနသို့ ရောက်ရှိပြီး တက္ကသိုလ်၀င်စာမေးပွဲ (မြန်မာစာဘာသာ) ဖြေဆိုနေမှုများကို လှည့်လည်ကြည့်ရှုသည်။

ပြည်ထောင်စု၀န်ကြီးသည် ကျောင်းသူကျောင်းသားများ မြန်မာစာဘာသာ ဖြေဆိုနေမှုများ နှင့် စာမေးပွဲဆိုင်ရာလုပ်ငန်းဆောင်ရွက်နေမှုများကို လှည့်လည်ကြည့်ရှုပြီး သက်ဆိုင်ရာတာ၀န် ရှိသူများအား ၂၀၂၀ပြည့်နှစ်၊ တက္ကသိုလ်ဝင်စာမေးပွဲ ဝင်ရောက်ဖြေဆိုကြသည့် ကျောင်းသား ကျောင်းသူများ စာမေးပွဲဖြေဆိုနေစဉ်ကာလအတွင်း စိတ်အေးချမ်းသာစွာဖြေဆိုနိုင်ရေး၊

စည်းကမ်းရှိစွာဖြင့် စိတ်အေးချမ်းသာစွာဖြေဆိုနိုင်ရေး၊ ကြီးကြပ်ရေးမှူး၊ လက်ထောက်ကြီးကြပ် ရေးမှူးများလိုက်နာဆောင်ရွက်ကြရမည့် တာ၀န်၀တ္တရားများကို ကျေပွန်စွာဆောင်ရွက်၍ တက္ကသိုလ်၀င်စာမေးပွဲ အောင်မြင်စွာကျင်းပ ပြီးစီးနိုင်ရေးဝိုင်း၀န်းကူညီဆောင်ရွက်ပေးကြရန် မှာကြားသည်။

တက္ကသိုလ်၀င်စာမေးပွဲ ပထမနေ့ မြန်မာစာဘာသာရပ်အား မြန်မာနိုင်ငံ တစ်၀န်းလုံးရှိ ပြည်တွင်းစာစစ်ဌာန(၁၉၈၄)ခုနှင့် နိုင်ငံခြားစာစစ်ဌာန(၁၅)ခု၊ စာစစ်ဌာန စုစုပေါင်း(၁၉၉၉)ခု တွင် စာမေးပွဲဖြေဆိုရန် စုစုပေါင်း(၉၇၁၄၀၇)ဦး စာရင်းပေးသွင်းကြပြီး (၉၁၀၂၇၄)ဦး အေးချမ်းစွာ ၀င်ရောက်ဖြေဆိုကြသည်။

နေပြည်တော်ကောင်စီနယ်မြေတွင် စာစစ်ဌာနစုစုပေါင်း(၅၄)ခုတွင် စာမေးပွဲဖြေဆိုရန် စုစုပေါင်း(၂၇၉၃၄)ဦးစာရင်းပေးသွင်းကြပြီး (၂၆၂၁၈)ဦး ၀င်ရောက်ဖြေဆိုကြသည်။ ရန်ကုန် ပြည်သူ့ဆေးရုံကြီးစာစစ်ဌာနတွင်(၅)ဦး၊ မြောက်ဥက္ကလာပ ဆေးရုံတွင် (၅)ဦးဖြေဆိုသည်။

အင်းစိန်အကျဉ်းဦးစီး၊ မန္တလေးအကျဉ်းဦးစီး၊ ကသာအကျဉ်းဦးစီး၊ တောင်ကလေး အကျဉ်းဦးစီး၊ တောင်ငူအကျဉ်းဦးစီး၊ ကျောက်ဖြူအကျဉ်းဦးစီး၊ ညောင်ရွှေအကျဉ်းဦးစီး၊ ကျိုင်းတုံ အကျဉ်းဦးစီးနှင့် လွိုင်ကော်အကျဉ်းဦးစီးတို့တွင် ဖြေဆိုသူစုစုပေါင်း (၁၈၈)ဦးနှင့် ကရင်ပြည်နယ် မြဝတီမှ ဝင်ရောက်ဖြေဆို (၁၃၄)ဦးရှိကြောင်း သိရသည်။

