ပညာရေးဝန်ကြီးဌာန: February 2020

Saturday, February 29, 2020

ပညာရေးဝန်ကြီးဌာန ပြည်ထောင်စုဝန်ကြီးနှင့် တာဝန်ရှိသူများသည် JICA Project for Enhancement of Engineering Higher Education (EEHE)မှ တာဝန်ရှိသူများနှင့်တွေ့ဆုံ

နေပြည်တော် ၂၀၂၀ ဖေဖော်ဝါရီ ၂၇

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် JICA Project for Enhancement of Engineering Higher Education (EEHE)မှ တာဝန်ရှိသူများနှင့် ၂၀၂၀ ခုနှစ် ဖေဖော်ဝါရီလ ၂၇ ရက်နေ့ နေ့လည် ၁ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

ပညာရေးဝန်ကြီးဌာန ပြည်ထောင်စုဝန်ကြီးနှင့်အဖွဲ့ German Academic Exchange Service (DAAD) မှ တာဝန်ရှိသူများနှင့် တွေ့ဆုံ

နေပြည်တော် ၂၀၂၀ ဖေဖော်ဝါရီ ၂၆

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် German Academic Exchange Service (DAAD) မှ တာဝန်ရှိသူများနှင့် ၂၀၂၀ ခုနှစ် ဖေဖော်ဝါရီလ ၂၆ ရက်နေ့ နေ့လည် ၂ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

အရည်အသွေးရှိသော ပညာရေးဦးတည်၍ ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေး ညှိနှိုင်းဆွေးနွေးပွဲ ကျင်းပ

နေပြည်တော် ၂၀၂၀ ဖေဖော်ဝါရီ ၂၆

ပညာရေးဝန်ကြီးဌာန၊ အရည်အသွေးရှိသော ပညာရေးဦးတည်၍ ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေး ညှိနှိုင်းဆွေးနွေးပွဲကို ယနေ့နေ့လယ်၁နာရီတွင် ပညာရေးဝန်ကြီးဌာန ရုံးအမှတ်(၂၁) အစည်းအဝေးခန်းမ၌ ကျင်းပရာ ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီး တက်ရောက်အမှာစကား ပြောကြားသည်။ ရှေးဦးစွာ ပြည်ထောင်စုဝန်ကြီး ဒေါက်တာမျိုးသိမ်းကြီးက အရည်အသွေးရှိသော ပညာရေးကို ဦးတည်ဆောင်ရွက်ရာတွင် မည့်သည့်ခွဲခြားမှုမျှမရှိခြင်း၊ မည်သူတစ်ဦးတစ်ယောက်ကိုမျှ ချန်မထားခြင်း၊ ကျောင်းထွက်မှုနှုန်း လျော့နည်းခြင်းများကို ဆောင်ရွက်ပါကြောင်း၊ အရည်အသွေးရှိသည့် ပညာရေးလုပ်ငန်းများ ပြုပြင်ပြောင်းလဲ ဆောင်ရွက်ရာတွင် ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်းများ ဆောင်ရွက်ခြင်း၊ နိုင်ငံသားတိုင်း အနည်းဆုံးမူလတန်းပညာကို သင်ယူပြီးမြောက်ပြီး အလယ်တန်းပညာနှင့် အထက်တန်းပညာကို အဆင့်ဆင့်တိုးမြှင့် သင်ယူခွင့်များရရှိရန် ဆောင်ရွက်မည်ဖြစ်ရာ မူလတန်းအရွယ်ကလေးတိုင်း မူလတန်းပညာရေးကို ပြီးမြောက်အောင်မြင်ခြင်းနှင့် မူလတန်းပညာသင်ယူရန် အခက်အခဲရှိနေသည့်ကာယ၊ ဉာဏစွမ်းရည်အားနည်းသော ကလေးများ၊ ဆင်းရဲနွမ်းပါးသည့် ကလေးများ၊ ဝေးလံခေါင်ဖျားဒေသရှိ ကလေးများစသည့် ကလေးများအတွက် အလေးထားသည့် ပညာရေးအစီအစဉ်များ ပိုမိုကောင်းမွန်အောင် ဆောင်ရွက်ခြင်း၊ ကွဲပြားခြားနားသည့် ဘာသစကားပြောသော မူလတန်းတိုင်းရင်းသား ကလေးငယ်များအတွက် တိုင်းဒေသကြီးနှင့် ပြည်နယ်အစိုးရအဖွဲ့များ၏ ကြီးကြပ်မှုဖြင့် တိုင်းရင်းသားဘာသာစကား သင်ရိုးညွှန်းတမ်း ပြုစုရေးဆွဲခြင်းနှင့် သင်ကြားခြင်းများအပါအဝင် တိုင်းရင်းသားဘာသာစကားနှင့် ယဉ်ကျေးမှုကို မြှင့်တင်ပေးရန် ဆောင်ရွက်ခြင်း၊ သင့်လျော်သောဆရာ ၊ကျောင်းသားအချိုးရရှိစေရန် ဆောင်ရွက်ပေးခြင်း၊ ကျောင်းအသီးသီးမှ ဆရာများ၏ ဘာသာရပ်ကျွမ်းကျင်မှုနှင့် သင်ကြားပို့ချမှုစွမ်းရည်များ မြင့်မားလာစေရန် ဆောင်ရွက်ခြင်း၊ အခြေခံပညာရေးကို လူတိုင်းပိုမိုလက်လှမ်းမီနိုင်ရန် ဖွံ့ဖြိုးမှုအားနည်းသည့် ဒေသများရှိကျောင်းများ (အထူးသဖြင့် ကျောင်းအသုံးအဆောင်ပစ္စည်းများ လုံလောက်မှုမရှိသော အခြေခံပညာအလယ်တန်းနှင့် အထက်တန်းကျောင်းများ)၏ လိုအပ်ချက်များကို ဦးစားပေးဖြည့်ဆည်း ဆောင်ရွက်ပေးခြင်း၊ ပညာအရည်အချင်းနည်းပါးသူများ၏ နေထိုင်မှုဘဝ တိုးတက်ကောင်းမွန်စေရန် အခြေခံပညာအလယ်တန်း၊ အထက်တန်း တန်းညှိအစီအစဉ်များနှင့် သက်မွေးမှုသင်တန်းအစီအစဉ်များဖြင့် ဆက်လက်ပညာဆည်းပူးနိုင်သော အခွင့်အလမ်းများ ဖော်ဆောင်ပေးခြင်း၊ တက္ကသိုလ်များတွင် ကိုယ်ပိုင်သင်ရိုးညွှန်းတမ်းများ ရေးဆွဲသင်ကြားခွင့်၊ အုပ်ချုပ်ခွင့်နှင့် သုတေသနလုပ်ငန်းများကို လွတ်လပ်စွာဆောင်ရွက်နိုင်သော ကမ္ဘာ့အဆင့်မီ အဆင့်မြင့်သင်ရိုး၊ ကမ္ဘာ့အဆင့်မီအဆင့်မြင့် ပညာရေးစနစ် ဖြစ်ထွန်းလာစေရန် ဦးတည်ဖော်ဆောင်ပေးခြင်း၊ နည်းပညာနှင့် သက်မွေးပညာရေးနှင့် လေ့ကျင့်ရေးပညာရပ်များကို တက္ကသိုလ်များ၏ပညာရပ်များနှင့် တန်းတူဖွံ့ဖြိုးတိုးတက်စေရန် ဆောင်ရွက်ပေးခြင်း၊ ကျောင်းသားမိဘများနှင့် ရပ်ရွာအသိုက်အဝန်းကို ဝန်ထုပ်ဝန်ပိုးမဖြစ်စေသော ထိရောက်သည့် ပညာရေးဝန်ဆောင်မှုဖြစ်စေရန် ဆောင်ရွက်ပေးခြင်း၊ နိုင်ငံတော်အစိုးရ၊ ပုဂ္ဂလိကကဏ္ဍနှင့် ပြည်တွင်းပြည်ပမှရရှိသည့် ပညာရေးဆိုင်ရာဘဏ္ဍာငွေများကို အကျိုးရှိထိရောက်စွာ ခွဲဝေသုံးစွဲနိုင်ရန်နှင့် ပွင့်လင်းမြင်သာမှုရှိစေရန် ဆောင်ရွက်ခြင်းနှင့် တိကျမှန်ကန်သည့် သတင်းအချက်အလက်များကို အခြေခံ၍ ထိရောက်သောပညာရေး ပြုပြင်ပြောင်းလဲမှု၊ စီမံခန့်ခွဲမှုနှင့်လေ့လာကြီးကြပ်မှု လုပ်ငန်းအစီအစဉ်များကို အကောင်အထည်ဖော် ဆောင်ရွက်ခြင်းတို့ကို ဆောင်ရွက်လျက်ရှိပါကြောင်း၊ ကလေးတိုင်းသင်ယူ တတ်မြောက်ရမည့် ဘာသာရပ်အားလုံး အကောင်းဆုံးသင်ယူ တတ်မြောက်အောင်၊ လူသားကောင်းများဖြစ်အောင်၊ ပူးပေါင်းဆောင်ရွက်တတ်အောင်၊ တာဝန်ယူတာဝန်ခံမှုရှိအောင်၊ ဆန်းသစ်တီထွင် ဖန်တီးနိုင်မှုရှိအောင် အရည်အသွေးပြည့်မီသည့် ဆရာ ဆရာမများ လိုအပ်ပါကြောင်း၊ စံသတ်မှတ်ချက် အရည်အသွေးများပြည့်မီရန်၊ တာဝန်နှင့်လုပ်ထုံးလုပ်နည်းအရ ဆောင်ရွက်ရန်လိုအပ်ပါကြောင်း စသည်ဖြင့်ပြောကြားသည်။ ယင်းနောက် အမျိုးသားပညာရေး မူဝါဒကော်မရှင် ဥက္ကဋ္ဌ၊ မြန်မာနိုင်ငံဝိဇ္ဇာနှင့် သိပ္ပံပညာရှင်အဖွဲ့ဥက္ကဋ္ဌနှင့် မြန်မာနိုင်ငံနည်းပညာ ပညာရှင်အဖွဲ့တို့က ပညာရေးပြုပြင်ပြောင်းလဲမှုများ အကောင်အထည်ဖော် ဆောင်ရွက်နိုင်ရေးနှင့် ပတ်သက်၍ ဆွေးနွေးကြသည်။ ထို့နောက် ပညာရေးဝန်ကြီးဌာနက အမျိုးသားပညာရေး မဟာဗျူဟာစီမံကိန်း (၂၀၁၆-၂၀၂၁)တွင် ပညာရေးပြုပြင်ပြောင်းလဲမှုများကို ဦးစားပေးဆောင်ရွက်နေသော လုပ်ငန်းစဉ်(၁၂)ရပ်နှင့်စပ်လျဉ်း၍ ဦးစီးဌာန(၁၁)ခုတို့မှ ညွှန်ကြားရေးမှူးချုပ်များက Power Point ဖြင့် ရှင်းလင်းတင်ပြကြပြီး တက်ရောက်လာသူများ၏ အထွေထွေဆွေးနွေးချက်များကို တာဝန်ရှိသူများက ပြန်လည်ရှင်းလင်း ပြောကြားသည်။ အဆိုပါဆွေးနွေးပွဲသို့ ပညာရေးဝန်ကြီးဌာန ဒုတိယဝန်ကြီး ဦးဝင်းမော်ထွန်း၊ အမျိုးသားပညာရေး မူဝါဒကော်မရှင်ဥက္ကဋ္ဌနှင့် အဖွဲ့ဝင်များ၊ မြန်မာနိုင်ငံဝိဇ္ဇာနှင့် သိပ္ပံပညာရှင်အဖွဲ့ ဥက္ကဋ္ဌနှင့်အဖွဲ့ဝင်များ၊ မြန်မာနိုင်ငံနည်းပညာ ပညာရှင်အဖွဲ့နှင့် အဖွဲ့ဝင်များ၊ ပါမောက္ခချုပ်များကော်မတီ အဖွဲ့ဝင်များ၊ အမျိုးသားသင်ရိုးညွှန်းတမ်းကော်မတီ ဥက္ကဋ္ဌနှင့်အဖွဲ့ဝင်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြကြောင်း သတင်းရရှိသည်။

