ဓနုဖြူစာသင်ကျောင်းဆောင်သစ်လွှဲပြောင်းပေးအပ်ပွဲအခမ်းအနားကျင်းပ

နေပြည်တော် ၂၀၁၉ အောက်တိုဘာ ၂၀

ညောင်ပင်ရွာကျေးရွာ အခြေခံပညာအထက်တန်းကျောင်း(ခွဲ)တွင် ဆောက်လုပ်လှူဒါန်းသည့် ဓနုဖြူ စာသင်ကျောင်းဆောင်သစ် လွှဲပြောင်းပေးအပ်ပွဲအခမ်းအနားကို ယနေ့နံနက် ၉ နာရီတွင် မကွေးတိုင်းဒေသကြီး ပခုက္ကူခရိုင် ပခုက္ကူမြို့နယ် ညောင်ပင်ရွာကျေးရွာအုပ်စု အခြေခံပညာအထက်တန်းကျောင်း(ခွဲ)၌ ကျင်းပသည်။
ရှေးဦးစွာ မကွေးတိုင်းဒေသကြီးအစိုးရအဖွဲ့ ၀န်ကြီးချုပ် ဒေါက်တာအောင်မိုးညို၊  သယံဇာတ၊ သဘာ၀ပတ်၀န်းကျင်၊ လျှပ်စစ်နှင့်စွမ်းအင်၀န်ကြီး ဦးမြင့်ဇော်၊ လူမှုရေး၀န်ကြီး ဒေါက်တာခင်မောင်အေး၊ လူ၀င်မှုကြီးကြပ်ရေးနှင့်လူ့စွမ်းအားအရင်း အမြစ်၀န်ကြီး ဦးမြင့်အောင်၊ ပြည်သူ့လွှတ်တော်ကိုယ်စားလှယ် ဦးပိုက်ကို၊ အမျိုးသား လွှတ်တော်ကိုယ်စားလှယ် ဦးမြမင်းဆွေ၊ အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေး၀င်းနှင့် အလှူရှင် ဦးကျော်စည်သူနှင့် ဒေါ်မြသီတာတို့က ကျောင်းဆောင်လွှဲပြောင်းခြင်းအခမ်းအနားအား  ဖဲကြိုးဖြတ်ဖွင့်လှစ်ပေးကြသည်။
ထို့နောက် ပညာရေး၀န်ကြီးဌာန ပြည်ထောင်စု၀န်ကြီးဒေါက်တာမျိုးသိမ်းကြီး၊ မကွေးတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာအောင်မိုးညိုနှင့် တာ၀န်ရှိသူများက ဓနုဖြူကျောင်းဆောင်သစ်ဆိုင်းဘုတ် အားစက်ခလုတ်နှိပ်ဖွင့်လှစ်ကြပြီး ကမ္ဗည်းမော်ကွန်းကျောက်စာအား နံ့သာရေပက်ဖျန်းကြသည်။
ယင်းနောက် မကွေးတိုင်းဒေသကြီးအစိုးရအဖွဲ့၀န်ကြီးချုပ် ဒေါက်တာအောင်မိုးညိုက အမှာစကားပြော ကြားသည်။
ထို့နောက် ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီးက အမှာစကားပြောကြား ရာတွင် အခက်အခဲရှိသောဒေသ၊ လိုအပ်ချက်များသောဒေသများကို ဖြည့်ဆည်းနိုင်ရေးအတွက် နှစ်စဉ်ဘဏ္ဍာ ငွေတိုးမြှင့်ခွင့်ပြုလျက်ရှိရာ ၂၀၁၁-၂၀၁၂ ဘဏ္ဍာရေးနှစ်အသုံးစရိတ်ထက် ၂၀၁၉-၂၀၂၀ ဘဏ္ဍာနှစ်တွင် ၁၀ ဆ ခန့်ပိုမိုသုံးစွဲလာပါကြောင်း၊ ကျောင်းနေအရွယ်ကလေးအားလုံးကျောင်းနေမှသာ ကျောင်းထွက်နှုန်းလျော့နည်းပြီး ကျောင်းထွက် သူလုံး၀မရှိတော့ပဲ မူလတန်းကျောင်းသား ကျောင်းသူအားလုံး မူလတန်းပညာသင်ယူပြီးမြောက်၍  အလယ်တန်း၊ အထက်တန်းတွင် ပညာဆက်လက်သင်ယူပြီးမြောက်ရေးသည် အရေးကြီးပါကြောင်း၊ မြန်မာ နိုင်ငံတွင် ၂၀၁၇ ခုနှစ် ထုတ်ပြန်သော Household Living Condition Survey-Poverty Report အရ ကျောင်းလုံး၀မနေသူများသည် လယ်ယာစိုက်ပျိုးရေးတွင်သာအများစုလုပ်ကိုင်ပြီး ၀င်ငွေအနည်းဆုံးဖြစ်၍ ဆင်းရဲမှုရာခိုင်နှုန်းအများဆုံးဖြစ်သည်ကို တွေ့ရှိရပါကြောင်း၊ မူလတန်းကျောင်းထွက်သူများသည်လည်း စိုက်ပျိုး ရေးတွင် တတိယအများဆုံးလုပ်ကိုင်ပြီး ၀င်ငွေ အနည်းဆုံးဖြစ်၍ ဆင်းရဲမှုရာခိုင်နှုန်း တတိယအများဆုံးဖြစ်သည်ကို တွေ့ရှိရပါကြောင်း၊ အလယ်တန်း၊ အထက် တန်းကျောင်းထွက်သူများသည် စိုက်ပျိုးရေးတွင် စတုတ္ထနှင့် ပဉ္စမ အများဆုံးလုပ်ကိုင်ပြီး ဆင်းရဲမှုရာခိုင်နှုန်း စတုတ္ထနှင့်ပဉ္စမဖြစ်သည်ကို တွေ့ရှိရပါကြောင်း၊ သက်မွေး သင်တန်း ပြီးသူများနှင့် တက္ကသိုလ်မှဘွဲ့ရရှိသူများကသာ ၀န်ဆောင်မှုကဏ္ဍများတွင် အများဆုံးအလုပ်ရရှိပြီး ဆင်းရဲမှု ရာခိုင်နှုန်းအနည်းဆုံးဖြစ်သည်ကို တွေ့ရှိရမည်ဖြစ်ပါကြောင်း၊ သို့ဖြစ်၍ ဆရာ ဆရာမများအနေဖြင့် ကျောင်းသား ကျောင်းသူများ၏အခက်အခဲများ၊ လိုအပ်ချက်များကို မေတ္တာ၊ ဂရုဏာအသိစိတ်ဖြင့် သင်ယူတတ်မြောက် မှုအရည်အသွေးကောင်းမွန်ရေးအတွက် ပူးပေါင်းကူညီဖြည့် ဆည်းပေးရန်အတွက် အလွန်အရေးကြီးပါကြောင်း။
မကွေးတိုင်းဒေသကြီးတွင် အခြေခံပညာသင်ယူခွင့်ပိုမိုတိုုးတက်ရရှိနိုင်ရေးအတွက် ကျောင်းအဆင့်တိုး မြှင့်ပေးခဲ့သည့်စာရင်းအရ ၂၀၁၇ -၂၀၁၈ပညာသင်နှစ်တွင် ကျောင်း(၁၀၁၂)ကျောင်း၊ ၂၀၁၈-၂၀၁၉ ပညာသင်နှစ်တွင် (၁၀၅၄)ကျောင်း၊ ၂၀၁၉-၂၀၂၀ ပညာသင်နှစ်တွင် (၉၃၃)ကျောင်းဖြစ်၍ အခြေခံပညာ မူလတန်း၊ အလယ်တန်း၊ အထက်တန်းကျောင်း စုစုပေါင်း(၄၃၉၂)ကျောင်းရှိလာပြီး မူလတန်းကျောင်းသား (၃၆၄၇၇၆)ဦး၊ အလယ်တန်း ကျောင်းသား(၂၇၈၅၇၄)ဦး၊ အထက်တန်းကျောင်းသား(၁၁၂၁၃၃)ဦး၊ စုစုပေါင်း ကျောင်းသား(၇၅၅၄၈၃)ဦး ဖြစ်လာ၍ မူလတန်းနှင့် အလယ်တန်းတွင် ကျောင်းတက်နှုန်းအလွန်မြင့်မားလာ သည်မှာ ဂုဏ်ယူ၀မ်းမြောက် မှတ်တမ်းတင်ပါကြောင်း၊ သို့သော် မူလတန်းကျောင်းသား ကျောင်းသူအားလုံး စာဖတ်တတ်ရန်၊ ရေးတတ်ရန်နှင့်အခြေခံသင်္ချာတွက်တတ်ရန် အလွန်အရေးကြီးပါကြောင်း၊ မိဘ၊ အုပ်ထိန်းသူ၊ ပြည်သူများ၏ပူးပေါင်းဆောင်ရွက်မှုဖြင့်သာ အောင်မြင်စွာဆောင်ရွက်နိုင်မည်ဖြစ်သဖြင့် အထူးအလေးထား ကူညီပေးပါရန် မေတ္တာရပ်ခံအပ်ပါကြောင်း။
ပညာရေး၀န်ကြီးဌာနအနေဖြင့်လည်း မကွေးတိုင်းဒေသကြီးတွင် လိုအပ်လျက်ရှိသော မူလတန်းပြ (၅၄၉၃)ဦး၊ အလယ်တန်းပြ(၂၅၅၂)ဦး၊ အထက်တန်းပြ(၂၈၄၂)ဦးတို့ကို လျာထားနှစ်အလိုက် သတ်မှတ်အရည် အချင်းပြည့်မီသူများကို စိစစ်ရွေးချယ်သင်တန်းပေး၍ ဒေသခံများပိုမိုခန့်ထားရေးအတွက် ခွင့်ပြုချက်ရရှိရေး စီစဉ်ဆောင်ရွက်လျက်ရှိပါကြောင်း၊ ၆၀’ × ၃၀’ ကျောင်းဆောင် စုစုပေါင်း (၆၁၇၆)ဆောင်၊ စာရေးခုံနှင့် ထိုင်ခုံ (၅၈၆၈၉)၊ သန့်စင်ခန်း(၁၄၃၂၁)တို့ကို ဖြည့်ဆည်းပေးရန်လိုအပ်ချက်ရှိပါကြောင်း၊ သောက်ရေလုံလောက်မှုမရှိ သဖြင့် လိုအပ်နေသော ကျောင်း(၆၇၇)ကျောင်းရှိပါကြောင်း၊ ပညာရေး၀န်ကြီးဌာနက မကွေးတိုင်းဒေသကြီးတွင် ငွေလုံးငွေရင်း(တည်ဆောက်ရေး)ခွင့်ပြုရန်ပုံငွေဖြင့် ၂၀၁၆-၂၀၁၇ တွင် ကျပ်သန်း(၁၀၉၆၉ ဒသမ ၇၅၈)ဖြင့် ကျောင်းဆောင်(၃၁၂)၊ ၂၀၁၇-၂၀၁၈ တွင် ကျပ်သန်း(၁၀၇၇၆ ဒသမ ၂)ဖြင့် ကျောင်းဆောင် (၂၅၆)၊ ၂၀၁၈-၂၀၁၉တွင် ကျပ်သန်း(၁၇၇၅၆ ဒသမ ၅၆)ဖြင့် ကျောင်းဆောင်(၄၅၇)၊ ၂၀၁၉-၂၀၂၀ တွင် ကျပ်သန်း(၁၇၇၉၈ ဒသမ ၀)ဖြင့် ကျောင်းဆောင် (၂၆၈)ဆောင် စုစုပေါင်း ကျောင်းဆောင် (၁၂၉၃)ဆောင်ကို ဖြည့်ဆည်းပေးရန် စီစဉ်ဆောင်ရွက်နိုင်ခဲ့ပါကြောင်း။
မကွေးတိုင်းဒေသကြီးတွင် ၂၀၁၉-၂၀၂၀ ဘဏ္ဍာရေးနှစ်တွင် စက်ပစ္စည်း၊ ပရိဘောဂခွင့်ပြုရန်ပုံငွေ ကျပ်သန်း (၅၁၀၀ ဒသမ ၈၂၈)ဖြင့် ကွန်ပျူတာ(၁၄၆၈)၊ စာရေးခုံ(အမြင့်)(၁၅၀၆၈)၊ စာရေးခုံ(အနိမ့်)(၂၅၁၅၁) စသည်တို့ကိုလည်းကောင်း၊ ပြင်ဆင်ထိန်းသိမ်းစရိတ် ခွင့်ပြုရန်ပုံငွေကျပ်သန်း(၁၀၈၅၈)ဖြင့်လည်း အဆောက် အဦများပြင်ဆင်ခြင်း၊ အပြီးသတ်ခြင်းလုပ်ငန်း(၅၇၅)ခု၊ လမ်းများဆောင်ရွက်ခြင်း(၁၂၁)ခု၊ ခြံစည်းရိုး၊ သန့်စင်ခန်း၊ ရေစနစ်များ ဆောင်ရွက်ခြင်းလုပ်ငန်း(၂၆၁၈)ခုတို့ကိုလည်း ဖြည့်ဆည်းပေးရန် စီစဉ်ဆောင်ရွက်လျက်ရှိပါကြောင်း၊ အခြားတိုင်းဒေသကြီး၊ ပြည်နယ်များအတွက်လည်း ယခုကဲ့သို့ပင် စီစဉ်ဆောင်ရွက်လျက်ရှိပါကြောင်း၊ နှစ်စဉ် ပညာရေး၀န်ကြီးဌာနက သက်ဆိုင်ရာ တိုင်းဒေသကြီး၊ ပြည်နယ်အစိုးရအဖွဲ့များသို့ ငွေလုံးငွေရင်းခွင့်ပြုရန်ပုံငွေနှင့် သက်ဆိုင်သော တည်ဆောက်ရေး၊ ပြင်ဆင်ထိန်းသိမ်းရေး၊ စက်ပစ္စည်းပရိဘောဂများအားလုံးအတွက် လုပ်ငန်း အပ်နှံဆောင်ရွက်လျက်ရှိသဖြင့် ပူးပေါင်းဆောင်ရွက်သော တိုင်းဒေသကြီး ပြည်နယ်အစိုးရအဖွဲ့များ၊ လွှတ်တော် ကိုယ်စားလှယ်များ၊ မိဘ ဆရာ၊ ကျောင်းသားများ၊ ပြည်သူများအားလုံးကို လုပ်ငန်းများအချိန်မီ အရည်အသွေး ပြည့်မီစွာဖြင့် အကျိုးရှိထိရောက်ပွင့်လင်းမြင်သာရေး ပူးပေါင်းကူညီပေးခဲ့ကြသည့်အတွက် အထူးကျေးဇူးတင်ရှိပါ ကြောင်းနှင့် မှတ်တမ်းတင်ပါကြောင်း။
အထူးသဖြင့် မကွေးတိုင်းဒေသကြီးတွင် လိုအပ်နေသော ကျောင်းဆောင်များကို ၂၀၁၇-၂၀၁၈ တွင် ကျပ်သန်း(၁၉၂၁ ဒသမ ၇၄၇)ဖြင့် (၂၅)ဆောင်၊ ၂၀၁၈-၂၀၁၉ တွင် ကျပ်သန်း (၂၄၂၁ ဒသမ ၇၃၉)ဖြင့် (၂၁) ဆောင်၊ ၂၀၁၉-၂၀၂၀ တွင် ကျပ်သန်း(၅၁၆၀ ဒသမ ၅၄၅)ဖြင့် (၁၀)ဆောင်တို့ကို ဆောက်လုပ်လှူဒါန်းခဲ့ကြသော ပြည်တွင်းပြည်ပအလှူရှင်များကို အထူးကျေးဇူးတင်ရှိပြီး ဂုဏ်ယူ၀မ်းမြောက်မိပါကြောင်း၊ ယခုကျောင်းဆောင်ကြီးမှ ဒေသဖွံ့ဖြိုးရေးကို တာ၀န်ယူတာ၀န်ခံပူးပေါင်းဆောင်ရွက်တတ်ပြီး ဆန်းသစ်တီထွင်ဖန်တီးနိုင်စွမ်းရှိသော လူသားကောင်းများပြုစုပျိုးထောင်သင်ကြားသင်ယူလေ့ကျင့်ပေးနိုင်ပါစေကြောင်း ပြောကြားသည်။
ထို့နောက် မကွေးတိုင်းဒေသကြီးအစိုးရအဖွဲ့ လူမှုရေး၀န်ကြီး ဒေါက်တာခင်မောင်အေးက အမှာစကား ပြောကြားပြီး အလှူရှင် ဦးကျော်စည်သူက ဓနုဖြူစာသင်ကျောင်းဆောင် လှူဒါန်းရခြင်းနှင့် ၀မ်းမြောက်စကားပြော ကြားသည်။
ယင်းနောက် ပြည်ထောင်စု၀န်ကြီး ဒေါက်တာမျိုးသိမ်းကြီးက ဓနုဖြူစာသင်ကျောင်းဆောင်အလှူရှင် ဦးကျော်စည်သူနှင့်မိသားစုက အမှတ်တရပေးအပ်သည့် ဓနုဖြူစာသင်ကျောင်းဆောင်၏ဓာတ်ပုံအား လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်သည်။
ထို့နောက် ညောင်ပင်ရွာ မိဘများ၏ကိုယ်စား မိဘဆရာအသင်း နာယက ဦးညီညီက ကျေးဇူးတင်စကား ပြောကြားပြီး စာသင်ကျောင်းဆောင်အလှူရှင် မိသားစုက စာသင်ကျောင်းဆောင်နှင့် သက်ဆိုင်သော စာရွက် စာတမ်းများအား ပညာရေး ၀န်ကြီးဌာနသို့ လွှဲပြောင်းပေးအပ်သည်။
ယင်းနောက် ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီးက အလှူရှင်များက ပေးအပ်လှူဒါန်းသည့် ကျောင်းသုံးစာအုပ်များအား အလှူရှင်များကိုယ်စား ပေးအပ်လှူဒါန်းခဲ့ကြောင်း သတင်းရရှိ သည်။
ယနေ့လှူဒါန်းသည့် ဓနုဖြူစာသင်ကျောင်းဆောင်သစ်ကို အလှူရှင် ဦးကျော်စည်သူနှင့် ဒေါ်မြသီတာ မိသားစုမှ (၁၀၀ × ၃၀)ပေ RC (၂)ထပ် ဓနုဖြူစာသင်ကျောင်းဆောင်သစ်နှင့် စာရေးစားပွဲများ၊ စာသင်ခုံများကို တန်ဖိုးကျပ်သိန်း(၁၅၀၀) ခန့်အကုန်အကျခံ၍ ဆောက်လုပ်လှူဒါန်းခဲ့ကြောင်း သတင်းရရှိသည်။

