ပြည်ထောင်စုဝန်ကြီးဒေါက်တာမျိုးသိမ်းကြီး ရန်ကုန်နည်းပညာတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်နှင့် ရန်ကုန်ပညာရေးတက္ကသိုလ်များတွင် ညှိနှိုင်းဆွေးနွေး

ရန်ကုန် ၂၀၁၉ ဖေဖော်ဝါရီ ၁၀


ပြည်ထောင်စုဝန်ကြီးဒေါက်တာမျိုးသိမ်းကြီးနှင့် ရန်ကုန်နည်းပညာတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)၊ ဆရာဆရာမများ၊ ဝန်ထမ်းများနှင့် တွေ့ဆုံပွဲကို ယနေ့ နံနက်ပိုင်းတွင် ရန်ကုန်တိုင်းဒေသကြီး အင်းစိန်မြို့နယ် ရန်ကုန်နည်းပညာတက္ကသိုလ်၌ ကျင်းပသည်။ ရှေးဦးစွာ ရန်ကုန်နည်းပညာတက္ကသိုလ်မှ ပါမောက္ခချုပ် ဒေါက်တာမြင့်သိန်းက ရန်ကုန်နည်းပညာ တက္ကသိုလ်နှင့်နှင့်စပ်လျဉ်းသည့် အချက်အလက်များနှင့်ပတ်သတ်၍ ရှင်းလင်းတင်ပြသည်။ ထို့နောက် ပညာရေးဝန်ကြီးဌာန ဒုတိယဝန်ကြီး ဦးဝင်းမော်ထွန်းက နှုတ်ခွန်းဆက်စကားပြောကြား ပြီး ပါမောက္ခချုပ်များကော်မတီဥက္ကဋ္ဌ ဒေါက်တာဇော်ဝေစိုးက University Autonomy နှင့်စပ်လျဉ်း၍ ရှင်းလင်းတင်ပြသည်။ ပညာရေးဝန်ကြီးဌာနအနေဖြင့် ပညာရေးပြုပြင်ပြောင်းလဲမှု ပြုလုပ်ဆောင်ရွက်လျက်ရှိရာတွင် ၂၀၁၄ ခုနှစ် သန်းခေါင်းစာရင်းအရ အသက် ၅ နှစ်အရွယ်ကလေးသည် ၉ သိန်းမှ ၁ သန်းဝန်းကျင်အထိရှိပြီး မူလတန်းပြီးမြောက်သူသည် ၉သိန်း ၆ သောင်းမှ ၉ သိန်း ၈ သောင်းဝန်းကျင်ရှိပါကြောင်း၊ နှစ်စဉ် တက္ကသိုလ်ဝင်စာမေးပွဲဖြေဆိုသူဦးရေသည် ၂၀၁၆ ခုနှစ်တွင် ၆၅၀ဝ၀ဝ ဦးဖြေဆိုကြပြီး အောင်မြင် သူဦးရေ ၁ သိန်းကျော်အောင်မြင်ပါကြောင်း၊ ၂၀၁၇ ခုနှစ်တွင် ၇၃၀ဝ၀ဝ ဦးရေဖြေဆိုပြီး ၂ သိန်းကျော် အောင်မြင် ပါကြောင်း၊ ၂၀၁၈ ခုနှစ်တွင် ၈၃၀ဝ၀ဝ ဦးဖြေဆိုပြီး ၂၅၀ဝ၀ဝ အောင်မြင်ကြောင်း၊ ယခု ၂၀၁၉ ခုနှစ်တွင် ၈၉၀ဝ၀ဝ ရှိပြီး တက္ကသိုလ်ဝင်စာမေးပွဲဖြေဆိုရန် ပြင်ဆင်လျက်ရှိပါကြောင်း၊ ဝိဇ္ဇာ/သိပ္ပံ တက္ကသိုလ်များ၏ ကျောင်းသားဦးရေ ၇၈၉၆၅၀ ဦးရှိပြီး နေ့သင်တန်းတက္ကသိုလ်များသည် ၂၅၀ဝ၀ဝ သာ လက်ခံနိုင်သဖြင့် အ‌ဝေးသင်ကျောင်းသားဦးရေသည် ၅၃၀ဝ၀ဝ ဦး ရှိပါကြောင်း၊ နည်းပညာ တက္ကသိုလ်နှင့် ကွန်ပျူတာ တက္ကသိုလ်များတွင် တက်နေသည့် ကျောင်းသားဦးရေ ၇၁၈၉၀ ဦးရှိပြီး၊ ပညာရေးကောလိပ်နှင့် ပညာရေး တက္ကသိုလ်များတွင်တက်ရောက်နေသည့် ကျောင်းသားဦးရေသည် ၁၇၄၀၆ ဦးရှိသဖြင့် စုစုပေါင်း တက္ကသိုလ် ကျောင်းသား၊ ကျောင်းသူဦးရေသည် ၈၇၉၀၅၁ ဦးရှိပါကြောင်း။ ထိုဦးရေမှ ဘွဲ့ရအရေအတွက်ကိုကြည့်ပါက နေ့သင်တန်းမှ ဘွဲ့ရဦးရေသည် ၅၅ဝ၀ဝ ခန့်ရှိပြီး အ‌ဝေးသင်တက္ကသိုလ်များသည် ဘွဲ့ရဦးရေသည် ၆၀ဝ၀ဝ ခန့်ရှိပါကြောင်း၊ နေ့သင်တန်းတက္ကသိုလ်များ၏ ၂၅၀ဝ၀ဝ ဦးတွင် ၅၀ဝ၀ဝ ခန့်သာဘွဲ့ရရှိပြီး၊ ၅၃၀ဝ၀ဝ ဦးတွင် ၆၀ဝ၀ဝ ခန့်သာ ဘွဲ့ရရှိပါကြောင်း၊ နည်းပညာတက္ကသိုလ်နှင့် ကွန်ပျူတာတက္ကသိုလ်များ၏ ဘွဲ့ရရှိသည့်ဦးရေအပါအဝင် တစ်နှစ်တွင် ၁၄၀ဝ၀ဝ ဝန်းကျင်သာရှိပါကြောင်း၊ ဘွဲ့ရဦးရေ၏ ၈၀%သည် ကျောင်းသူများဖြစ်ပြီး ၂၀%သာ ကျောင်းသားများ ဖြစ်ပါကြောင်း၊ ထို့ကြောင့် ကျား မ အချိုးသည်လည်းအရေးကြီးပါကြောင်း၊ ဒေသ၏လိုအပ်ချက်နှင့် ကိုက်ညီသော ဘွဲ့ရလူငယ်မောင်မယ်များ မွေးထုတ်ပေးနိုင်ရန်အရေးကြီးပါကြောင်း၊ တက္ကသိုလ်များအနေ ဖြင့် နိုင်ငံတကာမှ ပညာရှင်များ၊ ကျောင်းသား ကျောင်းသူများ၊ ပြင်ပပုဂ္ဂလိကများမှ သိရှိနိုင်ရန်အတွက် မိမိတို့ တက္ကသိုလ်၏ Website များကို အင်္ဂလိပ်ဘာသာဖြင့်ရေးသားပြီး ဆရာ ဆရာမများ၏ ဓာတ်ပုံများနှင့် ဌာနအလိုက်၊ Research Group အလိုက် ဖော်ပြပြီး Teaching Experience, Research Publication များထည့်မှသာ သတင်းအချက်အလက်များကို အလွယ်တကူသိရှိနိုင်မည်ဖြစ်ပါကြောင်း၊ ကျောင်းသား ကျောင်းသူများကို ယှဉ်ပြိုင်နိုင်စွမ်းရှိသည့် ဘွဲ့ရလူငယ်များအဖြစ် ပြုစုပျိုးထောင်ရာ၌ တစ်သက်တာ သင်ယူ လေ့လာနိုင်ရန်အတွက် အင်္ဂလိပ်စာအရည်အသွေးနှင့် အိုင်စီတီနည်းပညာ အသုံးပြု၍ ကျောင်းသား ကျောင်းသူများအား High-tech learning ဖြင့် သင်ကြားနိုင်ရန်အတွက် သုတေသနကိုယ်တိုင် ဆောင် ရွက်ခြင်း၊ စာတမ်းဖတ်ခြင်း၊ သုတေသနဂျာနယ်များတွင် ရေးသားနိုင်စွမ်းရှိရန်၊ သို့မှသာ ဆရာ ဆရာမများ က စာသင်ခန်းတွင် ကျောင်းသား ကျောင်းသူများအား လက်တွေ့နှင့်နီးစပ်သော သင်ရိုးညွှန်းတမ်းများကို ပြုစုသင်ကြားပေးနိုင်မည်ဖြစ်ပြီး Project based learning (high-tech learning, high-touch learning) အသုံးပြုခြင်းဖြင့် Real World Application များနှင့် လိုက်လျောညီထွေဖြစ်ရန်နှင့် အထောက်အကူပြု အသုံးချနိုင်မည်ဖြစ်ကြောင်း။ ထိုမှ Innovation and Creation ကို ဆောင်ရွက်နိုင်မည်ဖြစ်ပါကြောင်း၊ သို့ဖြစ်၍ ဆရာ၊ ဆရာမများ အနေဖြင့် အင်္ဂလိပ်စာအရည်အသွေးကောင်းရန်၊ အိုင်စီတီ နည်းပညာအသုံးပြုနိုင်ရန်၊ သုတေ သနများ ဆောင်ရွက်ရာ၌ ပုဂ္ဂလိကစီးပွားရေးလုပ်ငန်းရှင်များ၊ Small and Medium Enterprise များ၏ ဖွံ့ဖြိုး တိုးတက်ရေးကို အထောက်အကူပြုမည့် သုတေသနများကို ဆောင်ရွက်နိုင်ရန်အတွက် တက္ကသိုလ် များ အလိုက် လိုအပ်ချက် ဖြည့်ဆည်းပေးရန်၊ ဆရာဆရာမများ၊ ကျောင်းသား ကျောင်းသူများ၊ သင်ယူသူများ Self-Study လုပ်နိုင်ရန် Library facilities များဖြည့်ဆည်းပေးရန်၊ တက္ကသိုလ် world ranking အရ ၂၀၁၉ ခုနှစ် ဇန်နဝါရီလတွင် ထုတ်ပြန် သည့် world ranking တွင် YTU သည် ကမ္ဘာ့အဆင့် ၁၈၃၉၀ အာဆီယံအဆင့် ၁၂၄၂ ရှိပြီး ယခင်နှစ်ထက် ၁၆၂ ဆင့်တက်လာပြီး မြန်မာနိုင်ငံမှတက္ကသိုလ် များသည် ကမ္ဘ္ဘာ့အဆင့်တိုးတက်လာသော်လည်း အာဆီယံတွင် ပြိုင်ဆိုင်မှုပြင်းထန်သည့်အတွက် ကြိုးပမ်း အားထုတ်ရန်လိုအပ်ပါကြောင်း၊ ထို့ပြင် ထူးချွန်သောသူများ ဆရာ၊ ဆရာမ ဖြစ်လာမှသာ ဆရာထက် ပိုတော်သောသူများကို ပြုစုပျိုးထောင်နိုင်မည်ဖြစ်ပါကြောင်း၊ အထူးသဖြင့် ထူးချွန်သော ကျောင်းသားများ အနေဖြင့် ဆရာအဖြစ် တာဝန်ထမ်းဆောင်မှသာ အမျိုးသားဦးရေနှင့် အမျိုးသမီး ဦးရေ Gender Equality အရ မျှတမည်ဖြစ်ပါကြောင်းနှင့် ယှဉ်ပြိုင်နိုင်စွမ်းရှိပြီး အရည်အသွေးရှိသော ဘွဲ့ရလူငယ်များကို ဆက်လက်ပြုစုပျိုးထောင်ကြစေလိုကြောင်းဖြင့် ပြောကြားသည်။ ယင်းနောက် တွေ့ဆုံဆွေးနွေးပွဲသို့တက်ရောက်လာကြသည့် ဆရာဆရာမများနှင့် ၀န်ထမ်းများက တင်ပြဆွေးနွေးသည့် တက္ကသိုလ်ပဋိညာဉ်စာတမ်းများရေးဆွဲရေး၊ နိုင်ငံနှင့်ဒေသ၏လိုအပ်ချက်များ လိုက်လျောညီထွေရှိသော သင်ကြားရေးအစီအစဉ်များတိုးချဲ့ဆောင်ရွက်ရေး၊ သုတေသနဆိုင်ရာ ကျင့်ဝတ် စောင့်ထိန်းရေး၊ ရာထူးတိုးပြောင်းနှင့် ၀န်ထမ်းအိမ်ရာကိစ္စရပ်များနှင့်စပ်လျဉ်း၍ ညှိနှိုင်းဖြေရှင်းဆောင်ရွက်ခဲ့သည်။ ထို့နောက် ပြည်ထောင်စုဝန်ကြီး ဒေါက်တာမျိုးသိမ်းကြီး၊ ဒုတိယဝန်ကြီး ဦးဝင်းမော်ထွန်း၊ ပါမောက္ခချုပ်များကော်မတီဥက္ကဋ္ဌ၊ ညွှန်ကြားရေးမှူးချုပ်နှင့် တာဝန်ရှိသူများ လိုက်ပါ၍ ရန်ကုန်နိုင်ငံခြား ဘာသာတက္ကသိုလ်နှင့် ရန်ကုန်ပညာရေးတက္ကသိုလ်များသို့သွားရောက်၍ ပါမောက္ခချုပ်၊ ဒုတိယ ပါမောက္ခချုပ်၊ ပါမောက္ခ(ဌာနမှူး)၊ ဆရာဆရာမများ၊ ဝန်ထမ်းများနှင့် တွေ့ဆုံ ဆွေးနွေးခဲ့ကြောင်း သတင်း ရရှိသည်။