Tuesday, February 25, 2020

ပညာရေးဝန်ကြီးဌာန၊ ဒုတိယဝန်ကြီးနှင့်အဖွဲ့ EU Delegation to Myanmar ၏ Charges d’affaires ဖြစ်သူ Ms. Eszter Nemeth ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ

နေပြည်တော် ၂၀၂၀ ဖေဖော်ဝါရီ ၂၄

ပညာရေးဝန်ကြီးဌာန၊ ဒုတိယဝန်ကြီး ဦးဝင်းမော်ထွန်းနှင့် တာဝန်ရှိသူများသည် EU Delegation to Myanmar ၏ Charges d’affaires ဖြစ်သူ Ms. Eszter Nemeth ဦးဆောင်သော ကိုယ်စားလှယ်အဖွဲ့အား ၂၀၂၀ ခုနှစ် ဖေဖော်ဝါရီလ ၂၄ ရက်နေ့ ညနေ ၃ နာရီတွင် ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

ပုဂ္ဂလိကကဏ္ဍ လူသားအရင်းအမြစ် ဖွံ့ဖြိုးတိုးတက်ရေးအတွက် အစိုးရနှင့်ပုဂ္ဂလိကကဏ္ဍ ပူးပေါင်းဆောင်ရွက်မည့် အစီအစဉ်များ ချမှတ်ခြင်းနှီးနှောဖလှယ်ပွဲ ကျင်းပ