H.E. Mr. Thomas KarL Neisinger အဖွဲ့နှင့် တွေ့ဆုံ

နေပြည်တော် ၂၀၁၉ အောက်တိုဘာ  ၂၃

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် ၂၃-၁၀-၂၀၁၉ ရက် နံနက်  ၁၀ နာရီတွင် မြန်မာနိုင်ငံဆိုင်ရာ ဂျာမနီနိုင်ငံ သံအမတ်ကြီး H.E. Mr. Thomas KarL Neisinger အား ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

H.E. Mr. Joao Freitas de Camara အဖွဲ့နှင့် တွေ့ဆုံ

နေပြည်တော် ၂၀၁၉ အောက်တိုဘာ ၂၃

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် တာဝန်ရှိသူများသည် ၂၃-၁၀-၂၀၁၉ ရက် နံနက် ၁၁ နာရီခွဲတွင် မြန်မာနိုင်ငံဆိုင်ရာ တီမောလက်စတေနိုင်ငံ သံအမတ်ကြီး H.E. Mr. Joao Freitas de Camara အား ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။

360 Degree EduTech Company Limited(360) အဖွဲ့နှင့် တွေ့ဆုံ

နေပြည်တော် ၂၀၁၉ အောက်တိုဘာ ၂၂

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့်အဖွဲ့သည် ၂၂-၁၀-၂၀၁၉ ရက်နေ့ ၁၃ ၀၀ နာရီတွင် 360 Degree EduTech Company Limited(360) အဖွဲ့နှင့် တွေ့ဆုံသည်။

Parami Institute and US Embassy အဖွဲ့နှင့် တွေ့ဆုံ

နေပြည်တော် ၂၀၁၉ စက်တင်ဘာ ၉

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့်အဖွဲ့သည် ၂၀-၉-၂၀၁၉ ရက်နေ့ ၁၃ ၃၀ နာရီတွင် Parami Institute and US Embassy အဖွဲ့နှင့် တွေ့ဆုံသည်။

The Asia Foundation အဖွဲ့အား လက်ခံတွေ့ဆုံ

နေပြည်တော် ၂၀၁၉ အောက်တိုဘာ ၉

ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးနှင့်အဖွဲ့သည် ၉-၁၀-၂၀၁၉ ရက်နေ့ နံနက် ၁၁ ၀၀ နာရီတွင် The Asia Foundation အဖွဲ့အား တွေ့ဆုံသည်။

ရွှေတိဂုံစေတီတော်မြတ်ကြီးအား ရွှေသင်္ကန်းကပ်လှူခြင်းဆိုင်ရာ နည်းပညာအလုပ်ရုံဆွေးနွေးပွဲ ပထမနေ့ ကျင်းပ

ရန်ကုန်၊ အောက်တိုဘာလ ၁၉ ၂၀၁၉

ပြည်ထောင်စုသမ္မတမြန်မာနိုင်ငံတော်၊ ရန်ကုန်တိုင်းဒေသကြီး၊ ဗဟန်းမြို့နယ်၊ သိင်္ဂုတ္တရကုန်းတော် ထက်တွင် မြတ်စွာဘုရားရှင် သက်တော်ထင်ရှားရှိစဉ်ကာလမှ ယနေ့အချိန်တိုင်အောင် ရွှေတောင်ထွတ်ကြီးပမာ ကြည်ညိုဖွယ်ရာ ခမ်းနားသပ္ပာယ်စွာ တည်ဆောက်ပူဇော်ထားသည့် ရွှေတိဂုံစေတီတော် မြတ်ကြီးအား နှစ်ပရိစ္ဆေဒကြာမြင့်စွာ အရှည်တည်တံ့ခိုင်မြဲစေရန်အတွက် သာသနာရေးနှင့်ယဉ်ကျေးမှု ဝန်ကြီးဌာနကဦးစီးပြီး ပညာရေးဝန်ကြီးဌာန၊ စက်မှုဝန်ကြီးဌာနတို့ ပူးပေါင်း၍ "ရွှေတိဂုံစေတီတော်မြတ်ကြီး ကြည်ညိုသပ္ပါယ်စွာဖူးတွေ့နိုင်ရေးရွှေသင်္ကန်း ကပ်လှူခြင်းဆိုင်ရာ နည်းပညာများ ဖလှယ်နိုင်စေရန်၊ ပြည်တွင်းပြည်ပမှ ရွှေသင်္ကန်းကပ်လှူခြင်းနှင့် ဆက်နွယ်သည့် သိပ္ပံနှင့်နည်းပညာရပ်များတွင် ဘာသာရပ် အလိုက် ကျွမ်းကျင်သူပညာရှင်များ၏ စာတမ်းဖတ်ကြားမှုများ ဟောပြောဆွေးနွေးပို့ချမှုများကို ကြားနာခွင့်ရရှိစေရန်၊ ရွှေတိဂုံစေတီတော်မြတ်ကြီးကို ရေရှည်တည်တံ့ခိုင်မြဲရေးအတွက် အထောက်အကူ ဖြစ်စေသော နည်းပညာများရရှိစေရန်" ရည်ရွယ်ချက်များဖြင့် ရွှေတိဂုံစေတီတော် ရွှေသင်္ကန်းတော် ကပ်လှူပူဇော်ခြင်းဆိုင်ရာ နည်းပညာအလုပ်ရုံဆွေးနွေးပွဲ ပထမနေ့ကို ယနေ့နံနက် ၉ နာရီတွင် ရန်ကုန်တက္ကသိုလ် ဝိဇ္ဇာခန်းမတွင် ကျင်းပပြုလုပ်သည်။