ကချင်ပြည်နယ်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်း ဒေသကြီးတို့တွင် အမြင်အာရုံမသန်စွမ်းသူ(၃၁)ဦးနှင့် ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ နေပြည်တော်တို့တွင် အကြားအာရုံမသန်စွမ်းသူ (၂၄)ဦး၊ ကချင်ပြည်နယ်၊ စစ်ကိုင်း တိုင်းဒေသကြီး၊ တနင်္သာရီတိုင်းဒေသကြီး၊ ပဲခူးတိုင်းဒေသကြီး(အရှေ့)၊ ပဲခူးတိုင်းဒေသကြီး (အနောက်)၊ မကွေးတိုင်းဒေသကြီး၊ မန္တလေးတိုင်းဒေသကြီး၊ နေပြည်တော်၊ မွန်ပြည်နယ်၊ ရခိုင် ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်(တောင်)၊ ရှမ်းပြည်နယ်(မြောက်)၊ ဧရာဝတီ တိုင်းဒေသကြီးတို့တွင် ကိုယ်အင်္ဂါမသန်စွမ်းသူ(၁၃၄)ဦးဖြေဆိုကြပြီး ကချင်ပြည်နယ်၊ မန္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီးတို့တွင် စိတ်ကြိုက်မြန်မာစာ ဖြေဆိုမည့်သူ (၁၁)ဦးရှိကြောင်း သတင်းရရှိသည်။

ပြည်ထောင်စု၀န်ကြီး ၂၀၂၀ ပြည့်နှစ်၊ တက္ကသိုလ်၀င်စာမေးပွဲ မြန်မာစာဘာသာရပ် ဖြေဆိုနေမှုလှည့်လည်ကြည့်ရှု

နေပြည်တော် ၂၀၂၀ မတ် ၁၁

ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီး၊ ဒုတိယဝန်ကြီး ဦးဝင်းမော်ထွန်း၊ နေပြည်တော်ကောင်စီဝင် ဦးတင်ထွန်း၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များနှင့်သက်ဆိုင်ရာတာ၀န်ရှိသူများ လိုက်ပါလျက် မတ်လ(၁၁)ရက် နံနက်ပိုင်းတွင် နေပြည်တော် ဇမ္ဗူသီရိမြို့နယ် အမှတ်(၆)အခြေခံပညာအထက်တန်းကျောင်းရှိ ၂၀၂၀ ပြည့်နှစ်၊ တက္ကသိုလ်၀င်စာမေးပွဲစာစစ်ဌာနသို့ ရောက်ရှိပြီး တက္ကသိုလ်၀င်စာမေးပွဲ (မြန်မာစာဘာသာ) ဖြေဆိုနေမှုများကို လှည့်လည်ကြည့်ရှုသည်။

ပြည်ထောင်စု၀န်ကြီးသည် ကျောင်းသူကျောင်းသားများ မြန်မာစာဘာသာ ဖြေဆိုနေမှုများ နှင့် စာမေးပွဲဆိုင်ရာလုပ်ငန်းဆောင်ရွက်နေမှုများကို လှည့်လည်ကြည့်ရှုပြီး သက်ဆိုင်ရာတာ၀န် ရှိသူများအား ၂၀၂၀ပြည့်နှစ်၊ တက္ကသိုလ်ဝင်စာမေးပွဲ ဝင်ရောက်ဖြေဆိုကြသည့် ကျောင်းသား ကျောင်းသူများ စာမေးပွဲဖြေဆိုနေစဉ်ကာလအတွင်း စိတ်အေးချမ်းသာစွာဖြေဆိုနိုင်ရေး၊

စည်းကမ်းရှိစွာဖြင့် စိတ်အေးချမ်းသာစွာဖြေဆိုနိုင်ရေး၊ ကြီးကြပ်ရေးမှူး၊ လက်ထောက်ကြီးကြပ် ရေးမှူးများလိုက်နာဆောင်ရွက်ကြရမည့် တာ၀န်၀တ္တရားများကို ကျေပွန်စွာဆောင်ရွက်၍ တက္ကသိုလ်၀င်စာမေးပွဲ အောင်မြင်စွာကျင်းပ ပြီးစီးနိုင်ရေးဝိုင်း၀န်းကူညီဆောင်ရွက်ပေးကြရန် မှာကြားသည်။

တက္ကသိုလ်၀င်စာမေးပွဲ ပထမနေ့ မြန်မာစာဘာသာရပ်အား မြန်မာနိုင်ငံ တစ်၀န်းလုံးရှိ ပြည်တွင်းစာစစ်ဌာန(၁၉၈၄)ခုနှင့် နိုင်ငံခြားစာစစ်ဌာန(၁၅)ခု၊ စာစစ်ဌာန စုစုပေါင်း(၁၉၉၉)ခု တွင် စာမေးပွဲဖြေဆိုရန် စုစုပေါင်း(၉၇၁၄၀၇)ဦး စာရင်းပေးသွင်းကြပြီး (၉၁၀၂၇၄)ဦး အေးချမ်းစွာ ၀င်ရောက်ဖြေဆိုကြသည်။