ရန်ကုန် ၂၀၂၀ ဖေဖော်ဝါရီ ၂၃

ကရင်ပြည်နယ် ပုဂ္ဂလိကကဏ္ဍ လူသားအရင်းအမြစ် ဖွံ့ဖြိုးတိုးတက်ရေးအတွက် အစိုးရနှင့် ပုဂ္ဂလိကကဏ္ဍ ပူးပေါင်းဆောင်ရွက်မည့် အစီအစဉ်များ ချမှတ်ခြင်းနှီးနှောဖလှယ်ပွဲကို ယနေ့နံနက် ၉ နာရီတွင် ကရင်ပြည်နယ် ဘားအံမြို့ ဇွဲကပင်သဘာ၀ဟိုတယ်၌ ကျင်းပသည်။ ရှေးဦးစွာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက အဖွင့်အမှာစကား ပြောကြားရာတွင် ယနေ့ကျင်းပသည့် နှီးနှောဖလှယ်ပွဲသည် ပုဂ္ဂလိကကဏ္ဍ လူသားအရင်းအမြစ် ဖွံ့ဖြိုးတိုးတက်ရေးအတွက် အစိုးရနှင့်ပုဂ္ဂလိကကဏ္ဍ ပူးပေါင်းဆောင်ရွက်မည့် အစီအစဉ်များချမှတ်နိုင်ရေး၊ ဒေသတွင်းလုပ်ငန်းများတွင် လိုအပ်လျက်ရှိသော လက်တွေ့ကျွမ်းကျင်မှု (Soft Skill နှင့် Hard Skill) လိုအပ်ချက်များဖော်ထုတ်နိုင်ရေး၊ ဒေသမှတောင်းဆိုမှု အများဆုံးဖြစ်သည့် သင်တန်းအမျိုးအစားတစ်မျိုး စတင်ဖွင့်လှစ်နိုင်ရေး၊ ဖွင့်လှစ်မည့်သင်တန်းများကို ရေရှည်တည်တံ့ဖွံ့ဖြိုးနိုင်မည့် အစီအစဉ်များ ဖော်ထုတ်နိုင်ရေးအတွက် ရည်ရွယ်ကျင်းပခြင်း ဖြစ်ပါကြောင်း၊ ပညာရေးဝန်ကြီးဌာနအနေဖြင့် နည်းပညာ၊ သက်မွေးပညာနှင့် လေ့ကျင့်ရေးကဏ္ဍ (Technical and Vocational Education and Training–TVET)ကို တာဝန်ယူ၍ ပုဂ္ဂလိကကဏ္ဍ လူသားအရင်းအမြစ် ဖွံ့ဖြိုးတိုးတက်ရေး ပူးပေါင်းအကောင်အထည်ဖော် ဆောင်ရွက်ပေးလျက်ရှိပါကြောင်း၊ ပုဂ္ဂလိကကဏ္ဍဖွံ့ဖြိုးတိုးတက်ရေး၊ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် လိုအပ်သည့် ကျွမ်းကျင်သူများရရှိရန် လူသားအရင်းအမြစ် ဖွံ့ဖြိုးတိုးတက်ရေးကို အလေးထားဆောင်ရွက်လျက် ရှိပါကြောင်း၊ ယနေ့ခေတ်သည် နည်းပညာပိုမိုမြင့်မားလာသည်နှင့်အမျှ အလုပ်အကိုင်ရရှိနိုင်မှု အခွင့်အလမ်းများ တစ်နေ့ထက်တစ်နေ့ လျော့နည်းလာပါကြောင်း၊ အတတ်ပညာကျွမ်းကျင်မှု Skills ရရှိထားမှသာ ဝင်ငွေကောင်းသော အလုပ်အကိုင်ကောင်းများကို ရရှိနိုင်မည်ဖြစ်ပါကြောင်း၊ ပညာရေးဝန်ကြီးဌာနအနေ ဖြင့် ကမ္ဘာနှင့်ယှဉ်ပြိုင်နိုင်စွမ်းရှိသည့် အရည်အသွေးပြည့်ဝသော ဘွဲ့ရပညာတတ်များ မွေးထုတ်ပေးနိုင်ရေး ဦးတည်ကာ အမျိုးသားပညာရေး မဟာဗျူဟာစီမံကိန်းကို ၂၀၁၆-၂၀၂၁ ချမှတ်အကောင်အထည် ဖော်ဆောင်ရွက်လျက်ရှိပါကြောင်း၊ ပညာရေးဝန်ကြီးဌာနက ဖွင့်လှစ်ထားသော အစိုးရစက်မှုလက်မှုသိပ္ပံများနှင့် အစိုးရနည်းပညာ အထက်တန်းကျောင်းများတွင် ပုံမှန်အင်ဂျင်နီယာသင်တန်းများ ပေးအပ်လျက်ရှိသကဲ့သို့ ချက်ချင်းအလုပ်အကိုင်ရရှိရေးအတွက် အထောက်အကူပြုစေမည့် ဒေသနှင့်ကိုက်ညီသော ကာလတိုသက်မွေးပညာ သင်တန်းများကိုလည်း ဖွင့်လှစ်သင်ကြားပေးလျက်ရှိပါကြောင်း၊ ကရင်ပြည်နယ်အတွင်း သက်မွေးပညာသင်တန်းကျောင်းများအဖြစ် အစိုးရနည်းပညာအထက်တန်းကျောင်း (ဘားအံ)တွင် အောင်လက်မှတ်များပေးအပ်သည့် ပုံမှန်အင်ဂျင်နီယာ ဘာသာရပ်ဆိုင်ရာသင်တန်းများ ပေးအပ်လျက်ရှိပါကြောင်း၊ ထို့ပြင် Motorbike Repair သင်တန်း၊ Dress Making သင်တန်း၊ အခြေခံစက်ချုပ်သင်တန်း၊ အဆင့်မြင့်စက်ချုပ်သင်တန်း၊ အမျိုးသမီးဆံပင်ညှပ်အလှပြင်သင်တန်း၊ သံဂဟေနှင့် စတီးဂဟေဆက်ခြင်း အတတ်ပညာသင်တန်း၊ ဟိုတယ်ဝန်ဆောင်မှုသင်တန်း၊ အိမ်တွင်းလျှပ်စစ်သွယ် တန်းခြင်းသင်တန်းတို့ကို ဖွင့်လှစ်ပို့ချပေးလျက် ရှိပါကြောင်းပြောကြားသည်။ ထို့နောက် ကရင်ပြည်နယ်အစိုးရအဖွဲ့ ကရင်ပြည်နယ်အစိုးရအဖွဲ့ လူမှုရေးဝန်ကြီး ဦးဘိုဘိုဝေမောင်က အမှာစကားပြောကြားရာတွင် ကရင်ပြည်နယ်အတွင်း ဆောင်ရွက်လျက်ရှိသည့် ပညာရေးကဏ္ဍများနှင့် ပုဂ္ဂလိကကဏ္ဍဖွံ့ဖြိုး တိုးတက်ရေးအတွက် အစိုးရနှင့်ပုဂ္ဂလိကကဏ္ဍ ပူးပေါင်းဆောင်ရွက်နေမှု အခြေအနေများနှင့် ပိုမိုကောင်းမွန်စေရန် ဆောင်ရွက်လျက်ရှိပါကြောင်း ပြောကြားသည်။ ယင်းနောက် ကရင်ပြည်နယ်ကုန်သည်များနှင့် စက်မှုလက်မှု လုပ်ငန်းရှင်များအသင်း ဒုတိယဥက္ကဋ္ဌ(၁) ဦးဇော်ဌေးက ကြိုဆိုနှုတ်ခွန်းဆက်စကား ပြောကြားသည်။ ထို့နောက် ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် အခမ်းအနားသို့ တက်ရောက်လာကြသူများက မှတ်တမ်းတင်ဓာတ်ပုံရိုက်ကူးခဲ့ကြပြီး နှီးနှောဖလှယ်ပွဲကို သတ်မှတ်ထားသည့် အခမ်းအနားအစီအစဉ်များအတိုင်း ဆက်လက်ကျင်းပသည်။ အခမ်းအနားသို့ ကရင်ပြည်နယ်အစိုးရအဖွဲ့မှ တာဝန်ရှိသူများ၊ လွှတ်တော်ကိုယ်စားလှယ်များ၊ အခြေခံလူသားအရင်းအမြစ် တည်ဆောက်ရေးလုပ်ငန်း ကော်မတီဝင်များ၊ ကရင်ပြည်နယ်အတွင်းရှိ တက္ကသိုလ်၊ ဒီဂရီကောလိပ်၊ ကောလိပ်နှင့် အစိုးရနည်းပညာ အထက်တန်းကျောင်းများမှ ပါမောက္ခချုပ်၊ ကျောင်းအုပ်ကြီးများ၊ ဒုတိယပါမောက္ခချုပ်များ၊ တွဲဖက်ပါမောက္ခများ၊ ဆရာ ဆရာမများ၊ ကရင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များ၊ သက်ဆိုင်ရာ တာဝန်ရှိသူများနှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ကြသည်။ ယင်းနောက် ပြည်ထောင်စုဝန်ကြီး ဒေါက်တာမျိုးသိမ်းကြီးသည် ဘားအံတက္ကသိုလ်သို့ ရောက်ရှိပြီး ဘားအံတက္ကသိုလ်မှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)များ၊ ဆရာ ဆရာမများ၊ ဝန်ထမ်းများ၊ ကျောင်းသား ကျောင်းသူများနှင့် တွေ့ဆုံခဲ့ကြောင်း သတင်းရရှိသည်။