အခမ်းအနားကို ၀၉ ၀၀ အချိန်တွင် မြန်မာ့ရိုးရာယဉ်ကျေးမှု အကအလှများဖြင့် စတင်ဖွင့် လှစ်ပြီး ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးက အဖွင့်အမှာစကား ပြောကြားရာတွင် "လေးဆူဓာတ်ပုံ ရွှေတိဂုံစေတီတော်မြတ်ကြီးသည် မြတ်စွာဘုရားရှင်လက်ထက် မဟာသက္ကရာဇ် ၁၀၃ ခုနှစ်၊ တပေါင်းလပြည့်နေ့မှာ စတင်တည်ထားကိုးကွယ်ခဲ့ခြင်းဖြစ်သည့် အတွက် သက်တမ်းအားဖြင့် ၂၆၀၈ နှစ် သက်တမ်းရှိနေပြီဖြစ်ကြောင်း၊ သက်တမ်းကာလကြာမြင့်သည်နှင့် အမျှမြန်မာမှာသာမကကမ္ဘာအထိပါအံ့ဖွယ်အဖြစ် ထင်ရှားကျော်ကြားလှတဲ့ သမိုင်းဝင်စေတီတော်ကြီး တစ်ဆူ ဖြစ်ကြောင်း၊ ရွှေတိဂုံစေတီတော်မြတ်ကြီအား ၁၈၉၉ ခုနှစ်မှ စတင်ပြီးရွှေသင်္ကန်းတော် ကပ်လှူပူဇော်ခဲ့ကြောင်း၊ ၁၉၈၀-၁၉၈၁ ခုနှစ်မှစတင်၍ ရွှေသင်္ကန်းတော်များရဲ့ တည်မြဲမှုကာလ အပေါ်မူတည်ပြီး ရွှေတိဂုံစေတီတော်မြတ်ကြီးအား ၅ နှစ်တစ်ကြိမ် ရွှေစင်ရွှေပြားနဲ့မျက်ပါးရွှေများ ကပ်လှူပူဇော်ခဲ့ပါကြောင်း ရွှေစင်ရွှေသားများ အလဟဿဆုံးရှုံးမှုများမဖြစ်ပေါ်စေရန်နှင့် ရွှေသင်္ကန်းတော် အလှူရှင်များ၏လှူဒါန်းမှုကုသိုလ်အကျိုးတရားပိုမိုပွားများနိုင်ရန်၊အလှူရှင်များလှူဒါန်းထားသောရွှေစင်ရွှေပြားများအရည်အသွေးမြင့်မားပြီးသက်တမ်းရှည်ကြာတည်တံ့စေရန် ရည်မှန်းချက်တို့ဖြင့် ရွှေစင်ပြား (Gold Plate)၊ရွှေလွှာတင် (Gold Coating)၊ရွှေမျက်ပါး(Gold Foil) တို့၏နည်းစဉ်များ၊ ၎င်းတို့ကိုကပ်သည့်ကော်နှင့်ပတ်သက်၍ သုတေသနပြုလုပ်နိုင်ရန်အတွက် သာသနာရေးနှင့်ယဉ်ကျေးမှု ဝန်ကြီးဌာနနဲ့ ပညာရေးဝန်ကြီးဌာနတို့ ပူးပေါင်းပြီး “ရွှေသင်္ကန်းတော် ကပ်လှူခြင်းဆိုင်ရာ နည်းပညာ အလုပ်ရုံဆွေးနွေးပွဲ” ကျင်းပနိုင်ရေးစီစဉ်ဆောင်ရွက်ခဲ့ရခြင်း ဖြစ်ပါကြောင်း။ ရွှေသင်္ကန်းတော်ကပ်လှူခြင်း ဆိုင်ရာ နည်းပညာ အလုပ်ရုံ ဆွေးနွေးပွဲကိုတက်ရောက်လာကြတဲ့ ပြည်တွင်းပြည်ပပညာရှင်များ၊ စာတမ်းရှင်များနှင့် သက်ဆိုင်ရာနယ်ပယ် အလိုက်လက်တွေ့ ဆောင်ရွက်လျက်ရှိကြတဲ့ လုပ်ငန်းရှင်များအနေနဲ့ ရွှေသင်္ကန်းတော် ကပ်လှူခြင်းဆိုင်ရာ နည်းပညာရပ်များကို ဝိုင်းဝန်းဆွေးနွေးအကြံပြုပေးကြရန်၊ ဆွေးနွေးကြတဲ့နေရာမှာလည်း အဖွဲ့အစည်းတစ်ခုနှင့်တစ်ခုအကြား အပြန်အလှန်လေးစားမှုနှင့်တကွ ပြည်ထောင်စုသမ္မတမြန်မာနိုင်ငံတော် အကျိုးတို့ကိုရည်မှန်းပြီး မိမိတို့တတ်မြောက်ထားသည့် ပညာရပ်များဖြင့် ဆွေးနွေးအဖြေရှာကြလျက် ရလဒ်ကောင်းများထွက်ပေါ်လာရေး ဦးတည်ကြိုးပမ်းဆွေးနွေးပေးကြရန် လိုအပ်ကြောင်း အဖွင့်အမှာ စကားပြောကြားပါသည်။

ထို့နောက် အခမ်းအနားတွင် ရွှေတိဂုံစေတီတော်ဂေါပကအဖွဲ့ဝင် ဦးအေးထွန်းက "ရွှေတိဂုံစေတီတော် မြတ်ကြီးအား ရွှေစင်ရွှေပြား ကပ်လှူပူဇော်မှုအခြေအနေ"ခေါင်းစဉ်ဖြင့်လည်းကောင်း၊ Belgium နိုင်ငံမှ Professor Herman TERRYN က "Making Use of advanced analytical tools to understand degradation of metals in cultural heritage "ခေါင်းစဉ်ဖြင့်ဆွေးနွေးပြီးနောက် အမှတ်တရ မှတ်တမ်းတင်ဓာတ်ပုံရိုက်ကူးကြပါသည်။ ဆက်လက်ပြီး ပြည်တွင်းပြည်ပပညာရှင်များက ရွှေတိဂုံစေတီတော် ရွှေသင်္ကန်းကပ်လှူခြင်းဆိုင်ရာ နည်းပညာရပ်များကို Power Point များဖြင့် ရှင်းလင်းတင်ပြဆွေးနွေးကြကာ အခမ်းအနားပထမနေ့ကို ရုပ်သိမ်းခဲ့ပါသည်။
အဆိုပါ ရွှေတိဂုံစေတီတော် ရွှေသင်္ကန်းတော် ကပ်လှူပူဇော်ခြင်းဆိုင်ရာ နည်းပညာအလုပ်ရုံ ဆွေးနွေးပွဲ ပထမနေ့သို့ ပညာရေးဝန်ကြီးဌာန၊ ပြည်ထောင်စုဝန်ကြီး၊ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်၊ သာသနာရေးနှင့် ယဉ်ကျေးမှုဝန်ကြီးဌာန၊ ဒုတိယဝန်ကြီး၊ ဖိတ်ကြားထားသော ဧည့်သည် တော်များနှင့် ပညာရှင်များ၊ တာဝန်ရှိသူများ တက်ရောက်ခဲ့ကြကြောင်း သတင်းရရှိသည်။

တက္ကသိုလ်၊ ဒီဂရီကောလိပ်၊ ကောလိပ်များ၏လုပ်ငန်းညှိနှိုင်းဆွေးနွေးပွဲကျင်းပ

နေပြည်တော် ၂၀၁၉ အောက်တိုဘာ ၁၈

တက္ကသိုလ်၊ ဒီဂရီကောလိပ်၊ ကောလိပ်များ၏လုပ်ငန်းညှိနှိုင်းဆွေးနွေးပွဲကျင်းပကို ယနေ့နံနက် ၈ နာရီတွင် နေပြည်တော်၊ ပညာရေး၀န်ကြီးဌာန၊ ရုံးအမှတ်(၁၃)၌ ကျင်းပရာ ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာ မျိုးသိမ်းကြီး၊ ဒုတိယ၀န် ကြီးဦး၀င်းမော်ထွန်း၊ ပါမောက္ခ ဒေါက်တာအောင်ထွန်းသက်၊ ဦးစီးဌာနများမှ ညွှန်ကြားရေးမှူးချုပ် များ၊ တက္ကသိုလ်၊ ဒီဂရီကောလိပ်၊ ကောလိပ်များမှ ပါမောက္ခချုပ်များ၊ ကျောင်းအုပ်ကြီးများ၊ ဒုတိယညွှန်ကြားရေမှူးချုပ်၊ ဒုတိယကျောင်း အုပ်ကြီးများ၊ ပါမောက္ခများ(ဌာနမှူး)များ၊ ပါမောက္ခများ၊ ဌာနမှူး(စီမံ/ဘဏ္ဍာ)များ၊ ဌာနမှူး(သင်တန်းရေးရာ)များနှင့် ဆရာဆရာမများ၊ သက်ဆိုင်ရာတာ၀န်ရှိသူများ တက်ရောက်ကြသည်။ ရှေးဦးစွာ ပြည်ထောင်စု၀န်ကြီးက နိုင်ငံတော်အစိုးရအနေဖြင့် ပညာရေးဖွံ့ဖြိုး တိုးတက်ရေးအတွက် နှစ်စဉ် ဘဏ္ဍာငွေ အသုံးစရိတ်များကို တိုးမြှင့်ဆောင်ရွက်ပေးလျက်ရှိပြီး နှစ်အလိုက် အဆင့်ဆင့်တိုးမြှင့်ဆောင်ရွက်ပေးနေ ပါကြောင်း၊ သက်ဆိုင်ရာမိမိတို့ တက္ကသိုလ်၊ ဒီဂရီကောလိပ်၊ ကောလိပ်များ ဖွံ့ဖြိုး တိုးတက်ရေးအတွက် ဘဏ္ဍာငွေကြေးများသုံးစွဲ ဆောင်ရွက်ရာတွင် ဘဏ္ဍာရေးစည်း မျဉ်းစည်းကမ်း၊ တင်ဒါလုပ်ထုံးလုပ်နည်း၊ စာရင်းစစ်လုပ်ထုံး လုပ်နည်းမူဘောင် များနှင့်အညီ စနစ်တကျ အကျိုးရှိထိရောက်အောင် သက်ဆိုင်ရာတိုင်းဒေသကြီး၊ ပြည်နယ်အစိုးရအဖွဲ့ များ၏ စီမံကြီးကြပ်မှုဖြင့် သုံးစွဲဆောင်ရွက်ကြရမည်ဖြစ်ပါကြောင်း၊ လုပ်ငန်းစဉ်များအတွက် အစည်းအဝေးများကျင်းပ ဆောင်ရွက်ရာတွင် စနစ်တကျမှတ်တမ်းမှတ်ရာများဖြင့် အလေးအနက်ထားရှိရန်လိုအပ်ပါကြောင်း၊ နိုင်ငံခြားပညာသင်ဆု များကိုလည်း တစ်နှစ်ထက်တစ်နှစ်ပိုမို စေလွတ်ပေးနိုင်ခဲ့ပါကြောင်း၊ နိုင်ငံခြားပညာသင်ဆုလျှောက်ထားလိုသော ဆရာ ဆရာမများအနေဖြင့် လုပ်ထုံးလုပ်နည်း စည်းမျဉ်းစဉ်းကမ်းနှင့်အညီ လျှောက်ထားနိုင်ပါကြောင်း၊ အသုံးချသုတေသနလုပ်ငန်း များဆောင်ရွက်ခြင်းကို အားပေးလျက်ရှိပါကြောင်း၊ သုတေသနလုပ်ငန်းများအတွက် ပူးပေါင်းဆောင်ရွက်ရာ တွင်လည်း မိမိတို့ဆောင်ရွက်မည့် သက်ဆိုင်ရာနယ်မြေရှိ တိုင်းဒေသကြီး ပြည်နယ်အစိုးရအဖွဲ့များ ထံတင်ပြ၍ ဆောင်ရွက်စေလိုပါကြောင်း၊ ပူးပေါင်းကူညီဆောင်ရွက် နိုင်ရေးအတွက် အပြုသဘောဆောင်သော အတွေးအခေါ်၊ ပြုမူဆောင်ရွက်ချက်များဖြင့်အောင်မြင်အောင် ဆောင်ရွက်သွားကြရန်လိုပါကြောင်း စသည်ဖြင့် ပြောကြားသည်။ ထို့နောက် ဆရာကြီး ပါမောက္ခ ဒေါက်တာအောင်ထွန်းသက်က PROFESSI ONALISM  IN  MINISTRY OF EDUCATION & ESD  ခေါင်းစဉ်ဖြင့်လည်းကောင်း၊ မြန်မာနိုင်ငံဝိဇ္ဇာနှင့်သိပ္ပံပညာရှင်အသင်း အလုပ်အမှုဆောင်အဖွဲ့၀င် ဒေါက်တာဇော်ဌေးက ဘဏ္ဍာရေး စီမံခန့်ခွဲမှု၊ တိုင်းတာမှုစံ၊ အဓိကတာ၀န်ရှိသူများ တွေ့ကြုံနိုင်သော အဟန့်အတားနှင့် ဆောင်ရန်၊ ရှောင်ရန် ခေါင်းစဉ်ဖြင့်လည်းကောင်း၊ နည်းပညာ၊သက်မွေးပညာနှင့်လေ့ကျင့်ရေးဦးစီးဌာန ညွှန်ကြားရေးမှူးချုပ် ဒေါက်တာအေးမြင့်က အဂတိလိုက်စားမှု တားဆီးကာကွယ်ရေး ဆောင်ရွက်မှုအစီအစဉ်များ ခေါင်းစဉ်ဖြင့် လည်းကောင်း၊ အဆင့်မြင့်ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းသန်း၀င်းက သင်တန်းရေးရာ၊ ပညာသင်ထောက်ပံ့ကြေးနှင့်တက္ကသိုလ်၀င်ခွင့် ခေါင်းစဉ်ဖြင့်လည်းကောင်း၊ အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာ သိန်း၀င်းက တက္ကသိုလ်များ၏စီမံခန့်ခွဲမှုဆိုင်ရာကိစ္စရပ်များ ခေါင်းစဉ်ဖြင့်လည်းကောင်း ဆွေးနွေးကြသည်။ ယင်းနောက် တက်ရောက်လာသူများက သိရှိလိုသည်များကို မေးမြန်းရာ ဆရာကြီးပါမောက္ခ ဒေါက်တာအောင်ထွန်းသက်နှင့် သက်ဆိုင်ရာ ဆရာကြီး၊ဆရာမကြီးများက  ပြန်လည်ဆွေးနွေးဖြေကြားကြကြောင်း သတင်းရရှိသည်။