နေပြည်တော်ကောင်စီနယ်မြေတွင် စာစစ်ဌာနစုစုပေါင်း(၅၄)ခုတွင် စာမေးပွဲဖြေဆိုရန် စုစုပေါင်း(၂၇၉၃၄)ဦးစာရင်းပေးသွင်းကြပြီး (၂၆၂၁၈)ဦး ၀င်ရောက်ဖြေဆိုကြသည်။ ရန်ကုန် ပြည်သူ့ဆေးရုံကြီးစာစစ်ဌာနတွင်(၅)ဦး၊ မြောက်ဥက္ကလာပ ဆေးရုံတွင် (၅)ဦးဖြေဆိုသည်။

အင်းစိန်အကျဉ်းဦးစီး၊ မန္တလေးအကျဉ်းဦးစီး၊ ကသာအကျဉ်းဦးစီး၊ တောင်ကလေး အကျဉ်းဦးစီး၊ တောင်ငူအကျဉ်းဦးစီး၊ ကျောက်ဖြူအကျဉ်းဦးစီး၊ ညောင်ရွှေအကျဉ်းဦးစီး၊ ကျိုင်းတုံ အကျဉ်းဦးစီးနှင့် လွိုင်ကော်အကျဉ်းဦးစီးတို့တွင် ဖြေဆိုသူစုစုပေါင်း (၁၈၈)ဦးနှင့် ကရင်ပြည်နယ် မြဝတီမှ ဝင်ရောက်ဖြေဆို (၁၃၄)ဦးရှိကြောင်း သိရသည်။

ကချင်ပြည်နယ်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်း ဒေသကြီးတို့တွင် အမြင်အာရုံမသန်စွမ်းသူ(၃၁)ဦးနှင့် ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ နေပြည်တော်တို့တွင် အကြားအာရုံမသန်စွမ်းသူ (၂၄)ဦး၊ ကချင်ပြည်နယ်၊ စစ်ကိုင်း တိုင်းဒေသကြီး၊ တနင်္သာရီတိုင်းဒေသကြီး၊ ပဲခူးတိုင်းဒေသကြီး(အရှေ့)၊ ပဲခူးတိုင်းဒေသကြီး (အနောက်)၊ မကွေးတိုင်းဒေသကြီး၊ မန္တလေးတိုင်းဒေသကြီး၊ နေပြည်တော်၊ မွန်ပြည်နယ်၊ ရခိုင် ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်(တောင်)၊ ရှမ်းပြည်နယ်(မြောက်)၊ ဧရာဝတီ တိုင်းဒေသကြီးတို့တွင် ကိုယ်အင်္ဂါမသန်စွမ်းသူ(၁၃၄)ဦးဖြေဆိုကြပြီး ကချင်ပြည်နယ်၊ မန္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီးတို့တွင် စိတ်ကြိုက်မြန်မာစာ ဖြေဆိုမည့်သူ (၁၁)ဦးရှိကြောင်း သတင်းရရှိသည်။

Spain Ambassador အဖွဲ့အား လက်ခံတွေ့ဆုံ

နေပြည်တော် ၂၀၂၀ မတ် ၁၁

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် ၁၁-၃-၂၀၂၀ ရက်နေ့ နံနက် ၁၁ နာရီတွင် Spain Ambassador အဖွဲ့အား လက်ခံတွေ့ဆုံသည်။