ပညာရေးဝန်ကြီးဌာန ပြည်ထောင်စုဝန်ကြီး ပညာရေးစီမံခန့်ခွဲမှု ဘွဲ့လွန်ဒီပလိုမာသင်တန်း (Diploma in Education Management - DEM) တွင် သင်ခန်းစာဆွေးနွေးပို့ချ

နေပြည်တော် ၂၀၂၀ ဖေဖော်ဝါရီ ၂၂

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးသည် ယနေ့နံနက်(၈:၃၀)နာရီတွင် နေပြည်တော်၊ ရုံးအမှတ်(၁၃)၊ အစည်းအဝေးခန်းမ၌ ဖွင့်လှစ်ကျင်းပသည့် ပညာရေးစီမံခန့်ခွဲမှု ဘွဲ့လွန်ဒီပလိုမာသင်တန်း (Diploma in Education Management - DEM)တွင် ပညာရေးပြုပြင်ပြောင်းလဲမှု လေ့လာဆန်းစစ်ခြင်း ခေါင်းစဉ်ဖြင့် သင်ခန်းစာဆွေးနွေးပို့ချသည်။ ပညာရေးစီမံခန့်ခွဲမှု ဘွဲ့လွန်ဒီပလိုမာသင်တန်းကို လေ့လာဆန်းစစ်အကဲဖြတ်ရေးအဖွဲ့ (သုတေသန)၊ ရန်ကုန်ပညာရေးတက္ကသိုလ်၊ ရန်ကုန်စီးပွားရေးတက္ကသိုလ်တို့နှင့် ပူးပေါင်း၍ University College London-Institute of Education (UCL-IOE)မှ နည်းပညာပံ့ပိုးမှုရယူကာ ဖွင့်လှစ်ခြင်းဖြစ်ပြီး ပညာရေးဝန်ကြီးဌာနရှိ ဦးစီးဌာနများမှ အရာထမ်းများနှင့် နေပြည်တော်ကောင်စီနယ်မြေမှ အခြေခံပညာကျောင်းအုပ်များ အပါအဝင်စုစုပေါင်းသင်တန်းသား၊ သင်တန်းသူ(၅၀)ဦး တက်ရောက်လျက်ရှိကာ၂၀၁၉ခုနှစ်၊ သြဂုတ်လ မှ ၂၀၂၀ပြည့်နှစ်၊ စက်တင်ဘာလအထိ တစ်နှစ်ကြာ စာတွေ့၊ လက်တွေ့ သင်ယူရမည်ဖြစ်ကြောင်း နှင့် ရန်ကုန်ပညာရေးတက္ကသိုလ်က ဒီပလိုမာဘွဲ့အပ်နှင်း ပေးအပ်မည်ဖြစ်ကြောင်း သတင်းရရှိသည်။

Saturday, February 22, 2020

ပြည်ထောင်စုဝန်ကြီး ရန်ကုန်အဝေးသင်တက္ကသိုလ် (YUDE) နှင့် ကိုရီးယားအာဆီယံချစ်ကြည်မှုအသင်း (Korea-ASEAN Friendship Association- KAFA) တို့၏ နားလည်မှုစာချွန်လွှာလက်မှတ်ရေးထိုးပွဲ အခမ်းအနားသို့ တက်ရောက်

နေပြည်တော် ၂၀၂၀ ဖေဖော်ဝါရီ ၂၁

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးသည် ယနေ့နံနက် ၁၁ နာရီတွင် နေပြည်တော်၊ ရုံးအမှတ် (၂၁)၌ ကျင်းပသော ရန်ကုန်အဝေးသင်တက္ကသိုလ် (YUDE) နှင့် ကိုရီးယားအာဆီယံချစ်ကြည်မှုအသင်း (Korea-ASEAN Friendship Association- KAFA) တို့၏ နားလည်မှုစာချွန်လွှာ လက်မှတ်ရေးထိုးပွဲ အခမ်းအနားသို့တက်ရောက်၍ အဖွင့်မိန့်ခွန်း ပြောကြားခဲ့ပါသည်။
ပြည်ထောင်စုဝန်ကြီးကပြောကြားရာတွင် ရန်ကုန်အဝေးသင်တက္ကသိုလ် အပါအဝင် ရန်ကုန်တက္ကသိုလ်နှင့် တက္ကသိုလ် ၇ ခု၊ မန္တလေးတက္ကသိုလ်နှင့် တက္ကသိုလ် ၇ ခုတို့သည် သင်ရိုးညွှန်းတမ်း၊ သင်ကြားနည်းစနစ် အစရှိသည့် သင်ကြားရေးဆိုင်ရာ လွတ်လပ်ခွင့်များကို စတင်အကောင်အထည်ဖော်ရန် စီစဉ်လျက်ရှိကြောင်း၊ ရန်ကုန်အဝေးသင်တက္ကသိုလ်အနေဖြင့် မိမိနှင့်သက်ဆိုင်ရာ တိုင်းဒေသကြီး၏ ဈေးကွက်လိုအပ်ချက်ကို ဖြည့်ဆည်းပေးနိုင်မည့် အွန်လိုင်းသင်တန်းများ ပိုမိုဖွင့်လှစ်သွားရန် လိုအပ်သကဲ့သို့ အရည်အသွေးပြည့်ဝသော ဘွဲ့ရပညာတတ်များနှင့် ကျွမ်းကျင်မှုပြည့်ဝသော ပညာရှင်များ၊ လုပ်သားအင်အားစုများ မွေးထုတ်ပေးရန် စီစဉ်ဆောင်ရွက်သွားရမည်ဖြစ်ကြောင်း၊ ယနေ့လက်မှတ်ရေးထိုးသည့် ရန်ကုန် အဝေးသင်တက္ကသိုလ် (YUDE) နှင့် ကိုရီးယားအာဆီယံချစ်ကြည်မှုအသင်း ( Korea-ASEAN Friendship Association- KAFA) တို့၏ နားလည်မှုစာချွန်လွှာသည် ကျောင်းသားဖလှယ်မှု၊ ဆရာဖလှယ်မှု၊ အသုံးချသုတေသနနှင့် ညီလာခံများ၊ ဆွေးနွေးပွဲများ ကျင်းပမှုကို အားပေးသကဲ့သို့ အွန်လိုင်းသင်တန်းများ ပိုမိုဖွင့်လှစ်သင်ကြားရေးကိုလည်း အထောက်အကူပြုမည် ဖြစ်သဖြင့် မြန်မာနိုင်ငံ၏ လူမှုစီးပွာရေး ဖွံ့ဖြိုးတိုးတက်မှုကို အကျိုးပြုမည်ဖြစ်ပါကြောင်းဖြင့် ပြောကြား သွားပါသည်။
ဆက်လက်၍ ကိုရီးယားအာဆီယံချစ်ကြည်မှုအသင်း (Korea-ASEAN Friendship Association- KAFA) ၏ အမှုဆောင်ညွှန်ကြားရေးမှူး Dr. Sung Ki Baik က နားလည်မှုစာချွန်လွှာလက်မှတ်ရေးထိုးခြင်းနှင့် စပ်လျဉ်း၍ ရှင်းလင်းပြောကြားခဲ့ ပါသည်။ ထို့နောက် ရန်ကုန်အဝေးသင် ဒုတိယ ပါမောက္ခချုပ် ဒေါက်တာ ဒေါ်ခင်သန့်စင်နှင့် အမှုဆောင်ညွှန်ကြားရေးမှူး Dr. Sung Ki Baik တို့ နားလည်မှုစာချွန်လွှာကို လက်မှတ်ရေးထိုးကြပါသည်။ ထို့နောက် ရန်ကုန်အဝေးသင် ဒုတိယ ပါမောက္ခချုပ် ဒေါက်တာ ဒေါ်ခင်သန့်စင်က ကျေးဇူးတင် စကားပြောကြားပါသည်။ ဆက်လက်၍ မှတ်တမ်းတင် ဓါတ်ပုံရိုက်ကူးကာ အခမ်းအနားကို ရုတ်သိမ်းလိုက်ကြောင်း သတင်းရရှိပါသည်။