ဓနုဖြူစာသင်ကျောင်းဆောင်သစ်လွှဲပြောင်းပေးအပ်ပွဲအခမ်းအနားကျင်းပ

နေပြည်တော် ၂၀၁၉ အောက်တိုဘာ ၂၀

ညောင်ပင်ရွာကျေးရွာ အခြေခံပညာအထက်တန်းကျောင်း(ခွဲ)တွင် ဆောက်လုပ်လှူဒါန်းသည့် ဓနုဖြူ စာသင်ကျောင်းဆောင်သစ် လွှဲပြောင်းပေးအပ်ပွဲအခမ်းအနားကို ယနေ့နံနက် ၉ နာရီတွင် မကွေးတိုင်းဒေသကြီး ပခုက္ကူခရိုင် ပခုက္ကူမြို့နယ် ညောင်ပင်ရွာကျေးရွာအုပ်စု အခြေခံပညာအထက်တန်းကျောင်း(ခွဲ)၌ ကျင်းပသည်။
ရှေးဦးစွာ မကွေးတိုင်းဒေသကြီးအစိုးရအဖွဲ့ ၀န်ကြီးချုပ် ဒေါက်တာအောင်မိုးညို၊  သယံဇာတ၊ သဘာ၀ပတ်၀န်းကျင်၊ လျှပ်စစ်နှင့်စွမ်းအင်၀န်ကြီး ဦးမြင့်ဇော်၊ လူမှုရေး၀န်ကြီး ဒေါက်တာခင်မောင်အေး၊ လူ၀င်မှုကြီးကြပ်ရေးနှင့်လူ့စွမ်းအားအရင်း အမြစ်၀န်ကြီး ဦးမြင့်အောင်၊ ပြည်သူ့လွှတ်တော်ကိုယ်စားလှယ် ဦးပိုက်ကို၊ အမျိုးသား လွှတ်တော်ကိုယ်စားလှယ် ဦးမြမင်းဆွေ၊ အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေး၀င်းနှင့် အလှူရှင် ဦးကျော်စည်သူနှင့် ဒေါ်မြသီတာတို့က ကျောင်းဆောင်လွှဲပြောင်းခြင်းအခမ်းအနားအား  ဖဲကြိုးဖြတ်ဖွင့်လှစ်ပေးကြသည်။
ထို့နောက် ပညာရေး၀န်ကြီးဌာန ပြည်ထောင်စု၀န်ကြီးဒေါက်တာမျိုးသိမ်းကြီး၊ မကွေးတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာအောင်မိုးညိုနှင့် တာ၀န်ရှိသူများက ဓနုဖြူကျောင်းဆောင်သစ်ဆိုင်းဘုတ် အားစက်ခလုတ်နှိပ်ဖွင့်လှစ်ကြပြီး ကမ္ဗည်းမော်ကွန်းကျောက်စာအား နံ့သာရေပက်ဖျန်းကြသည်။
ယင်းနောက် မကွေးတိုင်းဒေသကြီးအစိုးရအဖွဲ့၀န်ကြီးချုပ် ဒေါက်တာအောင်မိုးညိုက အမှာစကားပြော ကြားသည်။
ထို့နောက် ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီးက အမှာစကားပြောကြား ရာတွင် အခက်အခဲရှိသောဒေသ၊ လိုအပ်ချက်များသောဒေသများကို ဖြည့်ဆည်းနိုင်ရေးအတွက် နှစ်စဉ်ဘဏ္ဍာ ငွေတိုးမြှင့်ခွင့်ပြုလျက်ရှိရာ ၂၀၁၁-၂၀၁၂ ဘဏ္ဍာရေးနှစ်အသုံးစရိတ်ထက် ၂၀၁၉-၂၀၂၀ ဘဏ္ဍာနှစ်တွင် ၁၀ ဆ ခန့်ပိုမိုသုံးစွဲလာပါကြောင်း၊ ကျောင်းနေအရွယ်ကလေးအားလုံးကျောင်းနေမှသာ ကျောင်းထွက်နှုန်းလျော့နည်းပြီး ကျောင်းထွက် သူလုံး၀မရှိတော့ပဲ မူလတန်းကျောင်းသား ကျောင်းသူအားလုံး မူလတန်းပညာသင်ယူပြီးမြောက်၍  အလယ်တန်း၊ အထက်တန်းတွင် ပညာဆက်လက်သင်ယူပြီးမြောက်ရေးသည် အရေးကြီးပါကြောင်း၊ မြန်မာ နိုင်ငံတွင် ၂၀၁၇ ခုနှစ် ထုတ်ပြန်သော Household Living Condition Survey-Poverty Report အရ ကျောင်းလုံး၀မနေသူများသည် လယ်ယာစိုက်ပျိုးရေးတွင်သာအများစုလုပ်ကိုင်ပြီး ၀င်ငွေအနည်းဆုံးဖြစ်၍ ဆင်းရဲမှုရာခိုင်နှုန်းအများဆုံးဖြစ်သည်ကို တွေ့ရှိရပါကြောင်း၊ မူလတန်းကျောင်းထွက်သူများသည်လည်း စိုက်ပျိုး ရေးတွင် တတိယအများဆုံးလုပ်ကိုင်ပြီး ၀င်ငွေ အနည်းဆုံးဖြစ်၍ ဆင်းရဲမှုရာခိုင်နှုန်း တတိယအများဆုံးဖြစ်သည်ကို တွေ့ရှိရပါကြောင်း၊ အလယ်တန်း၊ အထက် တန်းကျောင်းထွက်သူများသည် စိုက်ပျိုးရေးတွင် စတုတ္ထနှင့် ပဉ္စမ အများဆုံးလုပ်ကိုင်ပြီး ဆင်းရဲမှုရာခိုင်နှုန်း စတုတ္ထနှင့်ပဉ္စမဖြစ်သည်ကို တွေ့ရှိရပါကြောင်း၊ သက်မွေး သင်တန်း ပြီးသူများနှင့် တက္ကသိုလ်မှဘွဲ့ရရှိသူများကသာ ၀န်ဆောင်မှုကဏ္ဍများတွင် အများဆုံးအလုပ်ရရှိပြီး ဆင်းရဲမှု ရာခိုင်နှုန်းအနည်းဆုံးဖြစ်သည်ကို တွေ့ရှိရမည်ဖြစ်ပါကြောင်း၊ သို့ဖြစ်၍ ဆရာ ဆရာမများအနေဖြင့် ကျောင်းသား ကျောင်းသူများ၏အခက်အခဲများ၊ လိုအပ်ချက်များကို မေတ္တာ၊ ဂရုဏာအသိစိတ်ဖြင့် သင်ယူတတ်မြောက် မှုအရည်အသွေးကောင်းမွန်ရေးအတွက် ပူးပေါင်းကူညီဖြည့် ဆည်းပေးရန်အတွက် အလွန်အရေးကြီးပါကြောင်း။
မကွေးတိုင်းဒေသကြီးတွင် အခြေခံပညာသင်ယူခွင့်ပိုမိုတိုုးတက်ရရှိနိုင်ရေးအတွက် ကျောင်းအဆင့်တိုး မြှင့်ပေးခဲ့သည့်စာရင်းအရ ၂၀၁၇ -၂၀၁၈ပညာသင်နှစ်တွင် ကျောင်း(၁၀၁၂)ကျောင်း၊ ၂၀၁၈-၂၀၁၉ ပညာသင်နှစ်တွင် (၁၀၅၄)ကျောင်း၊ ၂၀၁၉-၂၀၂၀ ပညာသင်နှစ်တွင် (၉၃၃)ကျောင်းဖြစ်၍ အခြေခံပညာ မူလတန်း၊ အလယ်တန်း၊ အထက်တန်းကျောင်း စုစုပေါင်း(၄၃၉၂)ကျောင်းရှိလာပြီး မူလတန်းကျောင်းသား (၃၆၄၇၇၆)ဦး၊ အလယ်တန်း ကျောင်းသား(၂၇၈၅၇၄)ဦး၊ အထက်တန်းကျောင်းသား(၁၁၂၁၃၃)ဦး၊ စုစုပေါင်း ကျောင်းသား(၇၅၅၄၈၃)ဦး ဖြစ်လာ၍ မူလတန်းနှင့် အလယ်တန်းတွင် ကျောင်းတက်နှုန်းအလွန်မြင့်မားလာ သည်မှာ ဂုဏ်ယူ၀မ်းမြောက် မှတ်တမ်းတင်ပါကြောင်း၊ သို့သော် မူလတန်းကျောင်းသား ကျောင်းသူအားလုံး စာဖတ်တတ်ရန်၊ ရေးတတ်ရန်နှင့်အခြေခံသင်္ချာတွက်တတ်ရန် အလွန်အရေးကြီးပါကြောင်း၊ မိဘ၊ အုပ်ထိန်းသူ၊ ပြည်သူများ၏ပူးပေါင်းဆောင်ရွက်မှုဖြင့်သာ အောင်မြင်စွာဆောင်ရွက်နိုင်မည်ဖြစ်သဖြင့် အထူးအလေးထား ကူညီပေးပါရန် မေတ္တာရပ်ခံအပ်ပါကြောင်း။
ပညာရေး၀န်ကြီးဌာနအနေဖြင့်လည်း မကွေးတိုင်းဒေသကြီးတွင် လိုအပ်လျက်ရှိသော မူလတန်းပြ (၅၄၉၃)ဦး၊ အလယ်တန်းပြ(၂၅၅၂)ဦး၊ အထက်တန်းပြ(၂၈၄၂)ဦးတို့ကို လျာထားနှစ်အလိုက် သတ်မှတ်အရည် အချင်းပြည့်မီသူများကို စိစစ်ရွေးချယ်သင်တန်းပေး၍ ဒေသခံများပိုမိုခန့်ထားရေးအတွက် ခွင့်ပြုချက်ရရှိရေး စီစဉ်ဆောင်ရွက်လျက်ရှိပါကြောင်း၊ ၆၀’ × ၃၀’ ကျောင်းဆောင် စုစုပေါင်း (၆၁၇၆)ဆောင်၊ စာရေးခုံနှင့် ထိုင်ခုံ (၅၈၆၈၉)၊ သန့်စင်ခန်း(၁၄၃၂၁)တို့ကို ဖြည့်ဆည်းပေးရန်လိုအပ်ချက်ရှိပါကြောင်း၊ သောက်ရေလုံလောက်မှုမရှိ သဖြင့် လိုအပ်နေသော ကျောင်း(၆၇၇)ကျောင်းရှိပါကြောင်း၊ ပညာရေး၀န်ကြီးဌာနက မကွေးတိုင်းဒေသကြီးတွင် ငွေလုံးငွေရင်း(တည်ဆောက်ရေး)ခွင့်ပြုရန်ပုံငွေဖြင့် ၂၀၁၆-၂၀၁၇ တွင် ကျပ်သန်း(၁၀၉၆၉ ဒသမ ၇၅၈)ဖြင့် ကျောင်းဆောင်(၃၁၂)၊ ၂၀၁၇-၂၀၁၈ တွင် ကျပ်သန်း(၁၀၇၇၆ ဒသမ ၂)ဖြင့် ကျောင်းဆောင် (၂၅၆)၊ ၂၀၁၈-၂၀၁၉တွင် ကျပ်သန်း(၁၇၇၅၆ ဒသမ ၅၆)ဖြင့် ကျောင်းဆောင်(၄၅၇)၊ ၂၀၁၉-၂၀၂၀ တွင် ကျပ်သန်း(၁၇၇၉၈ ဒသမ ၀)ဖြင့် ကျောင်းဆောင် (၂၆၈)ဆောင် စုစုပေါင်း ကျောင်းဆောင် (၁၂၉၃)ဆောင်ကို ဖြည့်ဆည်းပေးရန် စီစဉ်ဆောင်ရွက်နိုင်ခဲ့ပါကြောင်း။
မကွေးတိုင်းဒေသကြီးတွင် ၂၀၁၉-၂၀၂၀ ဘဏ္ဍာရေးနှစ်တွင် စက်ပစ္စည်း၊ ပရိဘောဂခွင့်ပြုရန်ပုံငွေ ကျပ်သန်း (၅၁၀၀ ဒသမ ၈၂၈)ဖြင့် ကွန်ပျူတာ(၁၄၆၈)၊ စာရေးခုံ(အမြင့်)(၁၅၀၆၈)၊ စာရေးခုံ(အနိမ့်)(၂၅၁၅၁) စသည်တို့ကိုလည်းကောင်း၊ ပြင်ဆင်ထိန်းသိမ်းစရိတ် ခွင့်ပြုရန်ပုံငွေကျပ်သန်း(၁၀၈၅၈)ဖြင့်လည်း အဆောက် အဦများပြင်ဆင်ခြင်း၊ အပြီးသတ်ခြင်းလုပ်ငန်း(၅၇၅)ခု၊ လမ်းများဆောင်ရွက်ခြင်း(၁၂၁)ခု၊ ခြံစည်းရိုး၊ သန့်စင်ခန်း၊ ရေစနစ်များ ဆောင်ရွက်ခြင်းလုပ်ငန်း(၂၆၁၈)ခုတို့ကိုလည်း ဖြည့်ဆည်းပေးရန် စီစဉ်ဆောင်ရွက်လျက်ရှိပါကြောင်း၊ အခြားတိုင်းဒေသကြီး၊ ပြည်နယ်များအတွက်လည်း ယခုကဲ့သို့ပင် စီစဉ်ဆောင်ရွက်လျက်ရှိပါကြောင်း၊ နှစ်စဉ် ပညာရေး၀န်ကြီးဌာနက သက်ဆိုင်ရာ တိုင်းဒေသကြီး၊ ပြည်နယ်အစိုးရအဖွဲ့များသို့ ငွေလုံးငွေရင်းခွင့်ပြုရန်ပုံငွေနှင့် သက်ဆိုင်သော တည်ဆောက်ရေး၊ ပြင်ဆင်ထိန်းသိမ်းရေး၊ စက်ပစ္စည်းပရိဘောဂများအားလုံးအတွက် လုပ်ငန်း အပ်နှံဆောင်ရွက်လျက်ရှိသဖြင့် ပူးပေါင်းဆောင်ရွက်သော တိုင်းဒေသကြီး ပြည်နယ်အစိုးရအဖွဲ့များ၊ လွှတ်တော် ကိုယ်စားလှယ်များ၊ မိဘ ဆရာ၊ ကျောင်းသားများ၊ ပြည်သူများအားလုံးကို လုပ်ငန်းများအချိန်မီ အရည်အသွေး ပြည့်မီစွာဖြင့် အကျိုးရှိထိရောက်ပွင့်လင်းမြင်သာရေး ပူးပေါင်းကူညီပေးခဲ့ကြသည့်အတွက် အထူးကျေးဇူးတင်ရှိပါ ကြောင်းနှင့် မှတ်တမ်းတင်ပါကြောင်း။
အထူးသဖြင့် မကွေးတိုင်းဒေသကြီးတွင် လိုအပ်နေသော ကျောင်းဆောင်များကို ၂၀၁၇-၂၀၁၈ တွင် ကျပ်သန်း(၁၉၂၁ ဒသမ ၇၄၇)ဖြင့် (၂၅)ဆောင်၊ ၂၀၁၈-၂၀၁၉ တွင် ကျပ်သန်း (၂၄၂၁ ဒသမ ၇၃၉)ဖြင့် (၂၁) ဆောင်၊ ၂၀၁၉-၂၀၂၀ တွင် ကျပ်သန်း(၅၁၆၀ ဒသမ ၅၄၅)ဖြင့် (၁၀)ဆောင်တို့ကို ဆောက်လုပ်လှူဒါန်းခဲ့ကြသော ပြည်တွင်းပြည်ပအလှူရှင်များကို အထူးကျေးဇူးတင်ရှိပြီး ဂုဏ်ယူ၀မ်းမြောက်မိပါကြောင်း၊ ယခုကျောင်းဆောင်ကြီးမှ ဒေသဖွံ့ဖြိုးရေးကို တာ၀န်ယူတာ၀န်ခံပူးပေါင်းဆောင်ရွက်တတ်ပြီး ဆန်းသစ်တီထွင်ဖန်တီးနိုင်စွမ်းရှိသော လူသားကောင်းများပြုစုပျိုးထောင်သင်ကြားသင်ယူလေ့ကျင့်ပေးနိုင်ပါစေကြောင်း ပြောကြားသည်။
ထို့နောက် မကွေးတိုင်းဒေသကြီးအစိုးရအဖွဲ့ လူမှုရေး၀န်ကြီး ဒေါက်တာခင်မောင်အေးက အမှာစကား ပြောကြားပြီး အလှူရှင် ဦးကျော်စည်သူက ဓနုဖြူစာသင်ကျောင်းဆောင် လှူဒါန်းရခြင်းနှင့် ၀မ်းမြောက်စကားပြော ကြားသည်။
ယင်းနောက် ပြည်ထောင်စု၀န်ကြီး ဒေါက်တာမျိုးသိမ်းကြီးက ဓနုဖြူစာသင်ကျောင်းဆောင်အလှူရှင် ဦးကျော်စည်သူနှင့်မိသားစုက အမှတ်တရပေးအပ်သည့် ဓနုဖြူစာသင်ကျောင်းဆောင်၏ဓာတ်ပုံအား လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်သည်။
ထို့နောက် ညောင်ပင်ရွာ မိဘများ၏ကိုယ်စား မိဘဆရာအသင်း နာယက ဦးညီညီက ကျေးဇူးတင်စကား ပြောကြားပြီး စာသင်ကျောင်းဆောင်အလှူရှင် မိသားစုက စာသင်ကျောင်းဆောင်နှင့် သက်ဆိုင်သော စာရွက် စာတမ်းများအား ပညာရေး ၀န်ကြီးဌာနသို့ လွှဲပြောင်းပေးအပ်သည်။
ယင်းနောက် ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာမျိုးသိမ်းကြီးက အလှူရှင်များက ပေးအပ်လှူဒါန်းသည့် ကျောင်းသုံးစာအုပ်များအား အလှူရှင်များကိုယ်စား ပေးအပ်လှူဒါန်းခဲ့ကြောင်း သတင်းရရှိ သည်။
ယနေ့လှူဒါန်းသည့် ဓနုဖြူစာသင်ကျောင်းဆောင်သစ်ကို အလှူရှင် ဦးကျော်စည်သူနှင့် ဒေါ်မြသီတာ မိသားစုမှ (၁၀၀ × ၃၀)ပေ RC (၂)ထပ် ဓနုဖြူစာသင်ကျောင်းဆောင်သစ်နှင့် စာရေးစားပွဲများ၊ စာသင်ခုံများကို တန်ဖိုးကျပ်သိန်း(၁၅၀၀) ခန့်အကုန်အကျခံ၍ ဆောက်လုပ်လှူဒါန်းခဲ့ကြောင်း သတင်းရရှိသည်။