အခြေခံပညာ အလယ်တန်း၊ အထက်တန်း သင်ရိုးညွှန်းတမ်းရေးဆွဲရေး အစည်းအဝေး ကျင်းပ

ရန်ကုန် ၂၀၂၀ မတ် ၅

အခြေခံပညာ အလယ်တန်း၊ အထက်တန်း သင်ရိုးညွှန်းတမ်းရေးဆွဲရေး အစည်းအဝေးကို ၅ ၊၃ ၊၂၀၂၀ ရက်နေ့ ညနေ ၄နာရီခွဲတွင် ရန်ကုန်မြို့ ပါမောက္ခချုပ်များကော်မတီရုံး အစည်းအဝေးခန်းမ၌ ကျင်းပရာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး တက်ရောက်ဆွေးနွေး ပြောကြားသည်။ ရှေးဦးစွာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ၂၀၂၀-၂၀၂၁ ပညာသင်နှစ်အတွက် Grade-4, Grade-7, Grade-10 ကျောင်းသုံးဖတ်စာအုပ်များနှင့် ဆရာကိုင်စာအုပ်များကို ပြီးစီးအောင် အားသွန်ခွန်စိုက် ဆောင်ရွက်ပေးသည့်အတွက် ကျေးဇူးတင်ရှိပါကြောင်း၊ ကျောင်းသုံးဖတ်စာအုပ်များ၊ ဆရာကိုင်စာအုပ်များကို ကျောင်းဖွင့်ချိန်မတိုင်မီ သက်ဆိုင်ရာဒေသအသီးသီးသို့ ရောက်ရှိရန်လိုအပ်ကြောင်း၊ ၂၀၂၁-၂၀၂၂ ပညာသင်နှစ်တွင် အသုံးပြုမည့် Grade-5, Grade-8, Grade-11 ကျောင်းသုံးဖတ်စာအုပ်များနှင့် ဆရာကိုင်စာအုပ်များ အချိန်မီပြီးစီးရန်အတွက်လည်း အရေးကြီးပါကြောင်း၊ ဘာသာရပ်ကော်မတီ ဥက္ကဌများဖြစ်သည့် တက္ကသိုလ်များမှ ပါမောက္ခကြီးများက တက္ကသိုလ်စာမေးပွဲများ၊ တက္ကသိုလ်ဝင်စာမေးပွဲများဆိုင်ရာ မေးခွန်းများနှင့်ပတ်သက်၍ မပေါက်ကြားရန်၊ မှန်ကန်လုံခြုံတိကျရန်၊ အဖြေလွှာများကို တိတိကျကျစစ်ဆေး ဆောင်ရွက်နိုင်ရန်တို့အတွက် အထူးဂရုပြုစေလိုကြောင်း၊ တက္ကသိုလ်ဝင်စာမေးပွဲ အဖြေလွှာများစစ်ဆေးခြင်းကို သတ်မှတ်ရက်အတိုင်း ပြီးမြောက်အောင် ဆောင်ရွက်နိုင်ရန်အတွက် အထက်တန်းပြ ဆရာ ဆရာမအင်အား လုံလောက်စွာရရှိရန် ပူးပေါင်းဆောင်ရွက် ပေးစေလိုကြောင်း၊ သင်ရိုးသစ်များအတွက် မူလတန်း၊ အလယ်တန်း၊ အထက်တန်းတို့မှ သက်ဆိုင်ရာဆရာ ဆရာမများအား သင်တန်းများပေးရန် လိုအပ်ကြောင်း၊ ဆင့်ပွားသင်တန်းများကိုလည်း မှတ်တမ်းဗီဒီယိုရိုက်ကူးရန်နှင့် လုပ်ငန်းအဆင့်ဆင့်အတွက် အစီအစဉ်များချမှတ်ထားရန် လိုအပ်ကြောင်း စသည်ဖြင့် ပြောကြားသည်။ ထို့နောက် အစည်းအဝေးသို့ တက်ရောက်လာကြသည့် အမျိုးသားပညာရေးမူဝါဒ ကော်မရှင်ဥက္ကဋ္ဌနှင့် အဖွဲ့ဝင်များ၊ အမျိုးသားသင်ရိုးညွှန်းတမ်း ကော်မတီဥက္ကဋ္ဌနှင့် အဖွဲ့ဝင်များ၊ ဘာသာရပ်သင်ရိုးညွှန်းတမ်းကော်မတီ ဥက္ကဋ္ဌများက လိုအပ်ချက်၊ အခက်အခဲများနှင့် စပ်လျဉ်း၍ အကြံပြုဆွေးနွေး တင်ပြကြကြောင်း သတင်းရရှိသည်။