School Bus အစီး(၆၀)ပေးအပ်လှူဒါန်းခြင်းအခမ်းအနားကျင်းပ

နေပြည်တော် ၂၀၂၀ ဖေဖော်ဝါရီ ၂၁

School Bus အစီး(၆၀)ပေးအပ်လှူဒါန်းပွဲအခမ်းအနားကို ယနေ့ နံနက် ၉နာရီတွင် အမှတ်(၃)အခြေခံပညာအထက်တန်းကျောင်း၊ ပုဗ္ဗသီရိမြို့နယ်၊ နေပြည်တော်၌ကျင်းပရာ ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီး တက်ရောက်အမှာ စကားပြောကြားပါသည်။
ပြည်ထောင်စုဝန်ကြီး ဒေါက်တာမျိုးသိမ်းကြီးက အမှာစကားပြောကြားရာတွင် ပညာရေး၀န်ကြီးဌာနနှင့် Korea International Cooperation Agency (KOICA) တို့၏ ပူးပေါင်းဆောင်ရွက်မှုအစီအစဉ်အရ KOICA သည် ၂၀၁၆ခုနှစ် ဇွန်လတွင် School Bus (၄၀)စီး ကို ပညာရေးဝန်ကြီးဌာနသို့ ပထမအကြိမ်အဖြစ် လှူဒါန်းခဲ့ပါကြောင်း၊ အဆိုပါ School Bus (၄၀)စီးကို နေပြည်တော်ကောင်စီနယ်မြေ၊ ဇမ္ဗူသီရိနှင့် ဒက္ခိဏသီရိမြို့နယ်များရှိ အခြေခံပညာ (၁၂)ကျောင်းများတွင် ပညာသင်ကြားပေးလျက်ရှိသော ကျောင်းသားကျောင်းသူများအတွက် အသုံးပြုပြေးဆွဲလျက်ရှိပါကြောင်း။