ပညာရေး၀န်ကြီးဌာန၊ ပြည်ထောင်စု၀န်ကြီး ၂၀၁၉ ခုနှစ် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ ဒုတိယနေ့ တက်ရောက်ဆွေးနွေး ပြောကြား

နေပြည်တော် ၂၀၁၉ အောက်တိုဘာ ၁၇

၂၀၁၉ ခုနှစ် တက္ကသိုလ်များဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ အခမ်းအနား ဒုတိယနေ့အစီအစဉ်ကို ယနေ့နံနက် ၉ နာရီတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-2)၌ ဆက်လက်ကျင်းပလျက်ရှိရာ ပညာရေး၀န်ကြီးဌာန၊ ပြည်ထောင်စု၀န်ကြီး ဒေါက်တာမျိုးသိမ်းကြီး တက်ရောက်ဆွေးနွေး ပြောကြားသည်။ အခမ်းအနားတွင် ပြည်ထောင်စု၀န်ကြီးက နှီးနှောဖလှယ်ပွဲတွင် ပူးပေါင်းပါ၀င် ဆောင်ရွက်ကြသူများ အားလုံးကို အထူးကျေးဇူးတင်ရှိပါကြောင်း၊ ပညာရေး၀န်ကြီးဌာနအနေဖြင့် မည်သည့်ခွဲခြားမှုမျှမရှိရေး၊ မည်သူတစ်ဦးတစ်ယောက်မျှ ချန်မထားရေး၊ အားလုံးသင်ယူမှုအခွင့်အလမ်း ရရှိရေးတို့ကို မူဝါဒအဖြစ် ထားရှိဆောင်ရွက်လျက် ရှိပါကြောင်း၊ ယနေ့ ၂၁ ရာစုခေတ်ကာလတွင် အလုပ်အကိုင်အခွင့်အလမ်းများ ရရှိရေးအတွက် ကျောင်းသား ကျောင်းသူများအား High Level Skills ရရှိအောင် သင်ကြားသင်ယူ လေ့ကျင့်ပေးကြရမည် ဖြစ်ပါကြောင်း၊ တက္ကသိုလ်များဖွံ့ဖြိုး တိုးတက်ရေးအတွက် အားလုံးအတူတကွ ညီညီညွတ်ညွတ်ဖြင့် ဆက်လက်ပူးပေါင်း ဆောင်ရွက်သွားကြရမည် ဖြစ်ပါကြောင်း စသည်ဖြင့်ဆွေးနွေး ပြောကြားသည်။ ယနေ့ကျင်းပခဲ့သည့် ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲတွင် နည်းပညာတက္ကသိုလ် (ကျောက်ဆည်) တွဲဖက်ပါမောက္ခ ဦးမျိုးသန့်က အဆင့်မြင့်ပညာကျောင်းများနှင့် ဆရာသမဂ္ဂများ၏အခန်းကဏ္ဍ စာတမ်းကိုလည်းကောင်း၊ ရတနာပုံတက္ကသိုလ် အင်္ဂလိပ်စာဌာန ကထိက ဦးသုတက အဆင့်မြင့်ပညာကျောင်းများ၏ ပညာရေးဆိုင်ရာ လွတ်လပ်စွာစီမံခန့်ခွဲမှုနှင့် စိန်ခေါ်မှုများ စာတမ်းကိုလည်းကောင်း၊ ရန်ကုန်အရှေ့ပိုင်းတက္ကသိုလ် ပါမောက္ခချုပ် ဒေါက်တာကျော်ကျော်ခေါင်က ကိုယ်ပိုင်(သို့မဟုတ်) ပုဂ္ဂလိကကျောင်းများ ကြီးကြပ်ရေးအဖွဲ့၏ လုပ်ငန်းဆောင်ရွက်ချက်များဆိုင်ရာ စာတမ်းကိုလည်းကောင်း၊ President, Private Higher Education Institutions Association မှ ဒေါက်တာကျော်မိုးထွန်းက The Role of Higher Education in Myanmar: Opportunities, Challenge and Hopes စာတမ်းကိုလည်းကောင်း၊ နည်းပညာတက္ကသိုလ်(သန်လျင်) ပါမောက္ခချုပ် ဒေါက်တာသိင်္ဂီက University Industry Linkages စာတမ်းကိုလည်းကောင်း၊ မုံရွာတက္ကသိုလ်ပါမောက္ခချုပ် ဒေါက်တာသူရဦးက တက္ကသိုလ်များရှိ နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေး ဌာနများ၏ တာ၀န်များ စာတမ်းကိုလည်းကောင်း၊ ပုသိမ်တက္ကသိုလ် ပါမောက္ခချုပ် ဒေါက်တာစီစီလှဘူးက ဒေသနှင့်လိုက်လျောညီထွေရှိသော ဘွဲ့သင်တန်း၊ ဒီပလိုမာသင်တန်းများ၊ သင်ကြားသင်ယူမှု နည်းလမ်းများ၊ သုတေသနလုပ်ငန်းများ အရှိန်အဟုန်မြှင့်တင် ဆောင်ရွက်ရေး စာတမ်းကိုလည်းကောင်း၊ အဆင့်မြင့်ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာနေဝင်းဦးက တက္ကသိုလ်၊ ဒီဂရီကောလိပ်၊ ကောလိပ်များ၏ အချက်အလက်များအပေါ် သုံးသပ်တင်ပြခြင်း စာတမ်းကိုလည်းကောင်း ဖတ်ကြားကြပြီး စာတမ်းအလိုက် ဆွေးနွေးညှိနှိုင်းရရှိချက်များကို အကြံပြုဆွေးနွေးကာ ရှေ့လုပ်ငန်းစဉ်များ ရေးဆွဲ အတည်ပြုကြကြောင်း သိရှိရသည်။

ပညာရေး၀န်ကြီးဌာန၊ ပြည်ထောင်စု၀န်ကြီး ၂၀၁၉ ခုနှစ် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ ဒုတိယနေ့ တက်ရောက်ဆွေးနွေး ပြောကြား