အခြေခံပညာ အလယ်တန်း၊ အထက်တန်း သင်ရိုးညွှန်းတမ်းရေးဆွဲရေး အစည်းအဝေး ကျင်းပ

ရန်ကုန် ၂၀၂၀ မတ် ၅

အခြေခံပညာ အလယ်တန်း၊ အထက်တန်း သင်ရိုးညွှန်းတမ်းရေးဆွဲရေး အစည်းအဝေးကို ၅ ၊၃ ၊၂၀၂၀ ရက်နေ့ ညနေ ၄နာရီခွဲတွင် ရန်ကုန်မြို့ ပါမောက္ခချုပ်များကော်မတီရုံး အစည်းအဝေးခန်းမ၌ ကျင်းပရာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး တက်ရောက်ဆွေးနွေး ပြောကြားသည်။ ရှေးဦးစွာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ၂၀၂၀-၂၀၂၁ ပညာသင်နှစ်အတွက် Grade-4, Grade-7, Grade-10 ကျောင်းသုံးဖတ်စာအုပ်များနှင့် ဆရာကိုင်စာအုပ်များကို ပြီးစီးအောင် အားသွန်ခွန်စိုက် ဆောင်ရွက်ပေးသည့်အတွက် ကျေးဇူးတင်ရှိပါကြောင်း၊ ကျောင်းသုံးဖတ်စာအုပ်များ၊ ဆရာကိုင်စာအုပ်များကို ကျောင်းဖွင့်ချိန်မတိုင်မီ သက်ဆိုင်ရာဒေသအသီးသီးသို့ ရောက်ရှိရန်လိုအပ်ကြောင်း၊ ၂၀၂၁-၂၀၂၂ ပညာသင်နှစ်တွင် အသုံးပြုမည့် Grade-5, Grade-8, Grade-11 ကျောင်းသုံးဖတ်စာအုပ်များနှင့် ဆရာကိုင်စာအုပ်များ အချိန်မီပြီးစီးရန်အတွက်လည်း အရေးကြီးပါကြောင်း၊ ဘာသာရပ်ကော်မတီ ဥက္ကဌများဖြစ်သည့် တက္ကသိုလ်များမှ ပါမောက္ခကြီးများက တက္ကသိုလ်စာမေးပွဲများ၊ တက္ကသိုလ်ဝင်စာမေးပွဲများဆိုင်ရာ မေးခွန်းများနှင့်ပတ်သက်၍ မပေါက်ကြားရန်၊ မှန်ကန်လုံခြုံတိကျရန်၊ အဖြေလွှာများကို တိတိကျကျစစ်ဆေး ဆောင်ရွက်နိုင်ရန်တို့အတွက် အထူးဂရုပြုစေလိုကြောင်း၊ တက္ကသိုလ်ဝင်စာမေးပွဲ အဖြေလွှာများစစ်ဆေးခြင်းကို သတ်မှတ်ရက်အတိုင်း ပြီးမြောက်အောင် ဆောင်ရွက်နိုင်ရန်အတွက် အထက်တန်းပြ ဆရာ ဆရာမအင်အား လုံလောက်စွာရရှိရန် ပူးပေါင်းဆောင်ရွက် ပေးစေလိုကြောင်း၊ သင်ရိုးသစ်များအတွက် မူလတန်း၊ အလယ်တန်း၊ အထက်တန်းတို့မှ သက်ဆိုင်ရာဆရာ ဆရာမများအား သင်တန်းများပေးရန် လိုအပ်ကြောင်း၊ ဆင့်ပွားသင်တန်းများကိုလည်း မှတ်တမ်းဗီဒီယိုရိုက်ကူးရန်နှင့် လုပ်ငန်းအဆင့်ဆင့်အတွက် အစီအစဉ်များချမှတ်ထားရန် လိုအပ်ကြောင်း စသည်ဖြင့် ပြောကြားသည်။ ထို့နောက် အစည်းအဝေးသို့ တက်ရောက်လာကြသည့် အမျိုးသားပညာရေးမူဝါဒ ကော်မရှင်ဥက္ကဋ္ဌနှင့် အဖွဲ့ဝင်များ၊ အမျိုးသားသင်ရိုးညွှန်းတမ်း ကော်မတီဥက္ကဋ္ဌနှင့် အဖွဲ့ဝင်များ၊ ဘာသာရပ်သင်ရိုးညွှန်းတမ်းကော်မတီ ဥက္ကဋ္ဌများက လိုအပ်ချက်၊ အခက်အခဲများနှင့် စပ်လျဉ်း၍ အကြံပြုဆွေးနွေး တင်ပြကြကြောင်း သတင်းရရှိသည်။

UNICEF Headquarters, New York မှ တာဝန်ရှိသူများအား လက်ခံတွေ့ဆုံ

နေပြည်တော် ၂၀၂၀ မတ်လ ၄

ပညာရေးဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့ သည် ၄-၃-၂၀၂၀ ရက်နေ့ နံနက် ၉ ၀၀ နာရီတွင် UNICEF Headquarters, New York မှ တာဝန်ရှိသူများအား လက်ခံတွေ့ဆုံသည်။

