ပြည်ထောင်စုဝန်ကြီးဒေါက်တာမျိုးသိမ်းကြီးနှင့် နည်းပညာ တက္ကသိုလ်(သန်လျင်)မှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)၊ ဆရာ ဆရာမများ၊ ဆရာသမဂ္ဂများနှင့် တွေ့ဆုံဆွေးနွေးပွဲကို ယနေ့ နံနက်ပိုင်းတွင် ရန်ကုန်တိုင်းဒေသကြီး နည်းပညာတက္ကသိုလ်(သန်လျင်) အစည်းအဝေးခန်းမ၌ ကျင်းပသည်။ ရှေးဦးစွာ နည်းပညာတက္ကသိုလ်(သန်လျင်)မှ ပါမောက္ခချုပ် ဒေါက်တာသိင်္ဂီမှ ၂၀၁၇-၂၀၁၈ ပညာသင် နှစ်အတွင်း ဆောင်ရွက်ပြီးစီးခဲ့သည့် အချက်အလက်များ၊ ကျောင်းတွင်း၊ ပြင်ပလှုပ်ရှားမှုများနှင့် သုတေသန ဆောင်ရွက်ချက်များကို ရှင်းလင်းတင်ပြခဲ့သည်။
ထို့နောက် ပြည်ထောင်စုဝန်ကြီး ဒေါက်တာမျိုးသိမ်းကြီးက မိမိတို့အနေဖြင့် ယခုကဲ့သို့တွေ့ဆုံရခြင်းသည် တက္ကသိုလ်များ၏ လိုအပ်ချက်များကို ဖြေရှင်းဆောင်ရွက်ပေးလိုခြင်းဖြစ်ပါကြောင်း၊ သန်လျင်နည်းပညာ တက္ကသိုလ်မှ ဆရာ ဆရာမများ၏သင်ကြား သင်ယူမှုနှင့်စပ်လျဉ်းသည့် ဆောင်ရွက်ချက်များ၊ သုတေသန လုပ်ငန်းဆောင်ရွက်ချက်များ၊ တက္ကသိုလ်၏ဖွံ့ဖြိုးတိုးတက်ရေး အတွက် အားလုံးက ညီညီညွတ်ညွတ်ဖြင့် ဆောင်ရွက်မှုများအပေါ် အားရမိပါကြောင်း၊ ထိုသို့မိသားစုစိတ်ဓာတ်ဖြင့် ၀ိုင်းဝန်း ပူးပေါင်းဆောင်ရွက်တတ်သည့် စိတ်ဓာတ်ကောင်းများကို ဆက်လက် ထိန်းသိမ်းမြှင့်တင်ဆောင်ရွက်ရန် အားလုံးတွင် တာဝန်ရှိပါကြောင်း၊ ကျောင်းသား ကျောင်းသူများ၏ယှဉ်ပြိုင်လို စိတ်များကို လက်တွေ့ကျကျ အထောက်အကူပြုပြီး လက်တွေ့ အသုံးချနိုင်သည့် ဘာသာရပ်များ၏အောင်ချက် ရာခိုင်နှုန်းများ ကိုလည်း လေ့လာဆန်းစစ်ရန် လိုအပ်ပါကြောင်း၊ ကျောင်းသား ကျောင်းသူများကို လက်တွေ့ကျသည့် သင်ခန်းစာများဖြင့် သင်ကြားပေးပြီး လက်တွေ့အသုံးချ သုတေသနလုပ်ငန်းများ ဆောင်ရွက်ပေးရန် လိုအပ်ပါကြောင်း၊ ထို့ပြင် ဘာသာရပ်အလိုက် ဘွဲ့ရလူဦးရေစာရင်း များပြုစုရန်လိုအပ်ပါကြောင်း၊ သို့မှသာ ဖြည့်ဆည်းပေးရမည့် လိုအပ်ချက်များကို သိရှိနိုင်မည်ဖြစ်ပါကြောင်း။ ဘွဲ့ရလူငယ်မောင်မယ်များ၊ အင်ဂျင်နီယာပညာရှင်၊ အတတ် ပညာရှင်၊ နည်းပညာရှင်များ၊ သုတေ သနပညာရှင်များမွေး ထုတ်ပေးနိုင်သည့် တက္ကသိုလ်ဖြစ်ရန်လိုအပ်ပါကြောင်း၊ အင်ဂျင်နီယာဘွဲ့ရလူငယ်များ အနေဖြင့် လက်တွေ့ အကျိုးပြုနိုင်သော လုပ်ငန်းများအပြင် ပြဿနာကို အတူ ပူးပေါင်းဖြေရှင်းနိုင်သည့် စွမ်းရည်များလည်း ရှိရန် လိုအပ်ပါကြောင်း၊ နည်းပညာနှင့်ပတ်သက်၍ လူငယ်များအနေဖြင့် နိုင်ငံတကာနှင့် ယှဉ်ပြိုင်နိုင်သည်အထိ ပြုစုပျိုးထောင်ပေးရမည်ဖြစ်ပြီး နည်းပညာနှင့် ပတ်သက်၍ နောက်ကျကျန်ရစ်၍ မဖြစ်သည့်အတွက် ခေတ်နှင့်အမီလိုက်နိုင်ရန် လိုအပ်ပါကြောင်း၊ ယနေ့ခေတ်ကာလ သည် နိုင်ငံတကာနှင့် ယှဉ်ပြိုင်နိုင်ရန် အင်္ဂလိပ် စာအရည် အသွေးကောင်းရန်လိုအပ်ပြီး အိုင်စီတီအရည်အသွေးနှင့် အိမ်နီးချင်းနိုင်ငံများ၏ဘာသာစကား တတ်ကျွမ်းမှသာ နိုင်ငံတကာနှင့်ယှဉ်ပြိုင်နိုင်စွမ်းရှိလာမည်ဖြစ် ပါကြောင်း၊ ထို့ပြင် တက္ကသိုလ်များရှိ ကျောင်းသား ကျောင်းသူများ၏ လုံခြုံရေးကိစ္စရပ်များ၊ ကျန်းမာရေးကိစ္စရပ်များ၊ အားကစားဆိုင်ရာ ဖြည့်ဆည်းပေးေ ရး ကိစ္စရပ်များ၊ လက်တွေ့ခန်းများအဆင့်မြှင့် တင်ရေးကိစ္စရပ်များ၊ သုတေသနလုပ်ငန်းများဆောင်ရွက်ရန်နှင့် တက္ကသိုလ်များ ၏ဖွံ့ဖြိုးတိုးတက်ရေး လုပ်ငန်းများနှင့် အရည်အသွေးရှိသော အင်ဂျင်နီယာများ စဉ်ဆက် မွေးထုတ်ပေးနိုင်ရေး စသည်ဖြင့် တွေ့ဆုံဆွေးနွေးမှာကြားခဲ့သည်။ ယင်းနောက် ပြည်ထောင်စုဝန်ကြီး ဒေါက်တာမျိုးသိမ်းကြီးသည် ရေနံအင်ဂျင်နီယာဌာနသို့ သွား ရောက်၍ စာသင်ခန်း၊ လက်တွေ့သင်ထောက်ကူပစ္စည်းများ၊ အိုင်စီတီခန်း၊ စာကြည့်တိုက်များအား လှည့်လည် ကြည့်ရှုအားပေးခဲ့သည်။ အလားတူ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့်တာဝန် ရှိသူများသည် ယနေ့နံနက်ပိုင်းတွင် ရန်ကုန်မြို့ အရှေ့ပိုင်း တက္ကသိုလ် ပါမောက္ခချုပ်ရုံးခန်း၌ ရန်ကုန်အရှေ့ပိုင်းတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)များ၊ ဆရာ ဆရာမများနှင့် တွေ့ဆုံဆွေးနွေးသည်။ တွေ့ဆုံဆွေးနွေးရာတွင် ရန်ကုန်အရှေ့ပိုင်း