၂၀၁၉ခုနှစျမှ ၂၀၂၁ခုနှစျအထိ အကောငျအထညျဖောျဆောငျရှကျမညျ‌့ Improvement in Access to Education through Provision of School Buses in Myanmar စီမံကိနျး အရ (KOICA)မှ ဒုတိယအကွိမျအဖွစျလှူဒါနျးသညျ့ School Bus(၆၀)စီးကို နပွေညျတောျ ကောငျစီနယျမွေ ပြဥျးမနား၊ လယျဝေး၊ ဥတ်တသီရိ၊ ပုဗ်ဗသီရိ၊ ဇယြောသီရိနှငျ့တပျကုနျးမွို့နယျမြားရှိ အခွခေံပညာကြောငျးမြားမှ ဆရာဆရာမမြားနှငျ့ ကြောငျးသားကြောငျးသူမြားအတှကျ အသုံးပွု သှားမညျဖွစျပါကွောငျး၊ School Busမြား ပေးအပျလှူဒါနျးခွငျးမြားအပါအဝငျ လုံခွုံစိတျခစြှာဖွငျ့ အသုံးပွုနိုငျရနျအတှကျ School Bus ယာဥျမောငျးမြားနှငျ့ ၄ငျးတို့ကို ကွီးကွပျအုပျခြုပျသူမြားအား ယာဥျမောငျးနှငျအသုံးပွုမှုနှငျ့ ပွုပွငျထိနျးသိမျးခွငျးဆိုငျရာ သငျတနျးပေးခွငျး၊ ယာဥျစညျးကမျး၊ လမျးစညျးကမျးဆိုငျရာ ပညာပေးခွငျးနှငျ့ မွနျမာတစျနိုငျငံလုံးရှိ အခွခေံပညာကြောငျးအားလုံး အတှကျ အထကျတနျး၊ အလယျတနျး၊ မူလတနျး အဆငျ့အလိုကျ ယာဥျအန်တရာယျကငျးဝေးရေး လမျးညှှနျစာအုပျပွုစုပွီး သငျတနျးပေးမှာဖွစျပါကွောငျး၊ KOICA မှ ယာဥျမောငြျး(၁၀၀)ဦးနှငျ့ ၄ငျးတို့ကို ကွီးကွပျအုပျခြုပျသူမြားအား ယာဥျမောငျးနှငျအသုံးပွုမှုနှငျ့ ပွုပွငျထိနျးသိမျးခွငျး ဆိုငျရာသငျတနျးပေးခွငျးကို ၂၀၂၀ပွညျ‌့နှစျနှငျ့ ၂၀၂၁ခုနှစျတို့အတှငျး (၃)ကွိမျခှဲ၍ ဆောငျရှကျ ပေးသှားမှာဖွစျပါကွောငျး၊ ဆရာဆရာမမြား၊ ကြောငျးသားကြောငျးသူမြားနှငျ‌့ ယာဥျမောငျးမြား အား ယာဥျစညျးကမျး၊ လမျးစညျးကမျးဆိုငျရာပညာပေးခွငျးအတှကျ စီမံကိနျးမွို့နယျမြားမှ ဆရာဆရာမ(၁၆)ဦးအား နညျးပွသငျတနျးပေးပွီးနောကျ ဆငျ့ပှားသငျတနျးမြားပေးခွငျးနှငျ့ သငျတနျးကိစ်စမြားဆောငျရှကျရာတှငျ အသုံးပွုရနျ စီမံကိနျးမွို့နယျတစျမွို့နယျလြှငျ Notebook နှငျ့ ပရိုဂကြျတာ(၁)လုံးစီ ထောကျပံ့ပေးခွငျးနှငျ့ သငျတနျးဆငျးလကျမှတျပေးအပျသှားမညျ ဖွစျပါကွောငျး၊ ယာဥျစညျးကမျး၊ လမျးစညျးကမျးဆိုငျရာ ပညာပေးခွငျးသငျခနျးစာ Video Clipမြားကို အတှေ့အကွုံအခွပွေု၍ ပြောျရှှငျစှာအုပျစုဖှဲ့ လေ့လာသငျယူနိုငျရနျအတှကျ လှယျကူရိုးရှငျးစှာပွုစုထားပါကွောငျး။
မြန်မာတစ်နိုင်ငံလုံးရှိ အခြေခံပညာကျောင်းအားလုံးအတွက် အထက်တန်း၊ အလယ်တန်း၊ မူလတန်းအဆင့်အလိုက် ယာဥ်အန္တရာယ်ကင်းဝေးရေး လမ်းညွှန်စာအုပ်ပြုစုခြင်းလုပ်ငန်းစဥ်တွင် ကိုရီးယားကျွမ်းကျင်သူများက ရန်ကုန်တိုင်းဒေသကြီး အတွင်းရှိ ကျောင်းတည်ရှိရာနေရာများတွင် Survey ဆောင်ရွက်ပြီး ယာဥ်မတော်တဆဖြစ်ပွားမှုများနှင့် ကာကွယ်တားဆီးနိုင်ခြေကို Engineering Approach, Education Approach နှင့် Regulation Approach များအရ လေ့လာဆန်းစစ်အကြံပြုခြင်း စသည်တို့ကို ပူးပေါင်းဆောင်ရွက်သွားမှာဖြစ်သည့်အတွက် အခြေခံပညာကျောင်းသားကျောင်းသူများအတွက် အရည်အသွေးရှိသော အခြေခံပညာရေးကို သင်ယူခွင့်ရရှိနိုင်စေရန် များစွာအထောက်အပံ့ပေးနိုင်မှာဖြစ်ပါကြောင်း၊ နိုင်ငံတော်၏အတိုင်ပင်ခံ ပုဂ္ဂိုလ်၏ လမ်းညွှန်ချက်နှင့်အညီ အကောင်အထည်ဖော်ဆောင်ရွက်လျက်ရှိသည့် ပညာရေး ဝန်ကြီးဌာန၏ ဦးစားပေးလုပ်ငန်းအစီအစဥ်(၇)ရပ် (Seven Priorities) တွင် ယာဥ်အန္တရာယ် ကင်းရေးလုပ်ငန်းစဥ်ပါဝင်သည့်အတွက် KOICA မှ အကောင်အထည်ဖော်ဆောင်ရွက်မည့် ပညာပေးအစီအစဥ်များသည် အခြေခံပညာကျောင်းသားကျောင်းသူများနှင့် ဆရာဆရာမ များအတွက် များစွာအကျိုးရှိသည့်အတွက်ကြောင့် ယခုစီမံကိန်းကို နိုင်ငံတော်၏အတိုင်ပင်ခံ ပုဂ္ဂိုလ်၏လမ်းညွှန်ချက်နှင့်အညီ ယာဥ်အန္တရာယ်၊ လမ်းအန္တရာယ်ကင်းဝေးရေးအတွက် ပူးပေါင်း ဆောင်ရွက်သွားမှာဖြစ်ပါကြောင်း၊ ယခုလို လှူဒါန်းပေး သည့်(KOICA)၊ အဆင်ပြေအောင် ပူးပေါင်းဆောင်ရွက်ပေးကြသည့် ပညာရေးဝန်ကြီးဌာနမှ တာဝန်ရှိသူများ၊ အခြေခံပညာဦးစီး ဌာနမှ တာဝန်ရှိသူများ၊ ကိုရီးယားနိုင်ငံသံရုံးမှ သံမတ်အကြီး နှင့်တာဝန်ရှိသူများအား အထူးကျေးဇူးတင်ရှိပါကြောင်း စသည်ဖြင့်ပြောကြားသည်။
ယငျးနောကျ ကိုရီးယားသမ်မတနိုငျငံ သံအမတျကွီး Mr. Lee Sang Hwa က လှူဒါနျးခွငျးနှငျ့ပတျသကျ၍ ရှငျးလငျးပွောကွသညျ။
ထို့နောက် KOICA Myanmar Office မှ Chief Represntative Ms. Lee Youn Soo က အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်းအား လှူဒါန်းမှုမှတ်တမ်းလွှာကို လွှဲပြောင်းပေးအပ်ပြီး စုပေါင်းမှတ်တမ်းတင်ဓာတ်ပုံရိုက်ကူးကြသည်။
ယင်းနောက် ကျောင်းကားများပေါ်တွင် ပြည်ထောင်စုဝန်ကြီးများနှင့် တာဝန်ရှိသူများ၊ ဆရာမများနှင့် ကျောင်းသားကျောင်းသူများ စီးနင်းလိုက်ပါပုံများအား သရုပ်ပြသကြပြီး အခမ်းအနားကို ရုပ်သိမ်းလိုက်သည်။
အဆိုပါအခမ်းအနားသို့ ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး၊ နေပြည်တော်ကောင်စီဥက္ကဋ္ဌ၊ အမျိုးသားလွှတ်တော် သယံဇာတနှင့် သဘာဝပတ်ဝန်းကျင် ထိန်းသိမ်းရေးကော်မတီဥက္ကဋ္ဌ၊ ပြည်သူ့လွှတ်တော်၊ နိုင်ငံတကာဆက်ဆံရေးကော်မတီဥက္ကဋ္ဌ၊ ညွှန်ကြားရေးမှူးချုပ်များနှင့် တာဝန်ရှိသူများ၊ ဆရာဆရာမများနှင့် ကျောင်းသားကျောင်းသူများ တက်ရောက်ကြကြောင်း သတင်းရရှိပါသည်။

Wednesday, February 19, 2020

ပညာရေးဝန်ကြီးဌာန ပြည်ထောင်စုဝန်ကြီး Model ASEAN Meeting Myanmar 2020 ညစာစားပွဲ အခမ်းအနားသို့တက်ရောက် အမှာစကားပြောကြား

ပညာရေးဝန်ကြီးဌာန ပြည်ထောင်စုဝန်ကြီး Model ASEAN Meeting Myanmar 2020 ညစာစားပွဲ အခမ်းအနားသို့တက်ရောက် အမှာစကားပြောကြား

Monday, February 17, 2020

ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ ဆင့်ပွားဆွေးနွေးပွဲ (အခြေခံပညာကဏ္ဍ) ကျင်းပ