ပညာရေးဝန်ကြီးဌာန ပြည်ထောင်စုဝန်ကြီးနှင့် တာဝန်ရှိသူများသည် JICA Project for Enhancement of Engineering Higher Education (EEHE)မှ တာဝန်ရှိသူများနှင့်တွေ့ဆုံ

နေပြည်တော် ၂၀၂၀ ဖေဖော်ဝါရီ ၂၇

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် JICA Project for Enhancement of Engineering Higher Education (EEHE)မှ တာဝန်ရှိသူများနှင့် ၂၀၂၀ ခုနှစ် ဖေဖော်ဝါရီလ ၂၇ ရက်နေ့ နေ့လည် ၁ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

ပညာရေးဝန်ကြီးဌာန ပြည်ထောင်စုဝန်ကြီးနှင့်အဖွဲ့ German Academic Exchange Service (DAAD) မှ တာဝန်ရှိသူများနှင့် တွေ့ဆုံ

နေပြည်တော် ၂၀၂၀ ဖေဖော်ဝါရီ ၂၆

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် German Academic Exchange Service (DAAD) မှ တာဝန်ရှိသူများနှင့် ၂၀၂၀ ခုနှစ် ဖေဖော်ဝါရီလ ၂၆ ရက်နေ့ နေ့လည် ၂ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

အရည်အသွေးရှိသော ပညာရေးဦးတည်၍ ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေး ညှိနှိုင်းဆွေးနွေးပွဲ ကျင်းပ