နေပြည်တော် ၂၀၁၉ အောက်တိုဘာ ၁၇

၂၀၁၉ ခုနှစ် တက္ကသိုလ်များဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ အခမ်းအနား ဒုတိယနေ့အစီအစဉ်ကို ယနေ့နံနက် ၉ နာရီတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-2)၌ ဆက်လက်ကျင်းပလျက်ရှိရာ ပညာရေး၀န်ကြီးဌာန၊ ပြည်ထောင်စု၀န်ကြီး ဒေါက်တာမျိုးသိမ်းကြီး တက်ရောက်ဆွေးနွေး ပြောကြားသည်။ အခမ်းအနားတွင် ပြည်ထောင်စု၀န်ကြီးက နှီးနှောဖလှယ်ပွဲတွင် ပူးပေါင်းပါ၀င် ဆောင်ရွက်ကြသူများ အားလုံးကို အထူးကျေးဇူးတင်ရှိပါကြောင်း၊ ပညာရေး၀န်ကြီးဌာနအနေဖြင့် မည်သည့်ခွဲခြားမှုမျှမရှိရေး၊ မည်သူတစ်ဦးတစ်ယောက်မျှ ချန်မထားရေး၊ အားလုံးသင်ယူမှုအခွင့်အလမ်း ရရှိရေးတို့ကို မူဝါဒအဖြစ် ထားရှိဆောင်ရွက်လျက် ရှိပါကြောင်း၊ ယနေ့ ၂၁ ရာစုခေတ်ကာလတွင် အလုပ်အကိုင်အခွင့်အလမ်းများ ရရှိရေးအတွက် ကျောင်းသား ကျောင်းသူများအား High Level Skills ရရှိအောင် သင်ကြားသင်ယူ လေ့ကျင့်ပေးကြရမည် ဖြစ်ပါကြောင်း၊ တက္ကသိုလ်များဖွံ့ဖြိုး တိုးတက်ရေးအတွက် အားလုံးအတူတကွ ညီညီညွတ်ညွတ်ဖြင့် ဆက်လက်ပူးပေါင်း ဆောင်ရွက်သွားကြရမည် ဖြစ်ပါကြောင်း စသည်ဖြင့်ဆွေးနွေး ပြောကြားသည်။ ယနေ့ကျင်းပခဲ့သည့် ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲတွင် နည်းပညာတက္ကသိုလ် (ကျောက်ဆည်) တွဲဖက်ပါမောက္ခ ဦးမျိုးသန့်က အဆင့်မြင့်ပညာကျောင်းများနှင့် ဆရာသမဂ္ဂများ၏အခန်းကဏ္ဍ စာတမ်းကိုလည်းကောင်း၊ ရတနာပုံတက္ကသိုလ် အင်္ဂလိပ်စာဌာန ကထိက ဦးသုတက အဆင့်မြင့်ပညာကျောင်းများ၏ ပညာရေးဆိုင်ရာ လွတ်လပ်စွာစီမံခန့်ခွဲမှုနှင့် စိန်ခေါ်မှုများ စာတမ်းကိုလည်းကောင်း၊ ရန်ကုန်အရှေ့ပိုင်းတက္ကသိုလ် ပါမောက္ခချုပ် ဒေါက်တာကျော်ကျော်ခေါင်က ကိုယ်ပိုင်(သို့မဟုတ်) ပုဂ္ဂလိကကျောင်းများ ကြီးကြပ်ရေးအဖွဲ့၏ လုပ်ငန်းဆောင်ရွက်ချက်များဆိုင်ရာ စာတမ်းကိုလည်းကောင်း၊ President, Private Higher Education Institutions Association မှ ဒေါက်တာကျော်မိုးထွန်းက The Role of Higher Education in Myanmar: Opportunities, Challenge and Hopes စာတမ်းကိုလည်းကောင်း၊ နည်းပညာတက္ကသိုလ်(သန်လျင်) ပါမောက္ခချုပ် ဒေါက်တာသိင်္ဂီက University Industry Linkages စာတမ်းကိုလည်းကောင်း၊ မုံရွာတက္ကသိုလ်ပါမောက္ခချုပ် ဒေါက်တာသူရဦးက တက္ကသိုလ်များရှိ နိုင်ငံတကာဆက်ဆံရေးနှင့် ပူးပေါင်းဆောင်ရွက်ရေး ဌာနများ၏ တာ၀န်များ စာတမ်းကိုလည်းကောင်း၊ ပုသိမ်တက္ကသိုလ် ပါမောက္ခချုပ် ဒေါက်တာစီစီလှဘူးက ဒေသနှင့်လိုက်လျောညီထွေရှိသော ဘွဲ့သင်တန်း၊ ဒီပလိုမာသင်တန်းများ၊ သင်ကြားသင်ယူမှု နည်းလမ်းများ၊ သုတေသနလုပ်ငန်းများ အရှိန်အဟုန်မြှင့်တင် ဆောင်ရွက်ရေး စာတမ်းကိုလည်းကောင်း၊ အဆင့်မြင့်ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာနေဝင်းဦးက တက္ကသိုလ်၊ ဒီဂရီကောလိပ်၊ ကောလိပ်များ၏ အချက်အလက်များအပေါ် သုံးသပ်တင်ပြခြင်း စာတမ်းကိုလည်းကောင်း ဖတ်ကြားကြပြီး စာတမ်းအလိုက် ဆွေးနွေးညှိနှိုင်းရရှိချက်များကို အကြံပြုဆွေးနွေးကာ ရှေ့လုပ်ငန်းစဉ်များ ရေးဆွဲ အတည်ပြုကြကြောင်း သိရှိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၂၀၁၉ ခုနှစ် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ အခမ်းအနားသို့ တက်ရောက်အမှာစကား ပြောကြား