တက္ကသိုလ် ပါမောက္ခချုပ် ဒေါက်တာကျော်ကျော်ခေါင်နှင့် တာဝန်ရှိသူများက အဝေးသင် ပညာရေး ကျောင်းအပ်ပြီးစီးမှုအခြေအနေ၊ သင်ကြားသင်ယူရေး လုပ်ငန်းများ၊ သုတေသနလုပ်ငန်းများ၊ သုတေသနဂျာနယ်များတွင် သုတေသန စာတမ်းများရေးသားမှု၊ အားကစား၊ အနုပညာ သင်တန်းများ အဆင်ပြေချောမွေ့စေရေး ဆောင်ရွက်ချက်များ၊ နိုင်ငံခြားပညာတော်သင်ကိစ္စရပ်များ၊ နိုင်ငံ တကာနှင့်ချိတ်ဆက် ပူးပေါင်းဆောက်ရွက်မှုများ၊ ဘာသာရပ်ဌာနအလိုက် သုတေသနလုပ်ငန်းဆောင်ရွက်ချက် များ၊ ၂၀၁၈-၂၀၁၉ ဘဏ္ဍာရေးနှစ် ဆောင်ရွက်ဆဲလုပ်ငန်းများနှင့် ၂၀၁၈-၂၀၂၀ ဘဏ္ဍာနှစ် ဆောင်ရွက်မည့် လုပ်ငန်းစီမံချက်များ၊ တက္ကသိုလ်၏လုံခြုံရေးအတွက် အုတ်တံတိုင်းခြံစည်းရိုး ဆောက်လုပ်ရေးကိစ္စရပ်များ၊ ဘောလုံးကွင်းပွဲကြည့်စင် နှစ်ထပ်ဆောင်ဆောက်လုပ်ရေးကိစ္စရပ်များ၊ လုပ်ငန်းသုံး စက်ပစ္စည်းလိုအပ်ချက်များ၊ ဆေးပေးခန်းလိုအပ်ချက်များနှင့် စပ်လျဉ်း၍ ရှင်းလင်းတင်ပြကြသည်။ ထို့နောက် ပြည်ထောင်စုဝန်ကြီး ဒေါက်တာမျိုးသိမ်းကြီးက ယဉ်ကျေးမှု ထုံးတမ်းစဉ်လာများ ထိန်းသိမ်း မြှင့်တင်ရေး၊ ကျောင်း သား ကျောင်းသူအချင်းချင်း အပြန်အလှန်နားလည်မှု၊ လေးစားမှုရှိပြီး ကူညီရိုင်းပင်း တတ်ရန်၊ လက်တွေ့လုပ်ငန်းခွင်နှင့် လိုက်လျောညီထွေရှိရန်အတွက် သင်ကြားသင်ယူလေ့ကျင့်ပေး ရန်နှင့် လိုအပ်ချက်များအား ဖြည့်ဆည်းဆောင်ရွက်ပေးနိုင်ရေး ဆွေးနွေးခဲ့သည်။ ယင်းနောက် ပြည်ထောင်စုဝန်ကြီး ဒေါက်တာမျိုးသိမ်းကြီးသည် ရန်ကုန်အရှေ့ပိုင်းတက္ကသိုလ်မှ ကျောင်းသားသမဂ္ဂ အဖွဲ့ဝင် များနှင့်တွေ့ဆုံ၍ တက္ကသိုလ်လုံခြုံရေးအတွက် CCTV ကင်မရာများ တပ်ဆင်နိုင် ရန်၊ လုံခြုံရေးအင်အားတိုးမြှင့်ပေးရန်၊ တက္ကသိုလ်ဆေးခန်း ထားရှိနိုင်ရန်၊ ကျောင်း၏သင်ထောက်ကူ ပစ္စည်းများ ထောက်ပံ့ပေးရန်နှင့် အားကစားကွင်းများ ကောင်း မွန်စေရေးဆောင်ရွက်ပေးရန် စသည့် ကိစ္စရပ်များအား တွေ့ဆုံဆွေးနွေးခဲ့ကြောင်း သတင်းရရှိသည်။
No comments:
Post a Comment