နေပြည်တော် ၂၀၂၀ ဖေဖော်ဝါရီ ၂၆

ပညာရေးဝန်ကြီးဌာန၊ အရည်အသွေးရှိသော ပညာရေးဦးတည်၍ ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေး ညှိနှိုင်းဆွေးနွေးပွဲကို ယနေ့နေ့လယ်၁နာရီတွင် ပညာရေးဝန်ကြီးဌာန ရုံးအမှတ်(၂၁) အစည်းအဝေးခန်းမ၌ ကျင်းပရာ ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီး တက်ရောက်အမှာစကား ပြောကြားသည်။ ရှေးဦးစွာ ပြည်ထောင်စုဝန်ကြီး ဒေါက်တာမျိုးသိမ်းကြီးက အရည်အသွေးရှိသော ပညာရေးကို ဦးတည်ဆောင်ရွက်ရာတွင် မည့်သည့်ခွဲခြားမှုမျှမရှိခြင်း၊ မည်သူတစ်ဦးတစ်ယောက်ကိုမျှ ချန်မထားခြင်း၊ ကျောင်းထွက်မှုနှုန်း လျော့နည်းခြင်းများကို ဆောင်ရွက်ပါကြောင်း၊ အရည်အသွေးရှိသည့် ပညာရေးလုပ်ငန်းများ ပြုပြင်ပြောင်းလဲ ဆောင်ရွက်ရာတွင် ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်းများ ဆောင်ရွက်ခြင်း၊ နိုင်ငံသားတိုင်း အနည်းဆုံးမူလတန်းပညာကို သင်ယူပြီးမြောက်ပြီး အလယ်တန်းပညာနှင့် အထက်တန်းပညာကို အဆင့်ဆင့်တိုးမြှင့် သင်ယူခွင့်များရရှိရန် ဆောင်ရွက်မည်ဖြစ်ရာ မူလတန်းအရွယ်ကလေးတိုင်း မူလတန်းပညာရေးကို ပြီးမြောက်အောင်မြင်ခြင်းနှင့် မူလတန်းပညာသင်ယူရန် အခက်အခဲရှိနေသည့်ကာယ၊ ဉာဏစွမ်းရည်အားနည်းသော ကလေးများ၊ ဆင်းရဲနွမ်းပါးသည့် ကလေးများ၊ ဝေးလံခေါင်ဖျားဒေသရှိ ကလေးများစသည့် ကလေးများအတွက် အလေးထားသည့် ပညာရေးအစီအစဉ်များ ပိုမိုကောင်းမွန်အောင် ဆောင်ရွက်ခြင်း၊ ကွဲပြားခြားနားသည့် ဘာသစကားပြောသော မူလတန်းတိုင်းရင်းသား ကလေးငယ်များအတွက် တိုင်းဒေသကြီးနှင့် ပြည်နယ်အစိုးရအဖွဲ့များ၏ ကြီးကြပ်မှုဖြင့် တိုင်းရင်းသားဘာသာစကား သင်ရိုးညွှန်းတမ်း ပြုစုရေးဆွဲခြင်းနှင့် သင်ကြားခြင်းများအပါအဝင် တိုင်းရင်းသားဘာသာစကားနှင့် ယဉ်ကျေးမှုကို မြှင့်တင်ပေးရန် ဆောင်ရွက်ခြင်း၊ သင့်လျော်သောဆရာ ၊ကျောင်းသားအချိုးရရှိစေရန် ဆောင်ရွက်ပေးခြင်း၊ ကျောင်းအသီးသီးမှ ဆရာများ၏ ဘာသာရပ်ကျွမ်းကျင်မှုနှင့် သင်ကြားပို့ချမှုစွမ်းရည်များ မြင့်မားလာစေရန် ဆောင်ရွက်ခြင်း၊ အခြေခံပညာရေးကို လူတိုင်းပိုမိုလက်လှမ်းမီနိုင်ရန် ဖွံ့ဖြိုးမှုအားနည်းသည့် ဒေသများရှိကျောင်းများ (အထူးသဖြင့် ကျောင်းအသုံးအဆောင်ပစ္စည်းများ လုံလောက်မှုမရှိသော အခြေခံပညာအလယ်တန်းနှင့် အထက်တန်းကျောင်းများ)၏ လိုအပ်ချက်များကို ဦးစားပေးဖြည့်ဆည်း ဆောင်ရွက်ပေးခြင်း၊ ပညာအရည်အချင်းနည်းပါးသူများ၏ နေထိုင်မှုဘဝ တိုးတက်ကောင်းမွန်စေရန် အခြေခံပညာအလယ်တန်း၊ အထက်တန်း တန်းညှိအစီအစဉ်များနှင့် သက်မွေးမှုသင်တန်းအစီအစဉ်များဖြင့် ဆက်လက်ပညာဆည်းပူးနိုင်သော အခွင့်အလမ်းများ ဖော်ဆောင်ပေးခြင်း၊ တက္ကသိုလ်များတွင် ကိုယ်ပိုင်သင်ရိုးညွှန်းတမ်းများ ရေးဆွဲသင်ကြားခွင့်၊ အုပ်ချုပ်ခွင့်နှင့် သုတေသနလုပ်ငန်းများကို လွတ်လပ်စွာဆောင်ရွက်နိုင်သော ကမ္ဘာ့အဆင့်မီ အဆင့်မြင့်သင်ရိုး၊ ကမ္ဘာ့အဆင့်မီအဆင့်မြင့် ပညာရေးစနစ် ဖြစ်ထွန်းလာစေရန် ဦးတည်ဖော်ဆောင်ပေးခြင်း၊ နည်းပညာနှင့် သက်မွေးပညာရေးနှင့် လေ့ကျင့်ရေးပညာရပ်များကို