နေပြည်တော် ၂၀၂၀ ဖေဖော်ဝါရီ ၁၆

ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ ဆင့်ပွားဆွေးနွေးပွဲ (အခြေခံပညာကဏ္ဍ) အခမ်းအနားကို ယနေ့နံနက်၉နာရီခွဲတွင် ပဲခူးတိုင်းဒေသကြီး(အရှေ့)၊ တောင်ငူခရိုင်၊ တောင်ငူ ပညာရေးကောလိပ် မြတ်ပညာခန်းမ၌ ကျင်းပသည်။ ရှေးဦးစွာ ပဲခူးတိုင်းဒေသကြီး အမျိုးသားလွှတ်တော်ကိုယ်စားလှယ် ဦးမင်းဦးက အခမ်းအနား ကျင်းပရခြင်းနှင့် စပ်လျဉ်း၍ ရှင်းလင်းတင်ပြသည်။ ထို့နောက် ပြည်ထောင်စုဝန်ကြီးက အဖွင့်အမှာစကား ပြောကြားရာတွင် ပညာရေးဝန်ကြီးဌာနအနေဖြင့် လူ့စွမ်းအားအရင်းအမြစ်များကို ပြုစုပျိုးထောင်လျက်ရှိပြီး ပညာရေးပြုပြင်ပြောင်းလဲမှုများကို ဆောင်ရွက်လျက်ရှိပါကြောင်း၊ မွေးဖွားလာသည့်အချိန်မှစ၍ သင်ယူမှုများကိုဘဝတစ်လျှောက်လုံး စဉ်ဆက်မပြတ် ဆောင်ရွက်ကြရမည်ဖြစ်သဖြင့် ဘဝရပ်တည်မှုအတွက် လိုအပ်သောကျွမ်းကျင်မှုများရှိရန် လိုအပ်ပါကြောင်း၊ ဘဝတစ်လျှောက်လုံး သင်ယူမှုအခွင့်အလမ်းများရှိရန်၊ အထူးပြုဘာသာရပ် နည်းနည်းကို နက်နက်နဲနဲသင်ယူနိုင်ရန်နှင့် ကျွမ်းကျင်မှုရှိရန် သင်တန်းများဖွင့်လှစ်ပေးပြီး များများလေ့ကျင့်ပေးရမည် ဖြစ်ပါကြောင်း၊ ပညာရေးသင်ယူမှုအခွင့်အလမ်း ပိုမိုမြင့်မားရေးအတွက် ယနေ့ခေတ်တွင် Industrial Revolution-IR 4.0 နှင့် လိုက်လျောညီထွေဖြစ်သော ပညာရေးသည် Education 4.0 ဖြစ်ပါကြောင်း၊ Industrial Revolution-IR 4.0 နှင့် လိုက်လျောညီထွေဖြစ်သော ပညာရေးဖြစ်အောင် ပြုပြင်ပြောင်းလဲ ဆောင်ရွက်ကြရမည် ဖြစ်ပါကြောင်း၊ Education 4.0 တွင် သင်ယူသူတစ်ဦးချင်းသည် ဗဟိုဖြစ်ပါကြောင်း၊ သင်ယူခြင်းသည် အရေးအကြီးဆုံးဖြစ်ပါကြောင်း၊ အရည်အသွေးရှိသည့် ပညာရေးစနစ်တွင် သင်ယူပြီးရင်း သင်ယူနေရပြီး ဘဝတစ်သက်တာ သင်ယူကြရမည်ဖြစ်ပါကြောင်း၊ သင်ယူသူတစ်ဦးချင်းစီကို ဗဟိုပြုပြီး သင်ယူတတ်မြောက်မှု အရည်အသွေးကောင်းမွန်အောင် ဆောင်ရွက်ပေးနိုင်ရန် လိုအပ်ပါကြောင်း၊ ပညာရေးစနစ်ကို ပြုပြင်ပြောင်းလဲရာတွင် သင်ရိုးညွှန်းတမ်းများ ပြုပြင်ပြောင်းလဲခြင်း၊ လိုအပ်သည်များ ဖြည့်ဆည်းခြင်းများကို ဆောင်ရွက်ပြီး အရည်အသွေးရှိသော ပညာရေးကို အကောင်အထည်ဖော် ဆောင်ရွက်လျက်ရှိပါကြောင်း၊ သင်ရိုးညွှန်းတမ်းများ ပြုပြင်ပြောင်းလဲဆောင်ရွက်ရာတွင် ၂၀၂၂- ၂၀၂၃ ခုနှစ်တွင် (KG+12) သူငယ်တန်း+ တစ်ဆယ့်နှစ်တန်းပညာရေးအတွက် ဘာသာစုံသင်ရိုးညွှန်းတမ်း စာအုပ်များအားလုံး ပြီးစီးမည်ဖြစ်ပါကြောင်း၊‌ ယခုနှစ်နွေရာသီတွင် မူလတန်းပြဆရာ ဆရာမအားလုံး (Grade-4) စတုတ္ထတန်းသင်တန်း၊ အလယ်တန်းပြဆရာ ဆရာမများအားလုံး (Grade-7) သတ္တမတန်းသင်တန်းနှင့် အထက်တန်းပြ ဆရာ ဆရာမများအားလုံးကို (Grade-10)ဒသမတန်းသင်တန်းများ ပေးသွားမည်ဖြစ်ပါကြောင်း၊ နိဂုံးချုပ်အနေဖြင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ပြောကြားသည့် အရည်အသွေးရှိသော ကျောင်းသား ကျောင်းသူများကို ပြုစုပျိုးထောင်ရာတွင် ဆရာ ဆရာမများအနေဖြင့် သင်ယူရာတွင် တော်ကြသည်ကို သိရှိပါကြောင်း၊ သင်ယူရာတွင် တော်သကဲ့သို့ သင်ကြားရာတွင်လည်း တော်ကြမည်ဖြစ်ပါကြောင်း၊ ဆရာ ဆရာမများအနေဖြင့် ကျောင်းသား၊ ကျောင်းသူများ စာသင်ချိန်နှင့် ကျောင်းတွင် ပျော်ရွှင်အောင် မည်သို့ဆောင်ရွက်ရမည်ကို စဉ်းစားရမည်ဖြစ်ပါကြောင်း၊ ကလေးများ ကျောင်းသွားရသည်ကို ပျော်မှသာ ပညာတတ်များဖြစ်မည် ဖြစ်ပါကြောင်း၊ မိမိတို့နိုင်ငံ ဖွံ့ဖြိုးတိုးတက်ရန် လိုအပ်လျက်ရှိပြီး အဓိကအနေဖြင့် ပညာရေးစနစ်ဖြစ်ပါကြောင်း၊ ပညာရေးစနစ်မှန်ကန်လျှင် အခြားနိုင်ငံများအား ရင်ပေါင်တန်းပြီး အချိန်တိုအတွင်း အမီလိုက်နိုင်မည် ဖြစ်ပါကြောင်း၊ အခြားနိုင်ငံများမှ ကျောင်းသား ကျောင်းသူများထက် တစ်မူထူးပြီး တော်စေချင်ပါကြောင်း၊ ကျောင်းစာသာမက စာရိတ္တပိုင်းနှင့် ပူးပေါင်းဆောင်ရွက်မှု အပိုင်းတွင်လည်း တော်စေချင်ပါကြောင်း၊ ဆရာ ဆရာမများအနေဖြင့် မိမိတို့လူမှုအသိုင်းအဝိုင်း ပျော်ရွှင်ရန်၊ တိုးတက်ရန်ဖော်ဆောင်ပေးနိုင်သည့် ကလေးငယ်များကို မွေးထုတ်ပေးကြစေလိုကြောင်း ပြောကြားသည်။ ထို့နောက် အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်းက ပညာရေးကဏ္ဍဆိုင်ရာများနှင့် စပ်လျဉ်း၍ ရှင်းလင်းဆွေးနွေးသည်။ ယင်းနောက် အခြေခံပညာဦးစီးဌာန ဒုတိယညွှန်ကြားရေးမှူးချုပ်(ပညာ) ဒေါက်တာတင်မောင်ဝင်းနှင့် ဒုတိယညွှန်ကြားရေးမှူးချုပ်(စီမံ) ဦးရဲလင်းမြင့်တို့က စာတမ်းများနှင့်စပ်လျဉ်း၍ အနှစ်ချုပ်တင်ပြကြသည်။ ထို့နောက် အခမ်းအနားသို့ တက်ရောက်လာကြသူများက သိရှိလိုသည်များကို မေးမြန်းတင်ပြကြရာ ညွှန်ကြားရေးမှူးချုပ် ဦးကိုလေးဝင်းနှင့် တာဝန်ရှိသူများက ပြန်လည်ဖြေကြားသည်။ ယင်းနောက် ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ ဆင့်ပွားဆွေးနွေးပွဲ‌ ဖြစ်မြောက်ရေး ဦးဆောင်ပေးခဲ့သည့် ပဲခူးတိုင်းဒေသကြီး အမျိုးသားလွှတ်တော်ကိုယ်စားလှယ် ဦးမင်းဦးနှင့် တောင်ငူမြို့နယ် ပြည်သူ့လွှတ်တော်ကိုယ်စားလှယ် ဦးခင်မောင်သန်းတို့အား တောင်ငူခရိုင် ပညာရေးမိသားစုမှ ဂုဏ်ပြုမှတ်တမ်းလွှာ ပေးအပ်ကြသည်။ ထို့နောက် ပြည်သူ့လွှတ်တော်ကိုယ်စားလှယ် ဦးခင်မောင်သန်းက ကျေးဇူးတင်စကားပြန်လည် ပြောကြားခဲ့ပြီး အခမ်းအနားကို ရုပ်သိမ်းခဲ့ကြောင်း သတင်းရရှိသည်။

