ပြည်ထောင်စုဝန်ကြီးဒေါက်တာမျိုးသိမ်းကြီးနှင့် သတင်းအချက်အလက် နည်းပညာတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)၊ ဆရာဆရာမများနှင့် တွေ့ဆုံပွဲကို ယနေ့ နံနက်ပိုင်းတွင် ရန်ကုန်တိုင်းဒေသကြီး သတင်းအချက်အလက်နှင့် နည်းပညာတက္ကသိုလ်၌ ကျင်းပသည်။ ရှေးဦးစွာ သတင်းအချက်အလက်နည်းပညာတက္ကသိုလ်မှ ပါမောက္ခချုပ် ဒေါက်တာစောစန္ဒာအေး က သတင်းအချက်အလက်နည်းပညာတက္ကသိုလ်၏ ပညာသင်နှစ်ဆောင်ရွက်ပြီးစီးခဲ့သည့် အချက်အလက် များ၊ နိုင်ငံတကာနှင့် ချိတ်ဆက်ဆောင်ရွက်မှုများ၊ သုတေသနစာတမ်းရေးသားမှုများ၊ ကျောင်းသား ကျောင်းသူများ၏ အားကစားလှုပ်ရှားမှုများဆောင်ရွက်နိုင်ရန် အားကစားကွင်းများ၊ စာသင်ဆောင်တည်ဆောက်ရေး စီမံကိန်းများနှင့် ကျောင်းသားကျောင်းသူများ၏ အလုပ်အကိုင်အခွင့်အလမ်းများနှင့် စပ်လျဉ်း၍ ရှင်းလင်းတင်ပြသည်။ ယင်းနောက် ပညာရေးဝန်ကြီးဌာနဒုတိယဝန်ကြီးဦးဝင်းမော်ထွန်းက နှုတ်ခွန်းဆက်စကားပြောကြားသည်။ ထို့နောက် ပြည်ထောင်စုဝန်ကြီးဒေါက်တာမျိုးသိမ်းကြီးက မိမိတို့အနေဖြင့် ယခုကဲ့သို့တွေ့ဆုံရခြင်း သည် တက္ကသိုလ်များ၏ လိုအပ်ချက်များကိုဖြေရှင်းဆောင်ရွက်ပေးလိုခြင်းဖြစ်ပါကြောင်း၊ သင်ရိုးညွှန်းတမ်းနှင့် ဘွဲ့သင်တန်းများသည်ဒေသနှင့် လိုက်လျောညီထွေရှိ၍ ပရော့ဂျက်အခြေပြုသင်ယူခြင်းဖြင့် အားပေး ဆောင်ရွက်ရန်လိုပါကြောင်း၊ ဆရာဆရာမများအနေဖြင့် အင်္ဂလိပ်စာအရည်အသွေးနှင့် အိုင်စီတီအရည် အသွေးကောင်းမွန်ရန်လိုအပ်ပါကြောင်း၊ သို့မှသာ အရည်အချင်းရှိသောဘွဲ့ရလူငယ်မောင်မယ်များ ပြုစု ပျိုးထောင်သင်ကြား သင်ယူလေ့ကျင့်ရန်နှင့် တစ်သက်တာသင်ယူခြင်းဖြင့် စွမ်းဆောင်ရည်များ မြှင့်တင်ပေးနိုင်မည်ဖြစ်ပါကြောင်း၊ ယင်းသို့ဆောင်ရွက်ရာတွင် ဆရာဆရာမများအနေဖြင့် ဘွဲ့ရလူငယ်များကို လက်တွေ့ဘဝနှင့်နီးစပ်ပြီး ဒေသနှင့်လိုက်လျောညီထွေဖြစ်သော ဘွဲ့သင်တန်းများလုပ်ပေးနိုင်ရန် သင်ရိုး ညွှန်းတမ်းများမြှင့်တင် ဆောင်ရွက်ရာတွင် အရည်အသွေးပြည့်မီရန်နှင့် လက်တွေ့နယ်ပယ်တွင် အသုံးချနိုင်ရန်အရေးကြီးပါကြောင်း၊ ယင်းသို့ ဆရာ ဆရာမများအနေဖြင့် သုတေသနစွမ်းဆောင်ရည်နှင့် သင်ရိုး ညွှန်းတမ်းများကို ရေးဆွဲနိုင်သည့် အရည်အသွေးပြည့်မီမှသာ ကျောင်းသား ကျောင်းသူများကို လက်တွေ့ ဘဝနှင့်နီးစပ်သောသင်ကြား သင်ယူမှုများကိုဆောင်ရွက်နိုင်မည်ဖြစ်ပါကြောင်း၊ ထို့ပြင် သုတေ သနများ ဆောင်ရွက်ခြင်း၊ သုတေသနစာတမ်းများဖတ်ကြားဆွေးနွေးခြင်း၊ ပြည်တွင်းပြည်ပသုတေသန ဂျာနယ်များ တွင် သုတေသနစာတမ်းများ ရေးသားခြင်းတို့ကို အားပေးရန်လိုအပ်ပါကြောင်း၊ ထို့ပြင် တက္ကသိုလ်များတွင် သိပ္ပံ၊ နည်းပညာ၊ အင်ဂျင်နီယာ၊ ပန်းချီ၊ ဂီတ၊ ယဉ်ကျေးမှု၊ အနုပညာ၊ သင်္ချာ၊ အားကစားဆိုင်ရာစွမ်းရည် မြင့်မားရေးအတွက် ပြိုင်ပွဲများကျင်းပဆောင်ရွက်ရန် လိုအပ်ပါကြောင်း။ ထို့ပြင် ဘွဲ့ရလူငယ် ကျောင်းသား ကျောင်းသူများ၏ယှဉ်ပြိုင်လိုစိတ်များကို လက်တွေ့ကျကျ အထောက် အကူပြုပြီးလက်တွေ့အသုံးချနိုင်သည့် သင်ခန်းစာများဖြင့် သင်ကြားပေးပြီးလက်တွေ့ အသုံးချ သုတေသနလုပ်ငန်းများဆောင်ရွက်ပေးရန် လိုအပ်ပြီးလက်တွေ့လုပ်ငန်း လိုအပ်ချက်ကို ဖြည့်ဆည်းပေးနိုင် သည့် သုတေသနလုပ်ငန်းများဆောင်ရွက်ရန်လိုအပ်ပါကြောင်း၊ တက္ကသိုလ်များ၏ ကိုယ်ပိုင် domain နှင့် website များကို အင်္ဂလိပ်ဘာသာများဖြင့် ရေးသားဖော်ပြနိုင်ရန်လိုအပ်ပြီး မိမိတို့၏လုပ်ငန်းဆောင်ရွက် ချက်များနှင့်ပတ်သက်၍ သတင်းအချက်အလက်များထုတ်ပြန်ပေးရန်လိုအပ်ပါကြောင်း၊ ယနေ့ခေတ်ကာလ သည် နိုင်ငံတကာနှင့် ယှဉ်ပြိုင်နိုင်ရန် အင်္ဂလိပ်စာနှင့်အိုင်စီတီအရည်အသွေးကောင်းမွန်ရန်လည်း လိုအပ်ပါ ကြောင်း၊ တက္ကသိုလ်များ၏ဖွံ့ဖြိုးတိုးတက်မှုစီမံကိန်းများရှိရန်လိုအပ်ပြီး ကြုံတွေ့ခဲ့ရသည့် အားနည်းချက် များကို စိစစ်ပြီး အားသာချက်များကိုအားကောင်းလာစေရန် ဆောင်ရွက်ရမည်ဖြစ်ပါကြောင်း၊ ထို့ပြင် ၂၁ရာစုတွင် လိုအပ်သော အချင်းချင်းကူညီတတ်၍ တာဝန်ယူ တာဝန်ခံပူးပေါင်းဆောင်ရွက်တတ်သည့် ထူးချွန်သောဘွဲ့ရလူငယ် မောင်မယ်များစဉ်ဆက်မပြတ် မွေးထုတ်ပေးနိုင်ရေး ဆက်လက်ကြိုးပမ်းဆောင် ရွက်ကြစေလိုကြောင်းစသည်ဖြင့်ဆွေးနွေးမှာကြားခဲ့သည်။ယင်းနောက် တွေ့ဆုံဆွေးနွေးပွဲသို့တက်ရောက်လာကြသည့် ဆရာဆရာမများက တင်ပြဆွေးနွေး သည်များနှင့်စပ်လျဉ်း၍ ညှိနှိုင်းဆွေးနွေးမှာကြားခဲ့သည်။ အလားတူ ပြည်ထောင်စုဝန်ကြီး ဒေါက်တာမျိုးသိမ်းကြီး၊ ဒုတိယ၀န်ကြီး ဦးဝင်းမော်ထွန်း၊ ပါမောက္ခချုပ်များကော်မတီဥက္ကဋ္ဌ၊ ညွှန်ကြားရေးမှူးချုပ်နှင့်တာဝန်ရှိသူများသည် မွန်းလွဲပိုင်းတွင် ရန်ကုန် စီးပွားရေးတက္ကသိုလ်နှင့် ရန်ကုန်တက္ကသိုလ်တို့သို့ သွားရောက်ခဲ့ပြီး တက္ကသိုလ်များမှ ပါမောက္ခချုပ်၊ ဒုတိယ ပါမောက္ခချုပ်၊ ပါမောက္ခ(ဌာနမှူး)များ၊ ဆရာဆရာမများ၊ ၀န်ထမ်းများနှင့်တွေ့ဆုံဆွေးနွေးခဲ့ရာ တက္ကသိုလ်များ၏ ဖွံ့ဖြိုးတိုးတက်ရေး ရေတိုရေရှည်စီမံချက်ရေးဆွဲဆောင်ရွက်ရေး၊ ဘွဲ့ရကျောင်းသား ကျောင်းသူများ အလုပ်အကိုင်အခွင့်အလမ်း ရရှိစေရန်အတွက် UMFCCI နှင့် ချိတ်ဆက်၍ ပူးပေါင်းဆောင်ရွက်ကြစေလို ကြောင်း၊ တက္ကသိုလ် ပဋိညာဉ်စာတမ်းများရေးဆွဲရေး၊ တက္ကသိုလ်များ အချင်းချင်းပူးပေါင်းဆောင်ရွက် ရေး၊ ထူးချွန်သော ကျောင်းသား ကျောင်းသူများ ဆရာ ဆရာမများအဖြစ် ဆောင်ရွက်စေလိုပြီး အထူးသဖြင့် ဆရာ ဆရာမအချိုးမျှတရန် ထူးချွန်သော ကျောင်းသားများအနေဖြင့် ဆရာအဖြစ်တာဝန်ထမ်းဆောင်စေလို ကြောင်းဖြင့် ဆွေးနွေးခဲ့ကြောင်း သတင်းရရှိသည်။
No comments:
Post a Comment