နေပြည်တော် ၂၀၁၉ အောက်တိုဘာ ၁၆

၂၀၁၉ ခုနှစ် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲ အခမ်းအနားကို ယနေ့နံနက် ၉ နာရီခွဲတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-2)၌ ကျင်းပရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်အမှာစကား ပြောကြားသည်။ အခမ်းအနားသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ဒုတိယ ဗိုလ်ချုပ်ကြီးစိန်ဝင်း၊ ဒုတိယဗိုလ်ချုပ်ကြီးရဲအောင်၊ ဦးကျော်တင့်ဆွေ၊ သူရဦးအောင်ကို၊ ဦးသန့်စင်မောင်၊ ဦးသိန်းဆွေ၊ ဒေါက်တာမျိုးသိမ်းကြီး၊ ပြည်ထောင်စုစာရင်းစစ်ချုပ် ဦးမော်သန်း၊ ပြည်ထောင်စု ရာထူးဝန်အဖွဲ့ ဥက္ကဋ္ဌ ဦးဝင်းသိမ်း၊ နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်၊ ဒုတိယဝန်ကြီး ဦးဝင်းမော်ထွန်း၊ အမျိုးသားပညာရေး မူဝါဒကော်မရှင် ဥက္ကဋ္ဌ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယပါမောက္ခချုပ်များ၊ ပါမောက္ခများ၊ ကျောင်းအုပ်ကြီးများ၊ မြန်မာနိုင်ငံဝိဇ္ဇာနှင့် သိပ္ပံပညာရှင်များအဖွဲ့၊ အမျိုးသားအဆင့်အတန်းနှင့် အရည်အသွေးအာမခံမှု အကဲဖြတ်ရေးကော်မတီတို့မှ တာဝန်ရှိသူများ၊ စာတမ်းရှင်များ၊ တက္ကသိုလ်ဆရာသမဂ္ဂများမှ ဆရာ ဆရာမ ကိုယ်စားလှယ်များ၊ တက္ကသိုလ်ကျောင်းသား သမဂ္ဂများမှ ကျောင်းသား ကျောင်းသူ ကိုယ်စားလှယ်များ၊ တာဝန်ရှိသူများနှင့် ဖိတ်ကြားထားသူများ တက်ရောက်ကြသည်။ အခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ယခုလို မြန်မာ့ပညာရေးအတွက် ထူးခြားလေးနက်ပြီး အနှစ်သာရပြည့်ဝတဲ့ ပညာရေး နှီးနှောဖလှယ်ပွဲ အခမ်းအနားမှာ အဖွင့်အမှာစကား ပြောကြားရတဲ့အတွက် အထူးဂုဏ်ယူ ဝမ်းမြောက်ကြောင်း ပြောကြားလိုပါတယ်။ မျက်မှောက်ကာလ နိုင်ငံတော်ကို ဒီမိုကရေစီ ဖက်ဒရယ် ပြည်ထောင်စုကြီးအဖြစ် တည်ဆောက်ရာမှာ အခြေအနေ အချိန်အခါနဲ့ လိုက်လျောညီထွေဖြစ်တဲ့အပြင် အမှန်တကယ် လိုအပ်နေတဲ့ မူဝါဒတွေ၊ စီမံကိန်းတွေ၊ လုပ်ငန်းစဉ်တွေကို ချမှတ်ပြီး အဘက်ဘက်က အားသွန်ခွန်စိုက် အကောင်အထည်ဖော် ဆောင်ရွက်လျက်ရှိပါတယ်။ ဒီလိုအကောင်အထည်ဖော် ဆောင်ရွက်ရာမှာ ထူးချွန်ထက်မြက်တဲ့ လူ့စွမ်းအားအရင်းအမြစ်ဖြစ်တဲ့ အသိပညာရှင်၊ အတတ်ပညာရှင်တွေ အမြောက်အမြား လိုအပ်ပါတယ်။ အနာဂတ်နိုင်ငံတော်ကို တာဝန်ယူဆောင်ရွက်ကြရမယ့် မျိုးဆက်သစ်လူငယ်များ အပါအဝင် တစ်နိုင်ငံလုံးရဲ့ လူ့စွမ်းအားအရင်းအမြစ် ဖွံ့ဖြိုးတိုးတက်ရေးဟာ အခြေခံကျတဲ့ လိုအပ်ချက်ဖြစ်ပါတယ်။ ဒါကြောင့် ပညာရေးကဏ္ဍမှာ အခြေခံပညာနဲ့ အဆင့်မြင့်ပညာ ဟန်ချက်ညီညီ ဖွံ့ဖြိုးတိုးတက်စေဖို့နဲ့ နိုင်ငံတကာ အဆင့်မီစေဖို့ ကြိုးပမ်းဆောင်ရွက် နေရခြင်းဖြစ်ပါတယ်။ ပညာရေးဝန်ကြီးဌာနအနေနဲ့ အရည်အသွေးရှိတဲ့ အမျိုးသားပညာရေးစနစ်ကို အပြည့်အဝ အကောင်အထည် ဖော်ဆောင်နိုင်ဖို့အတွက် အမျိုးသားပညာရေး မဟာဗျူဟာစီမံကိန်း (၂ဝ၁၆-၂ဝ၂၁) ကို အကောင်အထည်ဖော် ဆောင်ရွက်လျက်ရှိသလို ပညာရေးမြှင့်တင်မှုတွေ ဆောင်ရွက်ရာမှာ အထောက်အကူ ဖြစ်စေဖို့အတွက် ပညာရေးဆိုင်ရာ နှီးနှောဖလှယ်ပွဲတွေကို နှစ်စဉ်နှစ်တိုင်း ကျင်းပနေတာကို တွေ့ရပါတယ်။ ပြီးခဲ့တဲ့ ၂ဝ၁၈ ခုနှစ်က ကျင်းပခဲ့တဲ့ ပညာရေးနှီးနှောဖလှယ်ပွဲမှာ စာတမ်း (၁၁)စောင် ဖတ်ကြားဆွေးနွေးခဲ့ပြီး ဖတ်ကြားဆွေးနွေးခဲ့ကြတဲ့ စာတမ်းများအရ ရှေ့ဆက်ဆောင်ရွက်ရမယ့် ရှေ့လုပ်ငန်းစဉ်များကို ချမှတ်ပြီး အကောင်အထည်ဖော် ဆောင်ရွက်လျက်ရှိတယ်လို့ သိရှိရပါတယ်။ ဒီနှစ်မှာလည်း အဆင့်မြင့်ပညာကဏ္ဍရဲ့ နယ်ပယ်ပေါင်းစုံနဲ့ သက်ဆိုင်တဲ့ စာတမ်းပေါင်း (၁၆)စောင် တင်သွင်းဖတ်ကြားပြီး၂ဝ၁၉-၂ဝ၂ဝ ခုနှစ်အတွင်း ဦးစားပေး အကောင်အထည်ဖော်ရမယ့် လုပ်ငန်းစဉ်များ ရရှိရေးအတွက် ပူးပေါင်းညှိနှိုင်း ဆွေးနွေးသွားကြမယ်လို့ သိရပါတယ်။ ဒီနှစ်ဖတ်ကြားတင်သွင်းမယ့် စာတမ်းတွေဟာလည်း ယခင်နှစ်တွေက ဖတ်ကြားခဲ့တဲ့ စာတမ်းများလိုပဲ ရှေ့လုပ်ငန်းစဉ်များကို ချမှတ်ပြီး အောင်မြင်စွာ အကောင်အထည်ဖော် ဆောင်ရွက်နိုင်မယ့် ရလဒ်ကောင်းတွေကို ဖော်ဆောင်နိုင်လိမ့်မယ်လို့ ယုံကြည်မျှော်လင့်ပါတယ်။ လူသားတစ်ယောက်အတွက် ပညာရေးဆိုတာ ဘဝတစ်လျှောက်လုံး စဉ်ဆက်မပြတ် သင်ယူရမယ့်အရာဖြစ်ပြီး နိုင်ငံတစ်နိုင်ငံ လူမှုစီးပွား ဖွံ့ဖြိုးတိုးတက်မှုအတွက် အဓိကကျတဲ့ အရင်းအနှီးတစ်ရပ်လည်း ဖြစ်ပါတယ်။ အထူးသဖြင့် ၂၁ ရာစု နိုင်ငံဖွံ့ဖြိုးတိုးတက်ရေးမှာ လူသားအရင်းအမြစ်ဟာ အထူးအရေးကြီးလှပါတယ်။ ဒါကြောင့် အဆင်မြင့်ပညာအနေနဲ့ ကမ္ဘာနဲ့ရင်ပေါင်တန်းနိုင်မယ့်၊ ခေတ်မီလူ့စွမ်း အားအရင်းအမြစ် ဈေးကွက်တွေမှာ ယှဉ်ပြိုင်နိုင်စွမ်းရှိတဲ့၊ ကျွမ်းကျင်မှုအရည်အသွေး၊ အရည်အချင်းတွေ ပြည့်ဝတဲ့ လူငယ်တွေကို မွေးထုတ်ပေးနိုင်ဖို့ အထူးပဲအရေးကြီးပါတယ်။ ကမ္ဘာ့အဆင့်အတန်းမီတဲ့ ပညာရေးစနစ်ဖြစ်လာစေဖို့ သုတေသနလုပ်ငန်းတွေ၊ ဆန်းသစ်တီထွင်မှုတွေ၊ အသက်မွေးဝမ်း ကျောင်းပညာတွေကို အားပေးပြီး ဆောင်ရွက်သွားရမှာ ဖြစ်ပါတယ်။ အမျိုးသားပညာရေးစနစ် ရေရှည်ဖွံ့ဖြိုးတိုးတက် မြင့်မားစေဖို့အတွက် ပညာရေးကဏ္ဍအသီးသီးမှာ အရည်အသွေး အာမခံစနစ်တစ်ရပ် ထားရှိရမှာဖြစ်ပါတယ်။ ဒီစနစ်ဟာ အမျိုးသားပညာရေး အရည်အသွေးကို အဆင့်မြင့်မားလာစေပြီး သင်ကြား၊ သင်ယူမှုအပိုင်းကို တိုးတက်မြင့်မားစေဖို့ အတွက်အထောက်အကူပြုမှာ ဖြစ်ပါတယ်။ ဒါ့အပြင် နည်းပညာရှင်များ၊ ပညာရေးစီမံခန့်ခွဲသူများ၊ ကျောင်းများ၊ သင်တန်းများနဲ့ တက္ကသိုလ်များက ဦးဆောင်သူများရဲ့ အရည်အသွေးကို မြှင့်တင်ပေးမယ့် အစီအစဉ်တွေကိုလည်း အလေးပေး ဆောင်ရွက်သွားကြရမှာ ဖြစ်ပါတယ်။ အဆင့်မြင့်ပညာမှာ အဓိကကျတဲ့ လုပ်ငန်းတစ်ရပ်ကတော့ သုတေသနလုပ်ငန်းပဲ ဖြစ်ပါတယ်။ အဆင့်မြင့်ပညာကဏ္ဍက ဆရာ ဆရာမတွေ၊ ကျောင်းသူ ကျောင်းသား တွေဟာ မိမိတို့ စိတ်အားထက်သန်ရာ၊ ကျွမ်းကျင်ရာ နယ်ပယ်အသီးသီးမှာ သုတေသန လုပ်ငန်းတွေကို တစ်စိုက်မတ်မတ် လုပ်ဆောင်နေဖို့ အရေးကြီးပါတယ်။ သုတေသန လုပ်ငန်းအသီးသီးက ရရှိလာတဲ့ ရလဒ်တွေကလည်း စီးပွားရေးဖွံ့ဖြိုးမှု၊ လူမှုအဆင့်ဖွံ့ဖြိုးမှု၊ စိတ်ပိုင်းရုပ်ပိုင်းဆိုင်ရာ ဖွံ့ဖြိုးမှုအတွက် အကျိုးပြုနိုင်မယ့် ရလဒ်တွေဖြစ်ဖို့ လိုအပ်ပါတယ်။ သုတေသနလုပ်ငန်းတွေ၊ ပရောဂျက်တွေကလည်း အရေအတွက်ထက် အရည်အသွေး မြင့်မားပြည့်ဝဖို့လိုပါတယ်။ ဒါ့အပြင် ကျွန်မတို့နိုင်ငံအခြေအနေနဲ့ ကိုက်ညီတဲ့ ဘာသာရပ်တွေ၊ ကိစ္စရပ်တွေကို အလေးထား ဆောင်ရွက်သွားဖို့ တိုက်တွန်းလိုပါတယ်။ အရင်နှစ်က ကျွန်မပြောခဲ့သလိုပဲ၊ သုတေသနလုပ်ငန်းတွေမှာ ပုဂ္ဂလိကစီးပွားရေး လုပ်ငန်းပိုင်းက ပံ့ပိုးကူညီမှုတွေရအောင် လုပ်ကြပါလို့ ထပ်မံတိုက်တွန်းလိုပါတယ်” ဟု ပြောကြားသည်။ ဆက်လက်၍ နိုင်ငံတော်၏ အတိုင်ပင်ခံပုဂ္ဂိုလ်က "အဆင့်မြင့်ပညာရေးဟာ နိုင်ငံတစ်နိုင်ငံရဲ့ လူမှုစီးပွားဖွံ့ဖြိုး တိုးတက်ရေးအတွက် အထောက်အကူပြုနိုင်ဖို့သာမက လူသားပီသတဲ့ နိုင်ငံသားကောင်းတွေ၊ ကမ္ဘာသူ ကမ္ဘာသားကောင်းတွေ ဖြစ်လာစေရေး ကိုလည်း ပဲ့ကိုင်ထိန်းကျောင်းပေးဖို့ လိုအပ်ပါတယ်။ လူမှုစီးပွားဖွံ့ဖြိုး တိုးတက်ဖို့အတွက် စီးပွားရေး အဖွဲ့အစည်းတွေ၊ စက်မှုလက်မှု လုပ်ငန်းတွေမှာ လိုအပ်နေတဲ့ အရည်အချင်းပြည့်မီတဲ့ လူသားအရင်းအမြစ်များကို ပြုစုပျိုးထောင်ပေးဖို့ လိုအပ်သလို အမြော်အမြင် ကြီးမားပြီး စိတ်ကောင်းနှလုံးကောင်းရှိတဲ့ နိုင်ငံသူနိုင်ငံသားကောင်းများ မွေးထုတ်ပေးနိုင်ဖို့လည်း လွန်စွာအရေးကြီးပါတယ်။ နိုင်ငံသူနိုင်ငံသား ကောင်းတွေကသာ ငြိမ်းချမ်းသာယာပြီး အတူတကွ လက်တွဲနေထိုင်နိုင်မယ့် ပြည်ထောင်စုကြီးကို တည်ဆောက်နိုင်မှာ ဖြစ်ပါတယ်။ နိုင်ငံသူနိုင်ငံသား ကောင်းတွေကပဲ ကမ္ဘာတစ်ဝန်းမှာ လူသားဆန်တဲ့၊ လူပီသတဲ့ကမ္ဘာသူ ကမ္ဘာသားကောင်းတွေ ဖြစ်လာမှာ ဖြစ်ပါတယ်။ အဲဒီလိုဖြစ်လာဖို့ဆိုရင် ကျောင်းသူ ကျောင်းသားတွေကို စာသင်ခန်းအတွင်းမှာ သာမက ဘက်စုံဖွံ့ဖြိုး တိုးတက်လာအောင် ကြိုးပမ်းဆောင်ရွက်ကြရမှာ ဖြစ်ပါတယ်။ ပညာသင်ယူမှုကို စာသင်ခန်းထဲမှာပဲ ကန့်သတ်မထားဘဲ မိမိပတ်ဝန်းကျင်၊ မိမိဒေသ၊ မိမိနိုင်ငံ ဖွံ့ဖြိုးတိုးတက်ရေးအတွက်ပါ တစ်သားတည်း ဆက်စပ်ဖြစ်ထွန်းအောင် လေ့ကျင့်ပျိုးထောင် ပေးကြရမှာ ဖြစ်ပါတယ်။ ကျောင်းသား၊ ကျောင်းသူများအတွက် သင်ယူမှု ဝန်းကျင်ကောင်းများ ဖြစ်လာစေရေးအတွက် စာဖတ်စွမ်းရည် အလေ့အကျင့်တွေ၊ စာပေပြိုင်ပွဲတွေ၊ ဟောပြောပွဲတွေ၊ ဆွေးနွေးပွဲတွေ၊ အားကစားပွဲတွေကိုလည်း အားပေးဆောင်ရွက်သွားဖို့ လိုအပ်ပါတယ်။ အမျိုးသားရေး စိတ်ဓာတ် နိုးကြားထက်သန်ပြီး ပြည်သူ့နီတိ၊ ဒီမိုကရေစီ ကျင့်စဉ်များနှင့်အညီ လူ့အခွင့်အရေးကို တန်ဖိုးထား လိုက်နာတတ်တဲ့ လူငယ်လူရွယ်တွေကို မွေးထုတ်ပေးနိုင်ဖို့ ဦးတည် ဆောင်ရွက်ပေးဖို့ လိုအပ်ပါတယ်။ လက်တွေ့ကျတဲ့ ပညာရေးပြုပြင် ပြောင်းလဲမှုတွေကို အကောင်အထည်ဖော်တဲ့နေရာမှာ နည်းပညာနဲ့ အသက်မွေးဝမ်းကျောင်းဆိုင်ရာ ပညာတွေကိုလည်း အလေးထား ဆောင်ရွက်ပေးရမှာ ဖြစ်ပါတယ်။ တစ်ဖက်ကလည်း တိုင်းရင်းသားလူမျိုးစုများရဲ့ ဘာသာစကား၊ ယဉ်ကျေးမှု၊ ဓလေ့ထုံးစံအမွေအနှစ်များ ထိန်းသိမ်းနိုင်ရေးနဲ့ တိုင်းရင်းသား ဘာသာစကားများ ရေရှည်တည်တံ့ရေး ဆောင်ရွက်မှုများကိုလည်း ဟန်ချက်ညီညီ ဖြည့်ဆည်းပေးသွားရမှာ ဖြစ်ပါတယ်။ နိုင်ငံတော်ကြီးတစ်ခုလုံး ဖွံ့ဖြိုးတိုးတက်လာစေဖို့အတွက် ဒေသတစ်ခုချင်းစီရဲ့ ဖွံ့ဖြိုးတိုးတက်မှု ဟာပဓာနကျတာနဲ့အမျှ ဒေသအလိုက် ပညာရေးဖွံ့ဖြိုးတိုးတက်မှုနဲ့ ဒေသတွင်းမှာရှိတဲ့ သယံဇာတအရင်းအမြစ်များနဲ့ ဆက်စပ်ပြီး ထိထိရောက်ရောက် အကျိုးရှိစွာ အသုံးချနိုင်ရေးတို့ကို ရည်ရွယ်လုပ်ဆောင်သွားရမှာ ဖြစ်ပါတယ်။ အနာဂတ် ဒီမိုကရေစီနိုင်ငံတော်သစ် တည်ဆောက်ရာမှာ ပြည်ထောင်စုကြီး အဘက်ဘက်က ဖွံ့ဖြိုးတိုးတက်ရေး၊ ပြည်တွင်းငြိမ်းချမ်းရေး၊ စစ်မှန်တဲ့ ပြည်ထောင်စု တည်ဆောက်နိုင်ရေး၊ ဒီမိုကရေစီ ဖက်ဒရယ်ပြည်ထောင်စု ဖြစ်ပေါ်ရေးတို့အတွက် စွမ်းရည်ထက်မြက်တဲ့ လူငယ်မျိုးဆက်သစ် လူ့စွမ်းအားအရင်းအမြစ်များရဲ့ အခန်းကဏ္ဍဟာ အလွန်အရေးကြီးပါတယ်။ ဒီလို စွမ်းရည်ထက်မြက်တဲ့ လူ့စွမ်းအားအရင်းအမြစ်တွေကို အရည်အသွေး မြင့်မားတဲ့ ပညာရေးကသာ မွေးထုတ်ပေးနိုင်မှာ ဖြစ်ပါတယ်။ ဒီကနေ့ ပြုလုပ်တဲ့ ၂ဝ၁၉ ခုနှစ် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲကတစ်ဆင့် နိုင်ငံတော်က လိုအပ်လျက်ရှိတဲ့ အရည်အသွေး မြင့်မားတဲ့ အဆင့်မြင့်ပညာရေးကို ဖော်ဆောင်ရာမှာ ဖြည့်ဆည်းပေးနိုင်မယ့် လုပ်ငန်းစဉ်တွေ ချမှတ်နိုင်ဖို့ ဝိုင်းဝန်းညှိနှိုင်း ဆွေးနွေးအကောင်အထည် ဖော်နိုင်မယ်လို့ ယုံကြည် မျှော်လင့်ပါတယ်။ ယခုကျင်းပတဲ့ နှီးနှောဖလှယ်ပွဲက ထွက်ပေါ်လာမယ့် ရလဒ်ကောင်းတွေကတစ်ဆင့် ပညာရေးမြှင့်တင်မှု လုပ်ငန်းတွေကို အကောင်အထည်ဖော် ဆောင်ရွက်ရာမှာ မညီမျှမှုများ၊ မတည်ငြိမ်မှုများ ကင်းဝေးပပျောက်ပြီး တရားဥပဒေစိုးမိုးမှု၊ တရားမျှတမှု၊ ငြိမ်းချမ်းမှု၊ လွတ်လပ်မှုများကို၊ နိုင်ငံသားတိုင်း တန်းတူညီမျှဖြစ်မှုတို့အတွက် မိမိတို့ကျရာနေရာကနေ တာဝန်ယူ၊ တာဝန်ခံမှု အပြည့်အဝနဲ့ ဝိုင်းဝန်းကြိုးပမ်း အကောင်အထည်ဖော် ဆောင်ရွက်သွားကြပါလို့ တိုက်တွန်းလိုပါတယ်။ နိဂုံးချုပ်အနေနဲ့ ကျွန်မပြောလေ့ပြောထရှိတဲ့ စကားတစ်ချို့ကို ပြန်ပြောချင်ပါတယ်။ ကျွန်မတို့အားလုံးအတွက် အရေးကြီးတာကတော့ ပူးပေါင်းဆောင်ရွက်ရေးပဲဖြစ်ပါတယ်။ ဒါကြောင့် ကျွန်မ ပညာရေးလောကမှာရော၊ ကျွန်မတို့ရဲ့ နိုင်ငံရေးလောကမှာရော အခုဆိုရင် သိပ်ခေတ်စားနေတဲ့ ခေါင်းဆောင်ဖြစ်မှုဆိုတာကို အလေးမထားဘဲနဲ့ ပူးပေါင်းဆောင်ရွက်မှုကို အလေးထားစေချင်ပါတယ်။ စုပေါင်းပြီး ဆောင်ရွက်မှသာ ကျွန်မတို့ အောင်မြင်နိုင်မှာပါ။ ကျွန်မတို့ အခုဒီနှစ်တွေ အတွင်းမှာဆိုရင် ကျွန်မတို့ နိုင်ငံတွင်သာမက ကမ္ဘာတစ်ဝန်းလုံးမှာ ခေါင်းဆောင်မှုနဲ့ပတ်သက်တဲ့ သင်ကြားရေး နှီးနှောဖလှယ်ပွဲတွေ ခဏခဏလုပ်တာကို သတိပြုမိပါတယ်။ အားလုံးက ခေါင်းဆောင်ချည်းပဲ လုပ်ချင်ကြတယ်။ လူငယ်ခေါင်းဆောင်၊ အမျိုးသမီးခေါင်းဆောင်၊ တိုင်းရင်းသားခေါင်းဆောင်၊ နိုင်ငံရေး ခေါင်းဆောင်၊ စီးပွားရေးခေါင်းဆောင်၊ အားလုံးက ခေါင်းဆောင်လုပ်ရင် ဘယ်သူက နောက်ကလိုက်မှာလဲ။ အရေးကြီးတာက စုပေါင်းပြီး အစုအဖွဲ့အနေနဲ့ လုပ်ဆောင်ဖို့ပဲ။ အင်္ဂလိပ်လိုပြောရင် Teamwork ပါ။ ဒီလို အစုအဖွဲ့တစ်ခုအနေနဲ့လုပ်ရင် ဦးဆောင်မှုပေးနိုင်တဲ့ လူတွေကသူတို့အလိုလို သူတို့ရဲ့ဆောင်ရွက်ချက်အရ ပေါ်လာပါမယ်။ ဒါပေမယ့် ဒီလို ဦးဆောင်မှုပဲပေးတဲ့နေရာမှာ တခြားလူတွေနဲ့ တန်းတူညီတူဖြစ်တယ် ဆိုတာလည်း သူတို့သဘောပေါက်ပြီးတော့မှ ထွက်လာတဲ့ ခေါင်းဆောင်တွေမို့လို့ ပိုပြီးတော့ ထိရောက်မယ်၊ ပိုပြီးတော့ နိုင်ငံကို အကျိုးပြုမယ်။ ကျွန်မတို့ရဲ့ ပြည်သူလူထုအားလုံးကို အကျိုးပြုနိုင်မှာ ဖြစ်ပါတယ်။ အဲဒါကြောင့် ကျွန်မတို့အားလုံးဟာ စုပေါင်းဆောင်ရွက်တဲ့ စိတ်ဓာတ်ကိုပိုပြီးတော့ ဖွံ့ဖြိုးတိုးတက်အောင် လုပ်စေချင်ပါတယ်။ ကိုယ်တစ်ယောက်ကပဲ ရှေ့ကနေမယ်ဆိုတဲ့ စိတ်ဓာတ်နဲ့မဟုတ်ဘဲနဲ့ အားလုံးနဲ့ပူးပေါင်း ဆောင်ရွက်ခြင်းအားဖြင့် ကိုယ့်ရဲ့ အားနည်းချက်တွေဆိုရင် ပြုပြင်နိုင်မယ်။ အားသာချက်တွေကို အများအတွက် သုံးနိုင်မယ်ဆိုတဲ့ စိတ်ဓာတ်နဲ့ ဆက်လက်ပြီးတော့ လုပ်ဆောင်သွားစေချင်ပါတယ်။ ဒါကြောင့်မို့ နှီးနှောဖလှယ်ပွဲမှာ ဒီဟာကို ဦးတည်ပါလို့ ကျွန်မအနေနဲ့ မေတ္တာရပ်ခံပါတယ်။ အားလုံးက ပူးပေါင်းပြီးတော့ အဖွဲ့အစည်းတစ်ခုအနေနဲ့ ဆောင်ရွက်ဖို့ ကိုယ်တစ်ယောက်တည်း ရှေ့ကနေဖို့ မဟုတ်ဘဲနဲ့ ကိုယ်တတ်နိုင်တဲ့ နေရာကနေ ပံ့ပိုးပေးဖို့ ဒါဟာ ပါမောက္ခချုပ်များ တင်မက ဆရာ ဆရာမများ၊ ကျောင်းသားများ၊ မိဘများ၊ ပြည်သူများအားလုံးမှာ တာဝန်ရှိပါတယ် ပြောရင်းနဲ့ နိဂုံးချုပ်ပါတယ်” ဟုပြောကြားသည်။ ထို့နောက် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက တက္ကသိုလ်များ ကဏ္ဍစုံဖွံ့ဖြိုးတိုးတက်ရေးအတွက် ဆောင်ရွက်နေမှုများနှင့် စပ်လျဉ်း၍ အကျယ်တဝင့် ရှင်းလင်းပြောကြားသည်။ ယင်းနောက် ပါမောက္ခချုပ်များ ကော်မတီဥက္ကဋ္ဌ ဒေါက်တာဇော်ဝေစိုးက ပါမောက္ခချုပ်များ ကော်မတီအနေဖြင့် တက္ကသိုလ်များနှင့် ပေါင်းစပ်ညှိနှိုင်းဆောင်ရွက်ပေးခဲ့မှု အခြေအနေများနှင့် စပ်လျဉ်း၍ ရှင်းလင်းတင်ပြသည်။ ထို့နောက် နိုင်ငံတော်၏ အတိုင်ပင်ခံပုဂ္ဂိုလ်သည် ပြည်ထောင်စုဝန်ကြီးများ၊ ပြည်ထောင်စု စာရင်းစစ်ချုပ်၊ ပြည်ထောင်စုရာထူးဝန်အဖွဲ့ဥက္ကဋ္ဌ၊ နေပြည်တော်ကောင်စီ ဥက္ကဋ္ဌ၊ ဒုတိယဝန်ကြီးနှင့် တာဝန်ရှိသူများ၊ ပါမောက္ခချုပ်များကော်မတီ အလုပ်အမှုဆောင်အဖွဲ့ဝင်များနှင့်အတူ မှတ်တမ်းတင်ဓာတ်ပုံရိုက်သည်။ ယင်းနောက် တက္ကသိုလ်များ ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲကို ဆက်လက်ကျင်းပရာ Myanmar British Councilမှ Country Director Dr. Richard Sunderland က National Insitiute for Higher Education Development (NIHED) project စာတမ်းကိုလည်းကောင်း၊ Central European University မှ Senior Program Manager Mr.Oleksandr Shtokvych က Towards University Autonomy in Myanmar: Policies, Planning and Implementation စာတမ်းကိုလည်းကောင်း၊ အခြေခံကျန်းမာရေးတက္ကသိုလ်(မကွေး) ပါမောက္ခချုပ် (အငြိမ်းစား) ဒေါက်တာထင်ဇော်စိုးက မြန်မာနိုင်ငံတက္ကသိုလ်များ သုတေသနညီလာခံ (၂၀၁၉)ပြီးစီးမှုနှင့် အားသာချက် အားနည်းချက်များ စာတမ်းကိုလည်းကောင်း၊ မုံရွာစီးပွားရေးတက္ကသိုလ် ပါမောက္ခချုပ် ဒေါက်တာစိုးဝင်းက မြန်မာနိုင်ငံ တက္ကသိုလ်များ၏ ဘဏ္ဍာရေးစနစ်နှင့် ဖွံ့ဖြိုးတိုးတက်မှု စာတမ်းကိုလည်းကောင်း၊ အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်းက တက္ကသိုလ်၊ ဒီဂရီ ကောလိပ်၊ ကောလိပ်များတွင် e-Payment စနစ် ကျယ်ပြန့်စွာ အသုံးပြုနိုင်ရေး စာတမ်းကိုလည်းကောင်း၊ ရန်ကုန်ကွန်ပျူတာတက္ကသိုလ် ပါမောက္ခချုပ် ဒေါက်တာမီမီသက်သွင်က ICT လုပ်ငန်းကော်မတီ၏ လုပ်ငန်းစဉ်များနှင့် ညှိနှိုင်းဆောင်ရွက်နေမှု စာတမ်းကို လည်းကောင်း၊ စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာစောပြုံးနိုင်က ပညာရေးကောလိပ်များရှိ (၂)နှစ်သင်တန်း အစီအစဉ်များကို (၄)နှစ်သင်ပညာရေး အထူးပြု ဘွဲ့အစီအစဉ်များသို့ အဆင့်မြှင့်တင်ခြင်း စာတမ်းကိုလည်းကောင်း၊ ရန်ကုန်နိုင်ငံခြား ဘာသာတက္ကသိုလ် ပါမောက္ခချုပ် ဒေါက်တာကြည်ရွှင်က Good Practice Guidelines of University Governance and Management စာတမ်းကိုလည်းကောင်း၊ မန္တလေးအဝေးသင်တက္ကသိုလ် ဒုတိယပါမောက္ခချုပ် ဒေါက်တာအောင်နိုင်စိုးက အဝေးသင် အနီးကပ်သင်တန်းများ ပြုပြင်ပြောင်းလဲရေး စာတမ်းကိုလည်းကောင်း၊ ရန်ကုန်အနောက်ပိုင်း တက္ကသိုလ် ဓာတုဗေဒဌာန တွဲဖက်ပါမောက္ခ ဒေါက်တာမျိုးမင်းက အဆင့်မြင့်ပညာကဏ္ဍရှိ ဆရာ ဆရာမများ၏ လူမှုဘဝအခက်အခဲများနှင့် ဖြေရှင်းနိုင်မည့် နည်းလမ်းများ စာတမ်းကိုလည်းကောင်း ဖတ်ကြားကြရာ တက်ရောက်လာကြသူများက ပြန်လည်ဆွေးနွေးကြသည်။ ယခု နှီးနှောဖလှယ်ပွဲကို အောက်တိုဘာ ၁၇ ရက်တွင် ဆက်လက်ကျင်းပ သွားမည်ဖြစ်ပြီး စာတမ်းရှင်(၈)ဦးမှ စာတမ်း(၈)စောင်ကို မြန်မာနိုင်ငံရှိ တက္ကသိုလ်များ ကဏ္ဍစုံ ဖွံ့ဖြိုးတိုးတက်ရေးအတွက် ဖတ်ကြားဆွေးနွေးသွားမည် ဖြစ်ကြောင်းသိရသည်။ ယခုအခါ မြန်မာနိုင်ငံတွင် ဝန်ကြီးဌာန (၈)ခုအောက်၌ တက္ကသိုလ်ပေါင်း (၁၇၄)ခု ဖွင့်လှစ်ထားရှိပြီး တက္ကသိုလ် (၁၆၄)ခုမှာ ပါမောက္ခချုပ်များ ကော်မတီတွင် အဖွဲ့ဝင်အဖြစ် ပါဝင်ပူးပေါင်း ဆောင်ရွက်လျက်ရှိကြောင်း သိရသည်။