Wednesday, February 5, 2020

Mobile and Digital Literacy Training သင်တန်းဖွင့်ပွဲအခမ်းအနားကျင်းပ

နေပြည်တော် ၂၀၂၀ ဖေဖော်ဝါရီ ၅

ပညာရေးဝန်ကြီးဌာနနှင့် The Asia Foundation တို့ပူးပေါင်းဖွင့်လှစ်သည့် Mobile and Digital Literacy Training သင်တန်းဖွင့်ပွဲအခမ်းအနားကို ယနေ့နံနက် ၉ နာရီတွင် နေပြည်တော် ရုံးအမှတ် (၁၃) ပညာရေးဝန်ကြီးဌာန ရှိ စုဝေးခန်းမ၌ ကျင်းပသည်။

ရှေးဦးစွာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက အမှာစကား ပြောကြားရာတွင် ယခုသင်တန်းဖွင့်လှစ်နိုင်ရေး ပူးပေါင်းဆောင်ရွက်ပေးသည့် Asia Foundation မှ တာ၀န်ရှိသူများအား ပညာရေးဝန်ကြီးဌာနအနေဖြင့် ကျေးဇူး တင်ရှိပါကြောင်း၊ ယနေ့ခေတ်တွင် အိုင်စီတီ နည်းပညာသည် နေ့စဉ်လူမှုဘဝများတွင် တစ်နေ့တစ်ခြားအရေးပါလာသည်ကို တွေ့ရှိရမည် ဖြစ်ပါကြောင်း၊ ၂၁ ရာစုတွင် နည်းပညာဖွံ့ဖြိုးတိုးတက်လာသည့်အတွက် နည်းပညာနှင့်ပတ်သက်သည့် သင်တန်းများသည် အရေးကြီးပါကြောင်း၊ သင်တန်းများပေးခြင်းသည် မိမိတို့၏စွမ်းဆောင်ရည်ကို မြှင့်တင်ပြီး လုပ်ငန်းစွမ်းဆောင်ရည် ပိုမိုကောင်းမွန်စေပြီး ဝန်ကြီးဌာန၏ စွမ်းဆောင်ရည်လည်း ပိုမိုအားကောင်းလာမည်ဖြစ်ပါကြောင်း၊ ဌာနများတွင်လည်း အိုင်စီတီ နည်းပညာများအသုံးပြု၍ လုပ်ငန်းဆောင်တာများ ဆောင်ရွက်ခြင်းကို တိုးမြှင့်ဆောင်ရွက်လျက်ရှိပါကြောင်း။

နိုင်ငံတော်အစိုးရအနေဖြင့်လည်း e-Government လုပ်ငန်းများ အကောင်အထည်ဖော်ရန် အားပေးဆောင်ရွက်လျက်ရှိသည့်အတွက် ဝန်ထမ်းများအနေဖြင့် အိုင်စီတီနည်းပညာများ လုံခြုံစိတ်ချ ထိရောက်စွာအသုံးပြုတတ်ကျွမ်းမှုရှိရန် လိုအပ်ပါကြောင်း၊ ပညာရေးဝန်ကြီးဌာနရှိ ဝန်ထမ်းများအနေ ဖြင့် တိုးတက်လျက်ရှိသည့် အိုင်စီတီနည်းပညာများကို မိမိတို့လုပ်ငန်းခွင်များတွင် ထိထိရောက်ရောက် အသုံးပြုပြီး လုပ်ငန်းစွမ်းဆောင်ရည်တိုးတက်သည်ထက် တိုးတက်လာစေရန် ကြိုးပမ်းဆောင်ရွက် ကြရမည်ဖြစ်ပါကြောင်း၊ မိမိတို့ဝန်ကြီးဌာနအနေဖြင့် EMIS စနစ်ကို အခြေခံပညာ၊ ကျောင်းပြင်ပ၊ နည်းပညာနှင့်သက်မွေး၊ တက္ကသိုလ်များနှင့် ဦးစီးဌာနများ၏သတင်းအချက်အလက်များ စနစ်တကျ ရှိစေရန် အသုံးပြုလျက်ရှိပါကြောင်း၊ ယခုကဲ့သို့ လူတိုင်းနီးပါး အင်တာနက်အသုံးပြုလာနိုင်ချိန်တွင် သတင်းအချက်အလက်များသည် အကန့်အသတ်မရှိ များပြားနေသည့်အတွက် အကောင်းအဆိုး၊ အမှားအမှန် ဝေဖန်ပိုင်းခြား နိုင်ရန် လိုအပ်ပါကြောင်း။

ယခုဖွင့်လှစ်သင်ကြားမည့် Mobile and Digital Literacy Training သင်တန်း၏ သင်ရိုးကို ကြည့်မည်ဆိုပါက ယနေ့ခတ်တွင် မဖြစ်မနေ သိသင့်သိထိုက်သည့် အကြောင်းအရာခေါင်းစဉ်များဖြစ် သည်ကို တွေ့ရှိရမည်ဖြစ်ပါကြောင်း၊ သင်တန်းသား သင်တန်းသူများအနေဖြင့် ယခုသင်တန်းမှ သင်ကြားပို့ချသည့် ပညာရပ်များကို သေချာစွာ လေ့လာကြိုးစားကြပြီး မိမိတို့ဌာနသို့ပြန်ရောက်ရှိချိန် တွင် သင်ယူလေ့လာခဲ့သည့် အသိပညာဗဟုသုတများကို ပြန်လည်ဝေမျှရန် တိုက်တွန်းပါကြောင်း ပြောကြားသည်။

ထို့နောက် The Asia Foundation မှ Special Project Unit Manager ဒေါ်မစ်ကီကျော်မြင့် က နှုတ်ခွန်းဆက်စကားပြောကြားသည်။

ဖေဖော်ဝါရီ (၅)ရက်မှ (၈)ရက်နေ့အထိ (၃)ရက်ကြာ ဖွင့်လှစ်သည့် Mobile and Digital Literacy Training သင်တန်းတွင် အိုင်စီတီနှင့် Cloud Computing မိတ်ဆက်၊ အင်တာနက် ဘေးကင်း လုံခြုံမှုနှင့် လူမှုကွန်ယက်၏ကျင့်ဝတ်၊ အီးမေးလ်ကို စနစ်တကျအသုံးပြုမှု၊ Productivity Tools များ အသုံးပြုနည်း၊ သတင်းအချက်အလက်များအား စနစ်တကျရှာဖွေမှု၊ သင်ခန်းစာအားလုံး ပေါင်းစပ်လေ့လာခြင်းနှင့် အဖွဲ့အလိုက် ပြန်လည်လေ့ကျင့်ခြင်းများကို ပို့ချသွားမည်ဖြစ်ရာ သင်တန်းသား သင်တန်း သူ(၃၈)ဦးတက်ရောက်ကြကြောင်း သတင်းရရှိသည်။

Pages