တက္ကသိုလ်များ၏ပညာရပ်များနှင့် တန်းတူဖွံ့ဖြိုးတိုးတက်စေရန် ဆောင်ရွက်ပေးခြင်း၊ ကျောင်းသားမိဘများနှင့် ရပ်ရွာအသိုက်အဝန်းကို ဝန်ထုပ်ဝန်ပိုးမဖြစ်စေသော ထိရောက်သည့် ပညာရေးဝန်ဆောင်မှုဖြစ်စေရန် ဆောင်ရွက်ပေးခြင်း၊ နိုင်ငံတော်အစိုးရ၊ ပုဂ္ဂလိကကဏ္ဍနှင့် ပြည်တွင်းပြည်ပမှရရှိသည့် ပညာရေးဆိုင်ရာဘဏ္ဍာငွေများကို အကျိုးရှိထိရောက်စွာ ခွဲဝေသုံးစွဲနိုင်ရန်နှင့် ပွင့်လင်းမြင်သာမှုရှိစေရန် ဆောင်ရွက်ခြင်းနှင့် တိကျမှန်ကန်သည့် သတင်းအချက်အလက်များကို အခြေခံ၍ ထိရောက်သောပညာရေး ပြုပြင်ပြောင်းလဲမှု၊ စီမံခန့်ခွဲမှုနှင့်လေ့လာကြီးကြပ်မှု လုပ်ငန်းအစီအစဉ်များကို အကောင်အထည်ဖော် ဆောင်ရွက်ခြင်းတို့ကို ဆောင်ရွက်လျက်ရှိပါကြောင်း၊ ကလေးတိုင်းသင်ယူ တတ်မြောက်ရမည့် ဘာသာရပ်အားလုံး အကောင်းဆုံးသင်ယူ တတ်မြောက်အောင်၊ လူသားကောင်းများဖြစ်အောင်၊ ပူးပေါင်းဆောင်ရွက်တတ်အောင်၊ တာဝန်ယူတာဝန်ခံမှုရှိအောင်၊ ဆန်းသစ်တီထွင် ဖန်တီးနိုင်မှုရှိအောင် အရည်အသွေးပြည့်မီသည့် ဆရာ ဆရာမများ လိုအပ်ပါကြောင်း၊ စံသတ်မှတ်ချက် အရည်အသွေးများပြည့်မီရန်၊ တာဝန်နှင့်လုပ်ထုံးလုပ်နည်းအရ ဆောင်ရွက်ရန်လိုအပ်ပါကြောင်း စသည်ဖြင့်ပြောကြားသည်။ ယင်းနောက် အမျိုးသားပညာရေး မူဝါဒကော်မရှင် ဥက္ကဋ္ဌ၊ မြန်မာနိုင်ငံဝိဇ္ဇာနှင့် သိပ္ပံပညာရှင်အဖွဲ့ဥက္ကဋ္ဌနှင့် မြန်မာနိုင်ငံနည်းပညာ ပညာရှင်အဖွဲ့တို့က ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေးနှင့် ပတ်သက်၍ ဆွေးနွေးကြသည်။ ထို့နောက် ပညာရေးဝန်ကြီးဌာနက အမျိုးသားပညာရေး မဟာဗျူဟာစီမံကိန်း (၂၀၁၆-၂၀၂၁)တွင် ပညာရေးပြုပြင်ပြောင်းလဲမှုများကို ဦးစားပေးဆောင်ရွက်နေသော လုပ်ငန်းစဉ်(၁၂)ရပ်နှင့်စပ်လျဉ်း၍ ဦးစီးဌာန(၁၁)ခုတို့မှ ညွှန်ကြားရေးမှူးချုပ်များက Power Point ဖြင့် ရှင်းလင်းတင်ပြကြပြီး တက်ရောက်လာသူများ၏ အထွေထွေဆွေးနွေးချက်များကို တာဝန်ရှိသူများက ပြန်လည်ရှင်းလင်း ပြောကြားသည်။ အဆိုပါဆွေးနွေးပွဲသို့ ပညာရေးဝန်ကြီးဌာန ဒုတိယဝန်ကြီး ဦးဝင်းမော်ထွန်း၊ အမျိုးသားပညာရေး မူဝါဒကော်မရှင်ဥက္ကဋ္ဌနှင့် အဖွဲ့ဝင်များ၊ မြန်မာနိုင်ငံဝိဇ္ဇာနှင့် သိပ္ပံပညာရှင်အဖွဲ့ ဥက္ကဋ္ဌနှင့်အဖွဲ့ဝင်များ၊ မြန်မာနိုင်ငံနည်းပညာ ပညာရှင်အဖွဲ့နှင့် အဖွဲ့ဝင်များ၊ ပါမောက္ခချုပ်များကော်မတီ အဖွဲ့ဝင်များ၊ အမျိုးသားသင်ရိုးညွှန်းတမ်းကော်မတီ ဥက္ကဋ္ဌနှင့်အဖွဲ့ဝင်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြကြောင်း သတင်းရရှိသည်။

ပညာရေးဝန်ကြီးဌာန၊ ဒုတိယဝန်ကြီးနှင့်အဖွဲ့ EU Delegation to Myanmar ၏ Charges d’affaires ဖြစ်သူ Ms. Eszter Nemeth ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ

နေပြည်တော် ၂၀၂၀ ဖေဖော်ဝါရီ ၂၄

ပညာရေးဝန်ကြီးဌာန၊ ဒုတိယဝန်ကြီး ဦးဝင်းမော်ထွန်းနှင့် တာဝန်ရှိသူများသည် EU Delegation to Myanmar ၏ Charges d’affaires ဖြစ်သူ Ms. Eszter Nemeth ဦးဆောင်သော ကိုယ်စားလှယ်အဖွဲ့အား ၂၀၂၀ ခုနှစ် ဖေဖော်ဝါရီလ ၂၄ ရက်နေ့ ညနေ ၃ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။